ਪੰਜਾਬ ਤੋਂ ਹਿਮਾਚਲ ਸਤਿਸੰਗ ਲਈ ਗਏ ਸ਼ਰਧਾਲੂਆਂ ਦੀ ਕਾਰ ਨਦੀ 'ਚ ਡਿੱਗੀ ; 2 ਦੀ ਮੌਤ

ਨੈਸ਼ਨਲ ਡੈਸਕ: ਹਿਮਾਚਲ ਦੇ ਸ਼ਿਮਲਾ ਜ਼ਿਲ੍ਹੇ ਦੇ ਚੌਪਾਲ ਸਬ-ਡਿਵੀਜ਼ਨ ਅਧੀਨ ਆਉਂਦੇ ਨੇਰਵਾ ਥਾਣੇ ਅਧੀਨ ਇੱਕ ਵਾਪਰੇ ਹਾਦਸੇ ਵਿੱਚ ਪੰਜਾਬ ਦੇ 2 ਲੋਕਾਂ ਦੀ ਮੌਤ ਹੋ ਗਈ ਹੈ, ਜਦੋਂ ਕਿ 2 ਗੰਭੀਰ ਜ਼ਖਮੀ ਹੋ ਗਏ ਹਨ ਤੇ ਇੱਕ 10 ਸਾਲਾ ਬੱਚਾ ਨਦੀ 'ਚ ਵਹਿ ਗਿਆ ਹੈ। ਇਹ ਲੋਕ ਧਾਰਮਿਕ ਸਤਸੰਗ 'ਚ ਹਿੱਸਾ ਲੈਣ ਲਈ ਆਏ ਸਨ ਪਰ ਨੇਰਵਾ ਥਾਣਾ ਖੇਤਰ ਦੇ ਝਮਾਰੜੀ ਨੇੜੇ ਗੱਡੀ ਹਾਦਸਾਗ੍ਰਸਤ ਹੋ ਗਈ।

ਇਹ ਵੀ ਪੜ੍ਹੋ..Air India Crash : ਟੇਕਆਫ ਦੌਰਾਨ ਕੋਈ ਪਾਇਲਟ ਸਵਿੱਚਾਂ ਨਾਲ ਛੇੜਛਾੜ ਨਹੀਂ ਕਰਦਾ: ਮਾਰਕ ਮਾਰਟਿਨ

ਜਾਣਕਾਰੀ ਅਨੁਸਾਰ ਸ਼ਨੀਵਾਰ ਸ਼ਾਮ 7 ਵਜੇ ਦੇ ਕਰੀਬ ਨੇਰਵਾ-ਫੇਦਰੀਜਪੁਲ ਮੁੱਖ ਸੜਕ 'ਤੇ ਟੰਡੋਰੀ ਅਤੇ ਬਾਥਲ ਵਿਚਕਾਰ ਇੱਕ ਸਕਾਰਪੀਓ ਕਾਰ (ਨੰਬਰ-PB32G.8768) ਹਾਦਸਾਗ੍ਰਸਤ ਹੋ ਗਈ। ਕਾਰ 'ਚ ਚਾਰ ਲੋਕ ਅਤੇ ਇੱਕ 10 ਸਾਲਾ ਬੱਚਾ ਸਵਾਰ ਸਨ। ਹਾਦਸੇ ਵਿੱਚ ਦੋ ਲੋਕਾਂ ਦੀ ਮੌਤ ਹੋ ਗਈ ਅਤੇ 2 ਜ਼ਖਮੀ ਹੋ ਗਏ, ਜਦੋਂ ਕਿ ਇੱਕ 10 ਸਾਲਾ ਬੱਚਾ ਨਦੀ ਦੇ ਤੇਜ਼ ਵਹਾਅ ਵਿੱਚ ਵਹਿ ਗਿਆ ਅਤੇ ਅਜੇ ਵੀ ਲਾਪਤਾ ਹੈ। ਘਟਨਾ ਦੀ ਸੂਚਨਾ ਮਿਲਦੇ ਹੀ ਪੁਲਸ ਅਤੇ ਸਥਾਨਕ ਪ੍ਰਸ਼ਾਸਨ ਦੀਆਂ ਟੀਮਾਂ ਮੌਕੇ 'ਤੇ ਪਹੁੰਚ ਗਈਆਂ ਅਤੇ ਤੁਰੰਤ ਰਾਹਤ ਅਤੇ ਬਚਾਅ ਕਾਰਜ ਸ਼ੁਰੂ ਕਰ ਦਿੱਤੇ ਅਤੇ ਜ਼ਖਮੀਆਂ ਨੂੰ ਬਾਹਰ ਕੱਢ ਕੇ ਨੇਰਵਾ ਹਸਪਤਾਲ ਲਿਆਂਦਾ ਗਿਆ।

ਇਹ ਵੀ ਪੜ੍ਹੋ..ਰਾਸ਼ਟਰਪਤੀ ਮੁਰਮੂ ਨੇ ਰਾਜ ਸਭਾ ਲਈ ਚਾਰ ਉੱਘੀਆਂ ਸ਼ਖ਼ਸੀਅਤਾਂ ਨੂੰ ਕੀਤਾ ਨਾਮਜ਼ਦ, ਉੱਜਵਲ ਨਿਕਮ ਵੀ ਸੂਚੀ 'ਚ ਸ਼ਾਮਲ

ਐਸਡੀਐਮ ਅਤੇ ਡੀਐਸਪੀ ਵੀ ਮੌਕੇ 'ਤੇ ਪਹੁੰਚ ਗਏ। ਇਸ ਹਾਦਸੇ ਵਿੱਚ ਮ੍ਰਿਤਕਾਂ ਦੀ ਪਛਾਣ ਕੁਮਾਰ ਸੁਚੀ ਵਾਸੀ ਤਹਿਸੀਲ ਨੇਰਵਾ ਜ਼ਿਲ੍ਹਾ ਸ਼ਿਮਲਾ, ਗੁਰਮੇਲ ਲਾਲ ਜ਼ਿਲ੍ਹਾ ਨਵਾਂਸ਼ਹਿਰ (ਪੰਜਾਬ) ਵਜੋਂ ਹੋਈ ਹੈ, ਜਦੋਂ ਕਿ ਬਲਵਿੰਦਰ (35) ਪਤਨੀ ਹਰਬੰਸ ਲਾਲ ਪਿੰਡ ਬੜਮਾਜਰਾ ਨਵਾਂਸ਼ਹਿਰ (ਪੰਜਾਬ) ਅਤੇ ਕੇਸ਼ਵ ਕੁਮਾਰ (32) ਪੁੱਤਰ ਨਰਿੰਦਰ ਕੁਮਾਰ ਵਾਸੀ ਪਿੰਡ ਬੰਗਾ ਨਵਾਂਸ਼ਹਿਰ (ਪੰਜਾਬ) ਜ਼ਖਮੀ ਹੋ ਗਏ ਹਨ। ਕਾਰ ਵਿੱਚ ਸਵਾਰ ਬਲਵਿੰਦਰ ਦਾ ਇੱਕ ਪੁੱਤਰ, ਜਿਸਦੀ ਉਮਰ ਲਗਭਗ 10 ਸਾਲ ਦੱਸੀ ਜਾ ਰਹੀ ਹੈ, ਦਰਿਆ ਦੇ ਪਾਣੀ 'ਚਵਹਿ ਗਿਆ ਹੈ, ਜਿਸਦੀ ਭਾਲ ਪੁਲਸ ਅਤੇ ਦਰਿਆ ਦੇ ਦੋਵੇਂ ਪਾਸੇ ਹੋਰ ਲੋਕ ਕਰ ਰਹੇ ਹਨ, ਪਰ ਹਨੇਰਾ ਅਤੇ ਦਰਿਆ ਦੇ ਪਾਣੀ ਦਾ ਪੱਧਰ ਉੱਚਾ ਹੋਣ ਕਾਰਨ ਲੜਕਾ ਨਹੀਂ ਮਿਲਿਆ ਹੈ।ਡੀਐੱਸਪੀ ਚੌਪਾਲ ਸੁਸ਼ਾਂਤ ਸ਼ਰਮਾ ਨੇ ਦੱਸਿਆ ਕਿ ਚਾਰ ਲੋਕਾਂ ਨੂੰ ਬਚਾ ਲਿਆ ਗਿਆ ਹੈ ਤੇ ਮੁੱਢਲੀ ਸਹਾਇਤਾ ਲਈ ਨਰਵਾ ਹਸਪਤਾਲ ਭੇਜਿਆ ਗਿਆ ਹੈ, ਜਿਨ੍ਹਾਂ ਵਿੱਚੋਂ ਦੋ ਲੋਕਾਂ ਦੀ ਮੌਤ ਹੋ ਗਈ ਹੈ, ਜਦੋਂ ਕਿ 2 ਲੋਕ ਬੁਰੀ ਤਰ੍ਹਾਂ ਜ਼ਖਮੀ ਹਨ। ਲਾਪਤਾ ਬੱਚੇ ਨੂੰ ਲੱਭਣ ਲਈ ਪੁਲਿਸ ਅਤੇ ਬਚਾਅ ਟੀਮਾਂ ਵੱਲੋਂ ਸਰਚ ਆਪ੍ਰੇਸ਼ਨ ਚਲਾਇਆ ਜਾ ਰਿਹਾ ਹੈ। ਅਜੇ ਤੱਕ ਇਹ ਸਪੱਸ਼ਟ ਨਹੀਂ ਹੈ ਕਿ ਹਾਦਸਾ ਕਿਸ ਕਾਰਨ ਹੋਇਆ। ਪੁਲਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ ਅਤੇ ਸਾਰੇ ਪਹਿਲੂਆਂ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਘਟਨਾ ਦੇ ਕਾਰਨਾਂ ਦਾ ਪਤਾ ਲਗਾਉਣ ਦੀ ਕੋਸ਼ਿਸ਼ ਕਰ ਰਹੀ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8