ਲੋਕ ਸੁਵਿਧਾ ਕੈਂਪ ਦੌਰਾਨ ਲੋੜਵੰਦ ਲੋਕਾਂ ਨੇ ਸਰਕਾਰੀ ਸਕੀਮਾਂ ਦਾ ਲਿਆ ਫਾਇਦਾ

ਚੀਮਾ ਮੰਡੀ ( ਗੋਇਲ) ਪੰਜਾਬ ਦੇ ਲੋਕਾ ਨੂੰ ਲੋੜੀਦੀਆਂ ਸਹੂਲਤਾ ਦੇਣ ਦੇ ਮਕਸਦ ਨਾਲ ਅੱਜ ਸਥਾਨਕ ਕਸਬੇ ਵਿੱਚ ਪੰਜਾਬ ਪ੍ਰਦੇਸ਼ ਕਾਗਰਸ ਕਮੇਟੀ ਦੇ ਸੂਬਾ ਸਪੋਕਸਪ੍ਰਸਨ ਦਾਮਨ ਥਿੰਦ ਬਾਜਵਾ ਦੀ ਅਗੁਵਾਈ ਹੇਠ ਮਹਾਤਮਾ ਗਾਂਂਧੀ ਸਰਬੱਤ ਅਭਿਆਨ ਯੋਜਨਾ ਤਹਿਤ ਲੋਕ ਸੁਵਿਧਾ ਕੈਂਪ ਲਗਾਇਆ ਗਿਆ। ਇਸ ਕੈਂਪ ਦਾ ਉਦਘਾਟਨ ਪੰਜਾਬ ਕਾਂਗਰਸ ਦੇ ਸੂਬਾ ਸਕੱਤਰ ਹਰਮਨ ਬਾਜਵਾ ਨੇ ਕਰਦਿਆ ਆਪਣੇ ਸੰਬੋਧਨ ਵਿੱਚ ਕਿਹਾ ਕਿ ਪੰਜਾਬ ਦੇ ਮੁਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਦੀ ਅਗੁਵਾਈ ਵਾਲੀ ਸੂਬਾ ਸਰਕਾਰ ਦਾ ਮੁੱਖ ਮਕਸਦ ਸੂਬੇ ਦੇ ਚਾਰੇ ਪਾਸੇ ਵਿਕਾਸ ਕਰਨਾ ਤੇ ਲੋਕ ਭਲਾਈ ਦੀਆਂ ਸਰਕਾਰੀ ਸਕੀਮਾਂ ਨੂੰ ਲੋਕਾਂ ਤੱਕ ਪਹੁਚਾਉਣਾ ਹੈ। ਕੈਪ ਦੌਰਾਨ ਚੀਮਾ ਤੋਲਾਵਾਲ ਸਾਹਪੁਰ ਕਲਾਂ ਅਮਰੂ ਕੋਟੜਾ ਪਿੰਡਾ ਦੇ ਲੋਕਾ ਨੇ ਵੱਖ ਵੱਖ ਸਰਕਾਰੀ ਸਕੀਮਾਂ ਦੇ ਫਾਰਮ ਭਰੇ ਗਏ। ਇਸ ਮੌਕੇ ਡੀ. ਐੱਸ. ਪੀ. ਸੁਨਾਮ ਹਰਦੀਪ ਸਿੰਘ , ਐੱਸ. ਐੱਚ. ਓ. ਥਾਣਾ ਚੀਮਾ ਤੋ ਸਾਹਿਬ ਸਿੰਘ ਨਗਰ ਪੰਚਾਇਤ ਚੀਮਾ ਅਤੇ ਪ੍ਰਧਾਨ ਅਵਤਾਰ ਸਿੰਘ ਸਮੇਤ ਹੋਰ ਅਧਿਕਾਰੀ ਹਾਜ਼ਰ ਸਨ।