ਸਰਕਾਰੀ ਬੱਸਾਂ ਰੈਲੀ ''ਚ, ਯਾਤਰੀ ਪ੍ਰੇਸ਼ਾਨ, ਬੱਸ ਸਟੈਂਡ ''''ਤੇ ਨਹੀ ਦਿਖੀ ਕੋਈ ਸਰਕਾਰੀ ਬੱਸ

ਬਠਿੰਡਾ (ਸੁਖਵਿੰਦਰ) : ਆਮ ਆਦਮੀ ਪਾਰਟੀ ਦੀ ਮੋਗਾ ਰੈਲੀ ਵਿਚ ਸਾਰੀਆਂ ਸਰਕਾਰੀ ਬੱਸਾਂ ਭੇਜਣ ਕਾਰਨ ਬਠਿੰਡਾ ਬੱਸ ਸਟੈਂਡ ''ਤੇ ਇਕ ਵੀ ਸਰਕਾਰੀ ਬੱਸ ਦਿਖਾਈ ਨਹੀਂ ਦਿੱਤੀ। ਸਰਕਾਰੀ ਬੱਸਾਂ ਦੀ ਘਾਟ ਕਾਰਨ ਯਾਤਰੀਆਂ ਨੂੰ ਕਾਫ਼ੀ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪਿਆ। ਸਰਕਾਰੀ ਹੁਕਮਾਂ ਅਨੁਸਾਰ, ਬਠਿੰਡਾ ਡਿਪੂ ਤੋਂ ਸਾਰੀਆਂ ਸਰਕਾਰੀ ਬੱਸਾਂ ਨੂੰ ਮੋਗਾ ਰੈਲੀ ਤੱਕ ਵਰਕਰਾਂ ਨੂੰ ਲਿਜਾਣ ਲਈ ਤਾਇਨਾਤ ਕੀਤਾ ਗਿਆ ਸੀ, ਜਿਸ ਕਾਰਨ ਸਵੇਰ ਤੋਂ ਹੀ ਸਰਕਾਰੀ ਬੱਸਾਂ ਬੱਸ ਸਟੈਂਡ ਤੋਂ ਗਾਇਬ ਸਨ। 

ਲੋਕਾਂ ਨੇ ਆਪਣੀਆਂ ਮੰਜ਼ਿਲਾਂ ''ਤੇ ਜਾਣ ਲਈ ਸਰਕਾਰੀ ਬੱਸਾਂ ਦੀ ਭਾਲ ਕੀਤੀ ਪਰ ਨਿਰਾਸ਼ਾ ਹੋਈ। ਅੰਤ ਵਿਚ ਉਨ੍ਹਾਂ ਨੂੰ ਨਿੱਜੀ ਬੱਸਾਂ ਦਾ ਸਹਾਰਾ ਲੈਣਾ ਪਿਆ। ਜੋ ਔਰਤਾਂ ਆਪਣੇ ਆਧਾਰ ਕਾਰਡਾਂ ਦੀ ਵਰਤੋਂ ਕਰਕੇ ਸਰਕਾਰੀ ਬੱਸਾਂ ਵਿਚ ਮੁਫਤ ਯਾਤਰਾ ਕਰਦੀਆਂ ਸਨ, ਉਨ੍ਹਾਂ ਨੂੰ ਵੀ ਸਰਕਾਰੀ ਬੱਸਾਂ ਦੇ ਨਾ ਚੱਲਣ ਕਾਰਨ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪਿਆ। ਪੂਰਾ ਬੱਸ ਸਟੈਂਡ ਨਿੱਜੀ ਬੱਸਾਂ ਨਾਲ ਭਰਿਆ ਹੋਇਆ ਸੀ, ਅਤੇ ਕੋਈ ਵੀ ਸਰਕਾਰੀ ਬੱਸਾਂ ਦਿਖਾਈ ਨਹੀਂ ਦੇ ਰਹੀਆਂ ਸਨ।