ਗੜ੍ਹਸ਼ੰਕਰ : ਸ਼ਰੇਆਮ ਚੱਲੀਆਂ ਗੋਲੀਆਂ, ਨੌਜਵਾਨ ਦੀ ਮੌਤ

ਗੜ੍ਹਸ਼ੰਕਰ (ਸ਼ੋਰੀ)-ਨੰਗਲ ਰੋਡ 'ਤੇ ਪਿੰਡ ਸ਼ਾਹਪੁਰ ਕੋਲ ਇਕ ਨੌਜਵਾਨ ਨੂੰ ਕੁਝ ਅਣਪਛਾਤੇ ਨੌਜਵਾਨਾਂ ਨੇ ਸ਼ਰੇਆਮ ਗੋਲੀਆਂ ਮਾਰ ਹੱਤਿਆ ਕਰ ਦਿੱਤੀ। ਮ੍ਰਿਤਕ ਦੀ ਪਛਾਣ ਵਿਸ਼ਾਲ ਪੁੱਤਰ ਜਸਵੰਤ ਸਿੰਘ ਪਿੰਡ ਰਾਮਪੁਰ ਬਿਲੜੋ ਵਜੋਂ ਹੋਈ। ਜਾਣਕਾਰੀ ਮੁਤਾਬਕ ਵਿਸ਼ਾਲ ਆਪਣੇ ਮੋਟਰ ਸਾਇਕਲ ਨੰਬਰ ਪੀ.ਬੀ 10 4723 'ਤੇ ਸਵਾਰ ਹੋ ਕੇ ਸ਼ਾਹਪੁਰ ਦੇ ਢਾਬੇ 'ਤੇ ਰੁਕਿਆ। ਉਸ ਦੇ ਨਾਲ ਰਾਮਪਾਲ ਪੁੱਤਰ ਰਮੇਸ਼ ਲਾਲ ਵੀ ਸੀ । ਜਿਵੇਂ ਹੀ ਉਹ ਢਾਬੇ ਰੁਕੇ ਤਾਂ ਰਾਮਲਾਲ ਤਾਂ ਢਾਬੇ ਦੇ ਅੰਦਰ ਚੱਲਾ ਗਿਆ ਤੇ ਪਿੱਛੇ ਤੋਂ ਆਈ ਕਾਲੇ ਰੰਗ ਦੀ ਇਕ ਕਾਰ 'ਚੋਂ 2 ਨੌਜਵਾਨਾਂ ਨੇ ਦੇਖਦੇ ਹੀ ਦੇਖਦੇ ਪੰਜ ਫਾਇਰ ਵਿਸ਼ਾਲ 'ਤੇ ਕਰ ਦਿੱਤੇ ਜਿਸ ਦੀ ਮੌਕੇ 'ਤੇ ਮੌਤ ਹੋ ਗਈ। ਕਾਰ ਦਾ ਨੰਬਰ ਪੀ.ਬੀ 12, 3688 ਦੱਸਿਆ ਜਾ ਰਿਹਾ ਸੀ ਜਿਸ ਦੀ ਪੁਸ਼ਟੀ ਨਹੀਂ ਹੋ ਪਾਈ ਸੀ। ਘਟਨਾ ਸਥਾਨ 'ਤੇ ਪਹੁੰਚੀ ਪੁਲਸ ਪਾਰਟੀ ਨੂੰ ਇਕ ਹੋਰ ਬਿਨ੍ਹਾਂ ਚੱਲਿਆ ਕਾਰਤੂਸ ਵੀ ਮਿਲਿਆ ਹੈ। ਪੁਲਸ ਪਾਰਟੀ ਮੌਕੇ 'ਤੇ ਜਾਂਚ 'ਚ ਜੁੱਟ ਗਈ ਹੈ।