ਵਿਆਹ ''ਤੇ ਚੱਲੇ ਦੋਸਤਾਂ ਨਾਲ ਵਾਪਰ ਗਿਆ ਭਾਣਾ, ਦੋਵਾਂ ਦੀ ਹੋ ਗਈ ਦਰਦਨਾਕ ਮੌ.ਤ

ਮਲੋਟ (ਜੁਨੇਜਾ)- ਬੀਤੀ ਰਾਤ ਮਲੋਟ ਤੋਂ ਪਿੰਡ ਬੁਰਜ ਸਿੱਧਵਾਂ ਰੋਡ ’ਤੇ ਵਾਪਰੇ ਸੜਕ ਦਰਦਨਾਕ ਹਾਦਸੇ ’ਚ 2 ਨੌਜਵਾਨਾਂ ਦੀ ਮੌਤ ਹੋ ਗਈ। ਦੋਵੇਂ ਮ੍ਰਿਤਕ 18-19 ਸਾਲ ਦੀ ਉਮਰ ਦੇ ਸਨ। ਕਬਰਵਾਲਾ ਪੁਲਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ।

ਜਾਣਕਾਰੀ ਅਨੁਸਾਰ ਹਰਮਨਦੀਪ ਸਿੰਘ ਪੁੱਤਰ ਯਾਦਵਿੰਦਰ ਸਿੰਘ ਅਤੇ ਇਸ਼ਵਿੰਦਰ ਸਿੰਘ ਪੁੱਤਰ ਰੂਪ ਸਿੰਘ ਦੋਵੇਂ ਦੋਸਤ ਸਨ ਅਤੇ ਕਿਸੇ ਵਿਆਹ ਸਮਾਗਮ ’ਚ ਜਾਣ ਦੀ ਤਿਆਰੀ ਕਰ ਰਹੇ ਸਨ। ਪਹਿਲਾਂ ਦੋਵੇਂ ਇਕ ਹੋਰ ਦੋਸਤ ਨਾਲ ਰਲ ਕੇ ਮਲੋਟ ਤੋਂ ਬੂਟ, ਕੱਪੜੇ ਤੇ ਹੋਰ ਸਾਮਾਨ ਲੈ ਕੇ ਆੋਏ। ਬਾਅਦ ਵਿਚ ਦੋਵੇਂ ਮੋਟਰਸਾਈਕਲ ’ਤੇ ਬੂਟ ਬਦਲ ਕੇ ਲਿਆਉਣ ਲਈ ਮਲੋਟ ਚਲੇ ਗਏ। ਕਰੀਬ 8 ਵਜੇ ਮਲੋਟ ਤੋਂ ਬੁਰਜਾਂ ਰੋਡ ’ਤੇ ਸੇਮ ਨਾਲਾ ਲੰਘ ਕੇ ਉਨ੍ਹਾਂ ਦੇ ਮੋਟਰਸਾਈਕਲ ਦਾ ਕਿਸੇ ਵਾਹਨ ਨਾਲ ਹਾਦਸਾ ਹੋ ਗਿਆ।

ਪਤਾ ਲੱਗਣ ’ਤੇ ਦੋਵਾਂ ਨੂੰ ਮਲੋਟ ਦੇ ਸਰਕਾਰੀ ਹਸਪਤਾਲ ਲਿਜਾਇਆ ਗਿਆ, ਜਿਥੇ ਡਾਕਟਰਾਂ ਨੇ ਹਰਮਨਦੀਪ ਨੂੰ ਮ੍ਰਿਤਕ ਐਲਾਨ ਦਿੱਤਾ, ਜਦਕਿ ਇਸ਼ਵਿੰਦਰ ਦੀ ਹਾਲਤ ਗੰਭੀਰ ਹੋਣ ਕਰ ਕੇ ਉਸ ਨੂੰ ਬਠਿੰਡਾ ਰੈਫਰ ਕਰ ਦਿੱਤਾ ਪਰ ਉਹ ਵੀ ਰਸਤੇ ’ਚ ਦਮ ਤੋੜ ਗਿਆ।

ਇਹ ਵੀ ਪੜ੍ਹੋ- ਢਿੱਲੋਂ ਬ੍ਰਦਰਜ਼ ਦੇ ਮਾਮਲੇ 'ਚ ਖੁੱਲ੍ਹੀਆਂ ਨਵੀਂਆਂ ਪਰਤਾਂ, ਥਾਣੇ 'ਚ ਮੌਜੂਦ ਫੌਜੀ ਦੇ ਬਿਆਨ ਨੇ ਬਦਲਿਆ ਕੇਸ ਦਾ 'ਐਂਗਲ'

ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ

👇Join us on Whatsapp channel👇

https://whatsapp.com/channel/0029Va94hsaHAdNVur4L170e