ਬਟਾਲਾ : ਨਹਿਰ ''ਚ ਡੁੱਬਣ ਨਾਲ ਭਰਾ-ਭੈਣ ਦੀ ਮੌਤ

ਬਟਾਲਾ (ਸੈਂਡੀ) : ਬੀਤੀ ਰਾਤ ਅਠਵਾਲ ਨਹਿਰ ਵਿਚ ਰੁੱੜਣ ਨਾਲ ਦੋ ਗੁੱਜਰ ਬੱਚਿਆਂ ਦੀ ਮੌਤ ਹੋ ਗਈ। ਇਕੱਤਰ ਕੀਤੀ ਜਾਣਕਾਰੀ ਅਨੁਸਾਰ ਇਕ ਗੁੱਜਰ ਪਰਿਵਾਰ ਦੇ ਦੋ ਬੱਚੇ ਇਕ ਲੜਕੀ ਜੇਹੂ ਬੇਗਮ (12) ਅਤੇ ਇਸ ਦਾ ਭਰਾ ਦੀਨ (8) ਪੁੱਤਰ ਨਮਦੀਨ ਜੋ ਕਿ ਅਠਵਾਲ ਨਹਿਰ ਦੇ ਨਜ਼ਦੀਕ ਨਹਾ ਰਹੇ ਸਨ ਕਿ ਅਚਾਨਕ ਇਨ੍ਹਾਂ ਦਾ ਪੈਰ ਫਿਸਲ ਗਿਆ ਤੇ ਦੋਵੇਂ ਨਹਿਰ ਵਿਚ ਡੁੱਬ ਗਏ। ਗੁੱਜਰਾਂ ਨੇ ਬੱਚਿਆਂ ਨੂੰ ਲੱਭਣ ਦੀ ਬਹੁਤ ਕੋਸ਼ਿਸ਼ ਕੀਤੀ ਪਰ ਰਾਤ ਦਾ ਹਨੇਰਾ ਹੋਣ ਕਾਰਨ ਇਨ੍ਹਾਂ ਦਾ ਕੁਝ ਪਤਾ ਨਹੀਂ ਲੱਗਾ। 
ਮ੍ਰਿਤਕ ਬੱਚਿਆਂ ਦੇ ਪਿਤਾ ਨਾਮਦੀਨ ਨੇ ਦੱਸਿਆ ਕਿ ਮੇਰੇ ਬੱਚਿਆਂ ਦੀਆਂ ਲਾਸ਼ਾਂ ਰਈਆ ਨੇੜਿਓਂ ਨਹਿਰ ਵਿਚ ਤੈਰਦੀਆਂ ਹੋਈਆਂ ਇਕ ਰਜਵਾਹੇ 'ਚੋਂ ਮਿਲੀਆਂ ਹਨ। ਜਿਨ੍ਹਾਂ ਨੂੰ ਪਰਿਵਾਰਕ ਮੈਂਬਰਾਂ ਨੇ ਰੀਤੀ ਰਿਵਾਜ਼ਾਂ ਅਨੁਸਾਰ ਦਫਨਾ ਦਿੱਤਾ।