ਏ.ਐੱਨ.32 ਦੀ ਟੀਮ ਦੀ ਤੰਦਰੁਸਤੀ ਲਈ ਕੈਪਟਨ ਨੇ ਕੀਤੀ ਅਰਦਾਸ

ਸਮਾਣਾ—ਲਾਪਤਾ ਹੋਏ ਜਹਾਜ਼ ਏ.ਐੱਨ.ਐੱਸ.-32 'ਤੇ ਕੈਪਟਨ ਨੇ ਟਵਿਟ ਕਰਦਿਆਂ ਟੀਮ ਦੀ ਸੁਰੱਖਿਆ ਅਤੇ ਤੰਦਰੁਸਤੀ ਲਈ ਅਰਦਾਸ ਕੀਤੀ ਹੈ। ਜਾਣਕਾਰੀ ਮੁਤਾਬਕ ਏ.ਐੱਨ-32 ਜਹਾਜ਼ ਸੋਮਵਾਰ ਨੂੰ ਅਰੁਣਾਚਲ ਪ੍ਰਦੇਸ਼ ਦੇ ਮੇਂਚੁਕਾ ਨੇੜੇ ਲਾਪਤਾ ਹੋ ਗਿਆ ਸੀ, ਜਿਸ 'ਚ 13 ਲੋਕ ਸਵਾਰ ਸਨ, ਜਿਨ੍ਹਾਂ 'ਚੋਂ ਪਟਿਆਲਾ ਦੇ ਸਮਾਣਾ ਦਾ ਮੋਹਿਤ ਗਰਗ ਵੀ ਸ਼ਾਮਲ ਸੀ। ਜਹਾਜ਼ ਨੇ ਆਸਾਮ ਦੇ ਜੋਰਹਾਟ ਤੋਂ ਸੋਮਵਾਰ ਦੁਪਹਿਰ 12.25 ਵਜੇ ਉਡਾਣ ਭਰੀ ਸੀ। ਉਡਾਣ ਭਰਨ ਦੇ ਕਰੀਬ 33 ਮਿੰਟ ਬਾਅਦ ਜਹਾਜ਼ ਲਾਪਤਾ ਹੋ ਗਿਆ। ਅਧਿਕਾਰੀਆਂ ਨੇ ਦੱਸਿਆ ਕਿ ਲਾਪਤਾ ਜ਼ਹਾਜ਼ ਦਾ ਪਤਾ ਲਾਉਣ ਲਈ ਜਹਾਜ਼ਾਂ ਅਤੇ ਹੈਲੀਕਾਪਟਰਾਂ ਦੇ ਇਕ ਬੇੜੇ ਨੂੰ ਪਹਿਲਾਂ ਹੀ ਲਾਇਆ ਗਿਆ ਹੈ।