2 ਵਿਅਕਤੀਆਂ ਤੋਂ 400 ਗ੍ਰਾਮ ਅਫੀਮ ਬਰਾਮਦ

ਦਸੂਹਾ(ਝਾਵਰ)— ਸੀ. ਆਈ. ਏ. ਸਟਾਫ ਦਸੂਹਾ ਨੇ 2 ਪ੍ਰਵਾਸੀ ਨਸ਼ਿਆਂ ਦੇ ਸਮੱਗਲਰਾਂ ਤੋਂ 400 ਗ੍ਰਾਮ ਅਫੀਮ ਬਰਾਮਦ ਕੀਤੀ ਹੈ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਸੀ. ਆਈ. ਏ. ਸਟਾਫ ਦੇ ਇੰਚਾਰਜ ਗੋਵਿੰਦਰ ਸਿੰਘ ਅਤੇ ਏ. ਐੱਸ. ਆਈ. ਨਰਿੰਦਰ ਸਿੰਘ ਨੇ ਦੱਸਿਆ ਕਿ ਰੇਲਵੇ ਸਟੇਸ਼ਨ ਨਜ਼ਦੀਕ ਇਹ ਵਿਅਕਤੀ ਗਾਹਕ ਦੀ ਭਾਲ ਕਰ ਰਹੇ ਸਨ, ਜਿਨ੍ਹਾਂ ਦੀ ਪਛਾਣ ਖੁਸ਼ੀ ਰਾਮ ਪੁੱਤਰ ਰਾਮਵੀਰ ਪਿੰਡ ਮਦਨਪੁਰ ਅਤੇ ਭੂਪ ਉਰਫ ਗੋਨਾ ਪੁੱਤਰ ਠਾਕੁਰ ਦਾਸ ਦੋਵੇਂ ਵਾਸੀ ਉੱਤਰ ਪ੍ਰਦੇਸ਼ ਵਜੋਂ ਹੋਈ। ਇਨ੍ਹਾਂ ਦੋਵਾਂ ਦੇ ਕਬਜ਼ੇ 'ਚੋਂ 200-200 ਗ੍ਰਾਮ ਅਫੀਮ ਬਰਾਮਦ ਕੀਤੀ ਗਈ, ਜਿਨ੍ਹਾਂ ਵਿਰੁੱਧ ਕੇਸ ਦਰਜ ਕਰ ਕੇ ਅਦਾਲਤ 'ਚ ਪੇਸ਼ ਕੀਤਾ ਜਾਵੇਗਾ।