ਕੁੱਟਮਾਰ ਕਰਨ ਵਾਲੇ 5 ਵਿਅਕਤੀਆਂ ਖ਼ਿਲਾਫ਼ ਮਾਮਲਾ ਦਰਜ

ਫਾਜ਼ਿਲਕਾ (ਨਾਗਪਾਲ) : ਥਾਣਾ ਸਿਟੀ ਫਾਜ਼ਿਲਕਾ ਪੁਲਸ ਨੇ ਇਕ ਵਿਅਕਤੀ ਦੀ ਸ਼ਿਕਾਇਤ ’ਤੇ ਕੁੱਟਮਾਰ ਕਰਨ ਵਾਲੇ 5 ਵਿਅਕਤੀਆਂ ਖ਼ਿਲਾਫ਼ ਮਾਮਲਾ ਦਰਜ ਕੀਤਾ ਹੈ। ਪੁਲਸ ਨੂੰ ਦਿੱਤੀ ਸ਼ਿਕਾਇਤ ’ਚ ਰੋਹਿਤ ਵਾਸੀ ਫਾਜ਼ਿਲਕਾ ਨੇ ਦੱਸਿਆ ਕਿ 1 ਨਵੰਬਰ ਨੂੰ ਦੀਵਾਲੀ ਦੀ ਰਾਤ ਵਕਤ ਕਰੀਬ ਪੌਣੇ ਇਕ ਵਜੇ ਗੁਲਸ਼ਨ ਕੁਮਾਰ ਅਤੇ ਰਾਜਨ ਫਾਜ਼ਿਲਕਾ ਠੇਕੇਦਾਰ ਦੀ ਕੈਂਪਰ ਗੱਡੀ ਲੈ ਕੇ ਰਾਤ ਸਮੇਂ ਉਹ ਮਲੋਟ ਰੋਡ ਨੇੜੇ ਦਾਣਾ ਮੰਡੀ ਕੋਲ ਘੁੰਮ ਰਹੇ ਸੀ। ਉਨ੍ਹਾਂ ਦੀ ਗੱਡੀ ਦੇ ਅੱਗੇ ਇਕ ਕਾਲੇ ਰੰਗ ਦੀ ਗੱਡੀ 
ਆ ਕੇ ਰੁਕ ਗਈ ਅਤੇ ਦੋਸ਼ੀਆਂ ਕਰਨ ਉਰਫ਼ ਕੱਟਾ, ਸੰਨੀ ਮਹਿਰਾ ਵਾਸੀ ਚੱਕਰ ਵਾਲੇ ਝੁੱਗੇ, ਬਿੱਲਾ ਵਾਸੀ ਬੱਲੂਆਣਾ, ਸੁਨੀਲ, ਗੁਰਦੀਪ ਸਿੰਘ ਉਰਫ਼ ਗੋਰੀ ਵਾਸੀ ਮਾਹੂਆਣਾ ਬੋਦਲਾ ਨੇ ਉਸਦੀ ਕੁੱਟਮਾਰ ਕੀਤੀ। ਜਿਸ ’ਤੇ ਪੁਲਸ ਨੇ ਉਪਰੋਕਤ ਵਿਅਕਤੀਆਂ ਖ਼ਿਲਾਫ਼ ਮਾਮਲਾ ਦਰਜ ਕਰ ਲਿਆ ਹੈ।