ਹਾਦਸੇ ’ਚ ਪਤੀ ਦੀ ਲੱਤ ਫ੍ਰੈਕਚਰ ਹੋਈ ਤਾਂ ਪਤਨੀ ਬਣੀ ਸਹਾਰਾ, ਕਈ ਕਿ.ਮੀ. ਦੂਰ ਬਾਈਕ ਚਲਾ ਕੇ ਵੇਚਦੀ ਹੈ ਦੁੱਧ

ਦੱਸਿਆ ਜਾ ਰਿਹਾ ਹੈ ਕਿ ਔਰਤ ਹਰ ਦਿਨ ਸਵੇਰੇ ਮੋਟਰਸਾਈਕਲ ’ਤੇ 40 ਕਿਲੋਮੀਟਰ ਦੂਰ ਪਾਨੀਪਤ ’ਚ ਦੁੱਧ ਵੇਚਣ ਜਾਂਦੀ ਹੈ। ਔਰਤ ਦਾ ਕਹਿਣਾ ਹੈ ਕਿ ਉਸ ਦੇ ਪਤੀ ਅਕਸਰ ਬੀਮਾਰ ਰਹਿੰਦੇ ਹਨ। ਪਤੀ ਦੀ ਹਾਦਸੇ ’ਚ ਲੱਤ ਫ੍ਰੈਕਚਰ ਹੋ ਗਈ ਅਤੇ ਉੱਪਰੋਂ ਰਮਜ਼ਾਨ ਦਾ ਮਹੀਨਾ ਵੀ ਹੈ। ਪਤੀ ਦੇ ਬਿਨਾਂ ਸ਼ਹਿਰ ’ਚ ਦੁੱਧ ਪਹੁੰਚਾਉਣ ਵਾਲਾ ਕੋਈ ਨਹੀਂ ਸੀ। ਇਸ ਲਈ ਉਸ ਨੇ ਖ਼ੁਦ ਫੈਸਲਾ ਲਿਆ ਕਿ ਉਹ ਹੁਣ ਹਾਰ ਨਹੀਂ ਮੰਨੇਗੀ ਅਤੇ ਸ਼ਹਿਰ ’ਚ ਉਹ ਦੁੱਧ ਪਹੁੰਚਾਏਗੀ। ਔਰਤ ਨੇ ਕਿਹਾ ਕਿ ਉਹ ਮੂਲ ਰੂਪ ਤੋਂ ਹਿਮਾਚਲ ਦੇ ਰਹਿਣ ਵਾਲੇ ਹਨ ਪਰ ਲੰਬੇ ਸਮੇਂ ਤੋਂ ਹਰਿਆਣਾ ਦੇ ਪਾਨੀਪਤ ’ਚ ਰਹਿ ਰਹੇ ਹਨ। ਜਾਨੂੰ ਦਾ ਮੰਨਣਾ ਹੈ ਕਿ ਔਰਤਾਂ ਕਿਸੇ ਵੀ ਖੇਤਰ ’ਚ ਪਿੱਛੇ ਨਹੀਂ ਹਨ, ਜਦੋਂ ਜ਼ਿੰਮੇਵਾਰੀ ਸਿਰ ’ਤੇ ਪੈਂਦੀ ਹੈ ਤਾਂ ਔਰਤਾਂ ਬਾਈਕ ਤਾਂ ਕੀ ਜਹਾਜ਼ ’ਚ ਉਡਾ ਲੈਂਦੀਆਂ ਹਨ।