ਵੈਸ਼ਨੋ ਦੇਵੀ ਦੇ ਦਰਸ਼ਨ ਹੋਣਗੇ ਆਸਾਨ, ਇਨ੍ਹਾਂ ਰੂਟਾਂ ਲਈ ਸ਼ੁਰੂ ਹੋਈਆਂ 100 ਇਲੈਕਟ੍ਰਿਕ AC ਬੱਸਾਂ

ਨਵੀਂ ਦਿੱਲੀ - ਵੈਸ਼ਨੋ ਦੇਵੀ ਦੇ ਦਰਸ਼ਨਾਂ ਲਈ ਆਉਣ ਵਾਲੇ ਸ਼ਰਧਾਲੂਆਂ ਲਈ ਵੱਡੀ ਖਬਰ ਹੈ। ਜੰਮੂ ਅਤੇ ਕਟੜਾ ਵਿਚਕਾਰ ਇਲੈਕਟ੍ਰਿਕ ਬੱਸ ਸੇਵਾ ਸ਼ੁਰੂ ਕੀਤੀ ਗਈ ਹੈ। ਵੈਸ਼ਨੋ ਦੇਵੀ ਦੇ ਦਰਸ਼ਨਾਂ ਲਈ ਆਉਣ ਵਾਲੇ ਸ਼ਰਧਾਲੂਆਂ ਨੂੰ ਵਾਤਾਵਰਣ ਅਨੁਕੂਲ ਤਰੀਕੇ ਨਾਲ ਸਹੂਲਤ ਪ੍ਰਦਾਨ ਕਰਨ ਲਈ ਜੰਮੂ ਅਤੇ ਕਟੜਾ ਵਿਚਕਾਰ ਈ-ਬੱਸ ਸੇਵਾ ਸ਼ੁਰੂ ਕਰਨ ਦਾ ਫੈਸਲਾ ਕੀਤਾ ਗਿਆ। ਇਹ ਬੱਸਾਂ ਜੰਮੂ ਸਮਾਰਟ ਸਿਟੀ ਵੱਲੋਂ ਚਲਾਈਆਂ ਜਾ ਰਹੀਆਂ ਹਨ।

ਦੂਜੇ ਪਾਸੇ ਮਾਤਾ ਦੇ ਦਰਸ਼ਨਾਂ ਲਈ ਵੈਸ਼ਨੋ ਦੇਵੀ ਤੀਰਥ ਸਥਾਨ 'ਤੇ ਆਉਣ ਵਾਲੇ ਸ਼ਰਧਾਲੂਆਂ ਨੂੰ ਹੁਣ ਪ੍ਰਸ਼ਾਦ ਦੇ ਰੂਪ 'ਚ ਪੌਦਾ ਦਿੱਤਾ ਜਾਵੇਗਾ, ਜਿਸ ਨੂੰ ਸ਼ਰਧਾਲੂ ਨਾ ਸਿਰਫ ਆਪਣੇ ਨਾਲ ਲੈ ਕੇ ਜਾ ਸਕਣਗੇ, ਸਗੋਂ ਕਈ ਸਾਲਾਂ ਤੱਕ ਆਪਣੇ ਕੋਲ ਰੱਖ ਵੀ ਸਕਣਗੇ। ਵਰ੍ਹਿਆਂ ਤੱਕ ਮਾਤਾ ਦਾ ਆਸ਼ੀਰਵਾਦ ਮਹਿਸੂਸ ਕਰਨਗੇ ਅਤੇ ਇਹ ਵਾਤਾਵਰਣ ਲਈ ਵੀ ਬਹੁਤ ਵਧੀਆ ਰਹੇਗਾ।

ਪ੍ਰਾਪਤ ਜਾਣਕਾਰੀ ਅਨੁਸਾਰ ਇਹ ਇਲੈਕਟ੍ਰਿਕ ਬੱਸਾਂ ਜੰਮੂ ਰੇਲਵੇ ਸਟੇਸ਼ਨ ਅਤੇ ਕਟੜਾ ਬੱਸ ਸਟੈਂਡ ਵਿਚਕਾਰ ਚਲਾਈਆਂ ਜਾਣਗੀਆਂ। ਇਸ ਰੂਟ 'ਤੇ ਕੁੱਲ 100 ਇਲੈਕਟ੍ਰਿਕ ਬੱਸਾਂ ਚੱਲਣਗੀਆਂ। ਇਨ੍ਹਾਂ ਵਿਚੋਂ 75 ਬੱਸਾਂ 9 ਮੀਟਰ ਲੰਮੀਆਂ ਹੋਣਗੀਆਂ ਬਾਕੀ 25 ਬੱਸਾਂ 12 ਮੀਟਰ ਲੰਮੀਆਂ ਹੋਣਗੀਆਂ। 25 ਬੱਸਾਂ ਵਿਚੋਂ 24 ਬੱਸਾਂ ਲੰਮੇ ਰੂਟ ਭਾਵ ਕੱਠੂਆ,ਕਟਰਾ ਅਤੇ ਊਦਮਪੁਰ ਲਈ ਸ਼ੁਰੂ ਕੀਤੀਆਂ ਗਈਆਂ

ਜਾਣਕਾਰੀ ਮੁਤਾਬਕ ਹੁਣ ਲਈ ਇਨ੍ਹਾਂ ਰੂਟਾਂ 'ਤੇ 15 ਬੱਸਾਂ ਚਲਾਈਆਂ ਜਾ ਰਹੀਆਂ ਹਨ, ਜਿਨ੍ਹਾਂ ਵਿੱਚ ਜੰਮੂ-ਕਟੜਾ ਰੂਟ 'ਤੇ ਪੰਜ ਈ-ਬੱਸਾਂ ਸ਼ਾਮਲ ਹਨ।" ਲਗਭਗ ਅੱਠ ਈ-ਬੱਸਾਂ, ਜਿਨ੍ਹਾਂ ਵਿੱਚ ਹਰੇਕ ਵਿੱਚ 35 ਯਾਤਰੀਆਂ ਦੀ ਸਮਰੱਥਾ ਹੈ।

ਪੰਜ ਈ-ਬੱਸਾਂ ਜੰਮੂ ਰੇਲਵੇ ਸਟੇਸ਼ਨ ਅਤੇ ਕਟੜਾ ਵਿਚਕਾਰ ਚੱਲਣੀਆਂ ਸ਼ੁਰੂ ਹੋ ਗਈਆਂ ਹਨ। ਇਸ ਦੇ ਨਾਲ ਹੀ ਜੰਮੂ ਏਅਰਪੋਰਟ ਅਤੇ ਜੰਮੂ ਬੱਸ ਸਟੈਂਡ ਕਟੜਾ ਤੱਕ ਇਸ ਸਹੂਲਤ ਨੂੰ ਜੋੜਿਆ ਜਾਵੇਗਾ।

ਪ੍ਰਸ਼ਾਸਨ ਨੇ ਏਸੀ ਈ-ਬੱਸਾਂ ਲਈ ਪ੍ਰਤੀ ਯਾਤਰੀ 135 ਰੁਪਏ ਦਾ ਕਿਰਾਇਆ ਤੈਅ ਕੀਤਾ ਹੈ। "ਬੱਸਾਂ ਵਿੱਚ ਆਰਾਮਦਾਇਕ ਸੀਟਾਂ ਹਨ। ਅੱਠ ਇਲੈਕਟ੍ਰਿਕ ਬੱਸਾਂ ਸ਼ਰਧਾਲੂਆਂ ਨੂੰ ਜੰਮੂ ਰੇਲਵੇ ਸਟੇਸ਼ਨ ਤੋਂ ਪਵਿੱਤਰ ਸ਼ਹਿਰ ਕਟੜਾ ਅਤੇ ਵਾਪਸ ਲੈ ਕੇ ਜਾਣਗੀਆਂ।

ਹੁਣ ਤੱਕ ਸ਼ਰਧਾਲੂਆਂ ਤੋਂ ਚੰਗਾ ਹੁੰਗਾਰਾ ਮਿਲ ਰਿਹਾ ਹੈ। ਇਸ ਦੇ ਨਾਲ ਹੀ ਜੰਮੂ ਰੇਲਵੇ ਸਟੇਸ਼ਨ ਤੋਂ ਰੇਲਗੱਡੀਆਂ ਦੇ ਆਉਣ ਅਤੇ ਜਾਣ ਦੇ ਸਮੇਂ ਦੇ ਅਨੁਸਾਰ ਇਨ੍ਹਾਂ ਈ-ਬੱਸਾਂ ਲਈ ਇੱਕ ਸਮਾਂ ਸਾਰਣੀ ਤਿਆਰ ਕੀਤੀ ਜਾ ਰਹੀ ਹੈ।

ਜਦੋਂ ਕਿ ਕਟੜਾ ਵਿੱਚ ਇੱਕ ਆਧੁਨਿਕ ਰੇਲਵੇ ਸਟੇਸ਼ਨ ਹੈ ਅਤੇ ਸ਼ਰਧਾਲੂ ਰੇਲਗੱਡੀ ਵਿੱਚ ਸਿੱਧੇ ਕਟੜਾ ਦੀ ਯਾਤਰਾ ਕਰਦੇ ਹਨ, ਦੇਸ਼ ਦੇ ਹੋਰ ਹਿੱਸਿਆਂ ਤੋਂ ਸੈਂਕੜੇ ਸ਼ਰਧਾਲੂ ਸੜਕ ਰਾਹੀਂ ਆਪਣੀ ਅਗਲੀ ਯਾਤਰਾ ਲਈ ਜੰਮੂ ਪਹੁੰਚਦੇ ਹਨ।

ਜੰਮੂ ਰੇਲਵੇ ਸਟੇਸ਼ਨ 'ਤੇ ਈ-ਬੱਸਾਂ ਸਵੇਰੇ 5 ਵਜੇ ਤੋਂ ਘੰਟੇ ਦੇ ਆਧਾਰ 'ਤੇ ਚੱਲਦੀਆਂ ਹਨ। ਹੁਣ ਤੱਕ ਜੰਮੂ ਜਾਣ ਵਾਲੇ ਸ਼ਰਧਾਲੂਆਂ ਨੂੰ ਪ੍ਰਾਈਵੇਟ ਕੈਬ ਅਤੇ ਬੱਸਾਂ ਲੈਣੀਆਂ ਪੈਂਦੀਆਂ ਸਨ ਜਿਨ੍ਹਾਂ ਦਾ ਕਿਰਾਇਆ ਵੱਧ ਸੀ।

ਹਰ ਬੱਸ ਜੰਮੂ ਰੇਲਵੇ ਸਟੇਸ਼ਨ ਅਤੇ ਕਟੜਾ ਬੱਸ ਸਟੈਂਡ ਦੇ ਵਿਚਕਾਰ ਦਿਨ ਵਿੱਚ ਦੋ ਵਾਰ ਯਾਤਰਾ ਕਰੇਗੀ। ਇਨ੍ਹਾਂ ਆਧੁਨਿਕ ਬੱਸਾਂ ਵਿੱਚ ਜੰਮੂ ਤੋਂ ਕਟੜਾ ਲਈ ਰਵਾਨਾ ਹੋਏ ਵੈਸ਼ਨੋ ਦੇਵੀ ਜਾਣ ਵਾਲੇ ਸ਼ਰਧਾਲੂਆਂ ਵਿੱਚ ਪਹਿਲੇ ਦਿਨ ਤੋਂ ਹੀ ਭਾਰੀ ਉਤਸ਼ਾਹ ਹੈ। ਦੱਸਿਆ ਜਾਂਦਾ ਹੈ ਕਿ ਇਨ੍ਹਾਂ ਬੱਸਾਂ ਦਾ ਸੰਚਾਲਨ ਜੰਮੂ ਸਮਾਰਟ ਸਿਟੀ ਯੋਜਨਾ ਤਹਿਤ ਸ਼ੁਰੂ ਕੀਤਾ ਗਿਆ ਹੈ।

ਇਹ ਇਲੈਕਟ੍ਰਿਕ ਬੱਸਾਂ ਹਰ ਤਰ੍ਹਾਂ ਦੀਆਂ ਆਧੁਨਿਕ ਸਹੂਲਤਾਂ ਨਾਲ ਲੈਸ ਹਨ। ਇਸ ਰੂਟ 'ਤੇ ਚੱਲਣ ਵਾਲੀਆਂ ਸਾਰੀਆਂ ਇਲੈਕਟ੍ਰਿਕ ਬੱਸਾਂ ਏ.ਸੀ. ਹਨ, ਤਾਂ ਜੋ ਯਾਤਰੀਆਂ ਨੂੰ ਗਰਮੀਆਂ 'ਚ ਕਿਸੇ ਤਰ੍ਹਾਂ ਦੀ ਪ੍ਰੇਸ਼ਾਨੀ ਦਾ ਸਾਹਮਣਾ ਨਾ ਕਰਨਾ ਪਵੇ। ਇਸ ਦੇ ਨਾਲ ਹੀ ਆਰਾਮਦਾਇਕ ਸੀਟਾਂ ਵੀ ਹਨ, ਤਾਂ ਜੋ ਯਾਤਰੀ ਪੂਰੇ ਸਫਰ ਦੌਰਾਨ ਆਰਾਮ ਨਾਲ ਬੈਠ ਸਕਣ। ਇਨ੍ਹਾਂ ਬੱਸਾਂ ਵਿੱਚ ਇੱਕ ਸਮੇਂ ਵਿੱਚ ਕੁੱਲ 35 ਯਾਤਰੀ ਸਫਰ ਕਰ ਸਕਣਗੇ। ਜੰਮੂ ਰੇਲਵੇ ਸਟੇਸ਼ਨ ਤੋਂ ਕਟੜਾ ਬੱਸ ਸਟੈਂਡ ਤੱਕ ਹਰੇਕ ਯਾਤਰੀ ਦਾ ਕਿਰਾਇਆ 135 ਰੁਪਏ ਤੈਅ ਕੀਤਾ ਗਿਆ ਹੈ।