ਵੰਦੇ ਭਾਰਤ ਐਕਸਪ੍ਰੈੱਸ ਬਣੀ ''ਲਾਈਫਲਾਈਨ'', 250 ਕਿਲੋਮੀਟਰ ਦੂਰੋਂ ''ਧੜਕਦਾ ਦਿਲ'' ਲਿਆ ਕੇ ਬਚਾਈ ਮਰੀਜ਼ ਦੀ ਜਾਨ

ਨੈਸ਼ਨਲ ਡੈਸਕ : ਗੁਜਰਾਤ ਵਿੱਚ ਤਿੰਨ ਦਿਨਾਂ ਦੇ ਅੰਦਰ ਦੂਜੀ ਵਾਰ ਵੰਦੇ ਭਾਰਤ ਐਕਸਪ੍ਰੈੱਸ ਰਾਹੀਂ ਇੱਕ ਡੋਨਰ ਦੇ ਦਿਲ ਨੂੰ ਟ੍ਰਾਂਸਪਲਾਂਟ ਲਈ ਸਫਲਤਾਪੂਰਵਕ ਪਹੁੰਚਾ ਕੇ ਇੱਕ ਮਰੀਜ਼ ਦੀ ਜਾਨ ਬਚਾਈ ਗਈ ਹੈ। ਐਤਵਾਰ ਨੂੰ ਦਿਲ ਨੂੰ ਅੰਕਲੇਸ਼ਵਰ ਤੋਂ ਅਹਿਮਦਾਬਾਦ ਲਿਜਾਣ ਲਈ ਪਹਿਲੀ ਵਾਰ ਵੰਦੇ ਭਾਰਤ ਐਕਸਪ੍ਰੈੱਸ ਨੂੰ ਵਿਸ਼ੇਸ਼ ਤੌਰ 'ਤੇ ਅੰਕਲੇਸ਼ਵਰ ਸਟੇਸ਼ਨ 'ਤੇ ਰੋਕਿਆ ਗਿਆ।

Ahmedabad - For the first time, the Vande Bharat Express halted at Ankleshwar railway station in Bharuch to facilitate the transport of a donor heart, giving a new lease of life to a patient.A team from U.N. Mehta Hospital in Ahmedabad retrieved the heart from Smt. Jayaben Modi… pic.twitter.com/hLWQcfsUz8

— NextMinute News (@nextminutenews7) August 2, 2026

ਜਾਣਕਾਰੀ ਅਨੁਸਾਰ, ਇਹ 'ਲਾਈਵ ਹਾਰਟ' ਅੰਕਲੇਸ਼ਵਰ ਦੇ ਸ੍ਰੀਮਤੀ ਜਯਾਬੇਨ ਮੋਦੀ ਮਲਟੀ-ਸਪੈਸ਼ਲਿਟੀ ਹਸਪਤਾਲ ਤੋਂ ਕੱਢਿਆ ਗਿਆ ਸੀ। ਸਥਾਨਕ ਪੁਲਸ ਵੱਲੋਂ ਹਸਪਤਾਲ ਤੋਂ ਰੇਲਵੇ ਸਟੇਸ਼ਨ ਤੱਕ ਇੱਕ 'ਗ੍ਰੀਨ ਕੋਰੀਡੋਰ' ਬਣਾਇਆ ਗਿਆ ਤਾਂ ਜੋ ਅੰਗ ਨੂੰ ਬਿਨਾਂ ਕਿਸੇ ਦੇਰੀ ਦੇ ਸਟੇਸ਼ਨ ਪਹੁੰਚਾਇਆ ਜਾ ਸਕੇ। ਇਸ ਤੋਂ ਬਾਅਦ ਵੰਦੇ ਭਾਰਤ ਰੇਲ ਰਾਹੀਂ ਇਸ ਨੂੰ ਅਹਿਮਦਾਬਾਦ ਸਥਿਤ ਯੂ. ਐੱਨ. ਮਹਿਤਾ ਹਸਪਤਾਲ ਇੰਸਟੀਚਿਊਟ ਆਫ ਕਾਰਡੀਓਲੋਜੀ ਐਂਡ ਰਿਸਰਚ ਸੈਂਟਰ ਭੇਜਿਆ ਗਿਆ।

ਅਹਿਮਦਾਬਾਦ ਸਟੇਸ਼ਨ 'ਤੇ ਪਹੁੰਚਣ ਤੋਂ ਬਾਅਦ ਵੀ ਹਸਪਤਾਲ ਤੱਕ ਪਹੁੰਚਾਉਣ ਲਈ ਪੁਲਸ ਵੱਲੋਂ ਦੂਜਾ ਗ੍ਰੀਨ ਕੋਰੀਡੋਰ ਤਿਆਰ ਕੀਤਾ ਗਿਆ ਸੀ। ਅਧਿਕਾਰੀਆਂ ਮੁਤਾਬਕ, ਦਿਲ ਨੂੰ ਨਿਰਧਾਰਿਤ ਸਮੇਂ ਦੇ ਅੰਦਰ ਹਸਪਤਾਲ ਪਹੁੰਚਾ ਦਿੱਤਾ ਗਿਆ, ਜਿੱਥੇ ਡਾਕਟਰਾਂ ਨੇ ਸਫਲਤਾਪੂਰਵਕ ਟ੍ਰਾਂਸਪਲਾਂਟ ਕੀਤਾ। ਇਹ ਇਸ ਹਸਪਤਾਲ ਵਿੱਚ ਕੀਤਾ ਗਿਆ 78ਵਾਂ ਹਾਰਟ ਟ੍ਰਾਂਸਪਲਾਂਟ ਸੀ।

ਇਹ ਵੀ ਪੜ੍ਹੋ : ਮਾਪੇ ਹੋ ਜਾਣ ਸਾਵਧਾਨ ! 'ਕੁਰਕਰੇ' ਦੇ ਪੈਕਟ 'ਚੋਂ ਨਿਕਲੇ Gift ਨੇ ਖੋਹ ਲਿਆ ਜਿਗਰ ਦਾ ਟੋਟਾ, ਹੈਰਾਨ ਕਰੇਗਾ ਮਾਮਲਾ

ਤਿੰਨ ਦਿਨਾਂ 'ਚ ਦੂਜੀ ਘਟਨਾ 

ਇਸ ਤੋਂ ਪਹਿਲਾਂ ਸ਼ੁੱਕਰਵਾਰ ਨੂੰ ਵੀ ਸੂਰਤ ਤੋਂ ਅਹਿਮਦਾਬਾਦ ਤੱਕ ਲਗਭਗ 250 ਕਿਲੋਮੀਟਰ ਦੀ ਦੂਰੀ ਤੈਅ ਕਰਕੇ ਵੰਦੇ ਭਾਰਤ ਐਕਸਪ੍ਰੈੱਸ ਰਾਹੀਂ ਇੱਕ ਡੋਨਰ ਦਾ ਦਿਲ ਪਹੁੰਚਾਇਆ ਗਿਆ ਸੀ। ਗੁਜਰਾਤ ਸਰਕਾਰ ਨੇ ਇਸ ਸਫਲ ਆਪ੍ਰੇਸ਼ਨ ਲਈ ਰੇਲਵੇ, ਸਿਹਤ ਸੰਸਥਾਵਾਂ ਅਤੇ ਸਥਾਨਕ ਪੁਲਸ ਦੇ ਆਪਸੀ ਤਾਲਮੇਲ ਦੀ ਸ਼ਲਾਘਾ ਕੀਤੀ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8