ਭਾਰਤੀ ਰੇਲਵੇ ਨੇ ਰਚਿਆ ਇਤਿਹਾਸ, ਵੰਦੇ ਭਾਰਤ ਐਕਸਪ੍ਰੈੱਸ ਰਾਹੀਂ ਸੂਰਤ ਤੋਂ ਅਹਿਮਦਾਬਾਦ ਪਹੁੰਚਿਆ 'ਧੜਕਦਾ ਦਿਲ'

ਨੈਸ਼ਨਲ ਡੈਸਕ : ਭਾਰਤੀ ਰੇਲਵੇ ਨੇ ਦੇਸ਼ ਵਿੱਚ ਪਹਿਲੀ ਵਾਰ ਰੇਲਗੱਡੀ ਰਾਹੀਂ ਇੱਕ ਜ਼ਿੰਦਾ ਦਿਲ (Live Heart) ਨੂੰ ਸਫਲਤਾਪੂਰਵਕ ਪਹੁੰਚਾ ਕੇ ਇੱਕ ਨਵਾਂ ਇਤਿਹਾਸ ਰਚ ਦਿੱਤਾ ਹੈ। ਇਹ ਇਤਿਹਾਸਕ ਕਾਰਨਾਮਾ ਮੁੰਬਈ ਸੈਂਟਰਲ-ਗਾਂਧੀਨਗਰ ਕੈਪੀਟਲ ਵੰਦੇ ਭਾਰਤ ਐਕਸਪ੍ਰੈਸ (ਟ੍ਰੇਨ ਨੰਬਰ 20901) ਰਾਹੀਂ ਨੇਪਰੇ ਚੜ੍ਹਿਆ, ਜਿਸ ਨੇ ਸੂਰਤ ਤੋਂ ਅਹਿਮਦਾਬਾਦ ਤੱਕ ਦਿਲ ਨੂੰ ਨਿਰਧਾਰਤ ਸਮੇਂ ਦੇ ਅੰਦਰ ਪਹੁੰਚਾਇਆ। 

ਗ੍ਰੀਨ ਕੋਰੀਡੋਰ ਰਾਹੀਂ ਹਸਪਤਾਲ ਪਹੁੰਚਿਆ ਦਿਲ 

ਇਹ ਦਿਲ ਅਹਿਮਦਾਬਾਦ ਦੇ ਯੂ. ਐੱਨ. ਮਹਿਤਾ ਇੰਸਟੀਚਿਊਟ ਆਫ ਕਾਰਡੀਓਲੋਜੀ ਐਂਡ ਰਿਸਰਚ ਸੈਂਟਰ ਵਿੱਚ ਇੱਕ ਮਰੀਜ਼ ਦੇ ਟ੍ਰਾਂਸਪਲਾਂਟ ਲਈ ਲਿਜਾਇਆ ਗਿਆ ਸੀ। ਟ੍ਰੇਨ ਦੇ ਅਹਿਮਦਾਬਾਦ ਸਟੇਸ਼ਨ ਪਹੁੰਚਦੇ ਹੀ ਰੇਲਵੇ ਸੁਰੱਖਿਆ ਬਲ (RPF) ਅਤੇ ਗੁਜਰਾਤ ਪੁਲਿਸ ਨੇ ਪਲੇਟਫਾਰਮ ਨੰਬਰ 1 ਤੋਂ ਹਸਪਤਾਲ ਤੱਕ ਇੱਕ ਵਿਸ਼ੇਸ਼ 'ਗ੍ਰੀਨ ਕੋਰੀਡੋਰ' ਬਣਾਇਆ, ਤਾਂ ਜੋ ਬਿਨਾਂ ਕਿਸੇ ਦੇਰੀ ਦੇ ਦਿਲ ਨੂੰ ਹਸਪਤਾਲ ਪਹੁੰਚਾਇਆ ਜਾ ਸਕੇ।

सेवा का अनूठा उदाहरण! 🫀

​अंग प्रत्यारोपण में हर एक सेकंड कीमती होता है! सूरत से अहमदाबाद तक जीवित हृदय को वंदे भारत एक्सप्रेस की तीव्र गति से गिनती के घंटों में पहुँचाने के कारण ही यह जीवन रक्षक प्रयास संभव हो पाया।

​भारतीय रेल, RPF, गुजरात पुलिस और हमारी मेडिकल टीम्स के इस… https://t.co/nrwg5zK55Y

— Bhupendra Patel (@Bhupendrapbjp) July 31, 2026

ਮੁੱਖ ਮੰਤਰੀ ਨੇ ਕੀਤੀ ਸ਼ਲਾਘਾ 

ਗੁਜਰਾਤ ਦੇ ਮੁੱਖ ਮੰਤਰੀ ਭੂਪੇਂਦਰ ਪਟੇਲ ਨੇ ਇਸ ਸਫਲ ਆਪ੍ਰੇਸ਼ਨ ਲਈ ਰੇਲਵੇ ਅਤੇ ਮੈਡੀਕਲ ਟੀਮਾਂ ਦੀ ਤਾਰੀਫ਼ ਕੀਤੀ ਹੈ। ਉਨ੍ਹਾਂ ਸੋਸ਼ਲ ਮੀਡੀਆ 'ਤੇ ਲਿਖਿਆ ਕਿ ਇਹ ਸੇਵਾ ਦੀ ਇੱਕ ਵਿਲੱਖਣ ਮਿਸਾਲ ਹੈ ਅਤੇ ਇਸ ਤਾਲਮੇਲ ਸਦਕਾ ਹੀ ਇੱਕ ਕੀਮਤੀ ਜਾਨ ਬਚਾਈ ਜਾ ਸਕੀ ਹੈ। ਉਨ੍ਹਾਂ ਇਹ ਵੀ ਦੱਸਿਆ ਕਿ ਸੰਸਥਾ ਵਿੱਚ ਇਹ 77ਵਾਂ ਸਫਲ ਹਾਰਟ ਟ੍ਰਾਂਸਪਲਾਂਟ ਸੀ।

ਇਹ ਵੀ ਪੜ੍ਹੋ : ਜਨਮ ਤੇ ਮੌਤ ਦੀ ਰਜਿਸਟ੍ਰੇਸ਼ਨ 'ਚ ਦੇਰੀ ਹੁਣ ਪਵੇਗੀ ਭਾਰੀ, ਲਗਾਉਣੇ ਪੈ ਸਕਦੇ ਹਨ ਕੋਰਟ ਦੇ ਚੱਕਰ 

ਰੇਲਵੇ ਲਈ ਮਾਣ ਵਾਲੀ ਗੱਲ 

ਅਹਿਮਦਾਬਾਦ ਦੇ ਮੰਡਲ ਰੇਲ ਪ੍ਰਬੰਧਕ (DRM) ਵੇਦ ਪ੍ਰਕਾਸ਼ ਨੇ ਇਸ ਨੂੰ ਭਾਰਤੀ ਰੇਲਵੇ ਲਈ ਮਾਣ ਅਤੇ ਸੰਤੁਸ਼ਟੀ ਦਾ ਪਲ ਦੱਸਿਆ ਹੈ। ਰੇਲਵੇ ਅਧਿਕਾਰੀਆਂ ਅਨੁਸਾਰ, ਵੰਦੇ ਭਾਰਤ ਦੀ ਤੇਜ਼ ਰਫ਼ਤਾਰ ਅਤੇ ਭਰੋਸੇਯੋਗਤਾ ਕਾਰਨ ਹੀ ਅੰਗ ਨੂੰ ਸੀਮਤ ਸਮੇਂ ਵਿੱਚ ਪਹੁੰਚਾਉਣਾ ਸੰਭਵ ਹੋ ਸਕਿਆ। ਇਹ ਭਾਰਤ ਵਿੱਚ ਪਹਿਲੀ ਵਾਰ ਹੈ ਜਦੋਂ ਟ੍ਰਾਂਸਪਲਾਂਟ ਲਈ ਟ੍ਰੇਨ ਦੀ ਵਰਤੋਂ ਕੀਤੀ ਗਈ ਹੈ, ਜਿਸ ਨਾਲ ਹੁਣ ਐਮਰਜੈਂਸੀ ਮੈਡੀਕਲ ਲੌਜਿਸਟਿਕਸ ਵਿੱਚ ਰੇਲਵੇ ਦੀ ਭੂਮਿਕਾ ਹੋਰ ਵੀ ਅਹਿਮ ਹੋ ਗਈ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8