ਰੇਲਵੇ ਇਤਿਹਾਸ ਦਾ ਖ਼ਤਰਨਾਕ ਕਾਰਨਾਮਾ; ਰਾਹ ''ਚ ਦੋ ਟਰੇਨਾਂ ਛੱਡ ਕੇ ਚੱਲੇ ਗਏ ਡਰਾਈਵਰ, ਕਿਹਾ- ਸਾਡੀ ਡਿਊਟੀ ਪੂਰੀ

ਬਾਰਾਬੰਕੀ- ਉੱਤਰ ਪ੍ਰਦੇਸ਼ ਦੇ ਬਾਰਾਬੰਕੀ ਜ਼ਿਲ੍ਹੇ 'ਚ ਲਖਨਊ-ਗੋਰਖਪੁਰ ਰੇਲਵੇ ਡਿਵੀਜ਼ਨ 'ਤੇ ਟਰੇਨ ਦੇ ਡਰਾਈਵਰਾਂ ਦਾ ਇਕ ਨਵਾਂ ਕਾਰਨਾਮਾ ਸਾਹਮਣੇ ਆਇਆ ਹੈ। ਇੱਥੇ 12 ਘੰਟੇ ਦੀ ਡਿਊਟੀ ਟਾਈਮ ਪੂਰਾ ਕਰਨ ਤੋਂ ਬਾਅਦ ਦੋ ਟਰੇਨਾਂ ਦੇ ਡਰਾਈਵਰਾਂ ਨੇ ਰੇਲ ਪਟੜੀ 'ਤੇ ਰੇਲਗੱਡੀ ਨੂੰ ਛੱਡ ਕੇ ਚੱਲੇ ਗਏ। ਇਸ ਕਾਰਨ ਸਹਰਸਾ ਤੋਂ ਦਿੱਲੀ ਜਾਣ ਵਾਲੀ ਰੇਲਗੱਡੀ 3 ਘੰਟੇ 40 ਮਿੰਟ ਅਤੇ ਬਰੌਨੀ ਤੋਂ ਲਖਨਊ ਜਾਣ ਵਾਲੀ ਰੇਲਗੱਡੀ 1 ਘੰਟਾ 41 ਮਿੰਟ ਬੁਢਵਲ ਸਟੇਸ਼ਨ 'ਤੇ ਖੜ੍ਹੀ ਰਹੀ। ਇਸ ਦੌਰਾਨ ਸਟੇਸ਼ਨ ਸੁਪਰਡੈਂਟ ਨੇ ਮੁਸਾਫਰਾਂ ਦੀਆਂ ਮੁਸ਼ਕਲਾਂ ਨੂੰ ਲੈ ਕੇ ਫੋਨ ਚੁੱਕਣਾ ਬੰਦ ਕਰ ਦਿੱਤਾ। ਯਾਤਰੀਆਂ ਦੇ ਜ਼ੋਰਦਾਰ ਹੰਗਾਮੇ ਕਾਰਨ ਰੇਲਵੇ ਵਿਭਾਗ ਨੇ ਤੁਰੰਤ ਹੋਰ ਡਰਾਈਵਰਾਂ ਨੂੰ ਲਖਨਊ ਤੋਂ ਬੁਢਵਲ ਤੱਕ ਡਿਊਟੀ 'ਤੇ ਲਿਆਂਦਾ, ਜਿਸ ਤੋਂ ਬਾਅਦ ਟਰੇਨਾਂ ਨੂੰ ਅੱਗੇ ਰਵਾਨਾ ਕੀਤਾ ਗਿਆ।

ਇਹ ਵੀ ਪੜ੍ਹੋ- 10ਵੀਂ-12ਵੀਂ ਬੋਰਡ ਪ੍ਰੀਖਿਆ ਬਾਰੇ CBSE ਦਾ ਅਹਿਮ ਐਲਾਨ

ਜਾਣਕਾਰੀ ਮੁਤਾਬਕ ਲਖਨਊ-ਗੋਰਖਪੁਰ ਰੇਲਵੇ ਸੈਕਸ਼ਨ ਦੇ ਬੁਢਵਲ ਰੇਲਵੇ ਸਟੇਸ਼ਨ ਤੋਂ ਲੰਘ ਰਹੀਆਂ ਦੋ ਐਕਸਪ੍ਰੈਸ ਟਰੇਨਾਂ ਦੇ ਡਰਾਈਵਰਾਂ ਅਤੇ ਗਾਰਡਾਂ ਨੇ ਟਰੇਨ ਨੂੰ ਅੱਗੇ ਲਿਜਾਣ ਤੋਂ ਇਨਕਾਰ ਕਰ ਦਿੱਤਾ। ਉਨ੍ਹਾਂ ਨੇ ਇਹ ਕਹਿ ਕੇ ਟਰੇਨ ਛੱਡ ਦਿੱਤੀ ਕਿ ਉਨ੍ਹਾਂ ਦੀ ਡਿਊਟੀ ਦੇ 12 ਘੰਟੇ ਪੂਰੇ ਹੋ ਗਏ ਹਨ। ਇਸ ਦੌਰਾਨ ਟਰੇਨਾਂ 'ਚ ਸਫਰ ਕਰ ਰਹੇ ਯਾਤਰੀਆਂ ਨੇ ਹੰਗਾਮਾ ਕਰ ਦਿੱਤਾ। ਇਸ ਕਾਰਨ ਆਰ.ਪੀ.ਐਫ., ਜੀ.ਆਰ.ਪੀ., ਸਥਾਨਕ ਪੁਲਸ ਅਤੇ ਸਟੇਸ਼ਨ ਸੁਪਰਡੈਂਟ ਅਤੇ ਸਟਾਫ਼ ਪੂਰੀ ਤਰ੍ਹਾਂ ਚੁੱਪ ਧਾਰੀ ਬੈਠਾ ਰਿਹਾ।

ਡਰਾਈਵਰ ਅਤੇ ਗਾਰਡ ਟਰੇਨ ਛੱਡ ਕੇ ਭੱਜ ਗਏ

ਇਹ ਵੀ ਪੜ੍ਹੋ-  ਪਾਕਿਸਤਾਨ ਤੋਂ ਭਾਰਤ ਪਰਤੀ ਅੰਜੂ ਮੁੜ ਸੁਰਖੀਆਂ 'ਚ, ਦੱਸਿਆ ਕਿਉਂ ਆਈ ਵਾਪਸ

ਆਰ. ਪੀ. ਐੱਫ. ਦੇ ਇੰਸਪੈਕਟਰ ਅਜਮੇਰ ਸਿੰਘ ਯਾਦਵ ਨੇ ਦੱਸਿਆ ਕਿ ਸਹਰਸਾ ਬਿਹਾਰ ਤੋਂ ਚੱਲ ਕੇ ਨਵੀਂ ਦਿੱਲੀ ਜਾ ਰਹੀ ਟਰੇਨ ਬੁੱਧਵਾਰ ਦੁਪਹਿਰ 1:15 ਵਜੇ ਬੁਢਵਲ ਸਟੇਸ਼ਨ 'ਤੇ ਪਹੁੰਚੀ। ਇਸ ਦੇ ਡਰਾਈਵਰ ਅਤੇ ਗਾਰਡ ਨੇ ਪਲੇਟਫਾਰਮ ਨੰਬਰ 3 ਅਤੇ 4 ਵਿਚਕਾਰ ਟਰੇਨ ਖੜ੍ਹੀ ਕਰ ਦਿੱਤੀ। ਇਸ 'ਤੇ ਯਾਤਰੀਆਂ ਨੇ ਹੰਗਾਮਾ ਕਰਨਾ ਸ਼ੁਰੂ ਕਰ ਦਿੱਤਾ। ਇਸ ਟਰੇਨ ਦੇ ਡਰਾਈਵਰ ਅਤੇ ਗਾਰਡ ਨੇ ਦੱਸਿਆ ਕਿ ਉਨ੍ਹਾਂ ਦੀ 12 ਘੰਟੇ ਦੀ ਡਿਊਟੀ ਹੈ ਅਤੇ ਇਹ ਸਮਾਂ ਪੂਰਾ ਹੋ ਚੁੱਕਾ ਹੈ। ਇਸ ਦੀ ਸੂਚਨਾ ਕੰਟਰੋਲ ਰੂਮ ਲਖਨਊ ਨੂੰ ਦਿੱਤੀ ਗਈ। ਇਸ 'ਤੇ ਟਰੇਨ ਦੇ ਡਰਾਈਵਰ ਅਤੇ ਗਾਰਡ ਨੂੰ ਲਖਨਊ ਤੋਂ ਬੁਢਵਲ ਲਿਆਂਦਾ ਗਿਆ। ਸ਼ਾਮ 4:50 ਵਜੇ ਸਹਰਸਾ ਤੋਂ ਨਵੀਂ ਦਿੱਲੀ ਲਈ ਰਵਾਨਾ ਹੋਏ। ਇਸ ਤਰ੍ਹਾਂ ਰੇਲਗੱਡੀ 3 ਘੰਟੇ 40 ਮਿੰਟ ਤੱਕ ਰੇਲਵੇ ਸਟੇਸ਼ਨ 'ਤੇ ਖੜ੍ਹੀ ਰਹੀ।

ਇਹ ਵੀ ਪੜ੍ਹੋ- ਹਥਿਆਰਾਂ ਨਾਲ ਲੈਸ ਨਕਾਬਪੋਸ਼ ਲੁਟੇਰਿਆਂ ਨੇ ਬੈਂਕ 'ਤੇ ਬੋਲਿਆ ਧਾਵਾ, ਲੁੱਟੇ 18 ਕਰੋੜ ਰੁਪਏ

ਦੂਜੇ ਟਰੇਨ ਦੇ ਡਰਾਈਵਰ-ਗਾਰਡ ਦੀ ਵੀ ਇਹੀ ਕਹਾਣੀ

ਇਸੇ ਸਟੇਸ਼ਨ 'ਤੇ ਬਰੌਨੀ ਤੋਂ ਲਖਨਊ ਜਾ ਰਹੀ ਐਕਸਪ੍ਰੈਸ ਟਰੇਨ ਦੇ ਡਰਾਈਵਰ ਅਤੇ ਗਾਰਡ ਨੇ ਵੀ ਇਹ ਕਹਾਣੀ ਦੋਹਰਾਈ। ਦੋਵਾਂ ਨੇ ਸਟੇਸ਼ਨ ਸੁਪਰਡੈਂਟ ਨੂੰ ਇਹ ਵੀ ਦੱਸਿਆ ਕਿ ਉਨ੍ਹਾਂ ਦੀ 12 ਘੰਟੇ ਦੀ ਡਿਊਟੀ ਪੂਰੀ ਹੋ ਗਈ ਹੈ। ਹੁਣ ਉਹ ਰੇਲਗੱਡੀ ਰਾਹੀਂ ਅੱਗੇ ਨਹੀਂ ਜਾ ਸਕਦਾ। ਇਹ ਟਰੇਨ ਸ਼ਾਮ 4:04 ਵਜੇ ਇੱਥੇ ਪਹੁੰਚੀ। ਇਸ ਟਰੇਨ ਦੇ ਦੂਜੇ ਡਰਾਈਵਰ ਅਤੇ ਗਾਰਡ ਨੂੰ ਲਖਨਊ ਤੋਂ ਬੁਲਾਇਆ ਗਿਆ ਸੀ। ਇਸ ਤੋਂ ਬਾਅਦ 5:46 'ਤੇ ਅੱਗੇ ਭੇਜ ਦਿੱਤਾ ਗਿਆ। ਇਨ੍ਹਾਂ ਹਾਲਾਤਾਂ 'ਚ ਇਹ ਟਰੇਨ 1 ਘੰਟਾ 41 ਮਿੰਟ ਤੱਕ ਬੁਢਵਲ ਸਟੇਸ਼ਨ 'ਤੇ ਖੜ੍ਹੀ ਰਹੀ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8