ਪ੍ਰਧਾਨ ਮੰਤਰੀ ਆਪਣੇ ਦੋਸਤਾਂ ਨੂੰ ''ਦੌਲਤਵੀਰ'' ਅਤੇ ਨੌਜਵਾਨਾਂ ਨੂੰ ''ਅਗਨੀਵੀਰ'' ਬਣਾ ਰਹੇ ਹਨ : ਰਾਹੁਲ ਗਾਂਧੀ

ਨਵੀਂ ਦਿੱਲੀ (ਭਾਸ਼ਾ)- ਕਾਂਗਰਸ ਦੇ ਸਾਬਕਾ ਪ੍ਰਧਾਨ ਰਾਹੁਲ ਗਾਂਧੀ ਨੇ ਫ਼ੌਜ 'ਚ ਭਰਤੀ ਕੀਤੀ ਨਵੀਂ 'ਅਗਨੀਪਥ' ਯੋਜਨਾ ਨੂੰ ਲੈ ਕੇ ਸੋਮਵਾਰ ਨੂੰ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ 'ਤੇ ਨਿਸ਼ਾਨਾ ਵਿੰਨ੍ਹਿਆ। ਰਾਹੁਲ ਨੇ ਦੋਸ਼ ਲਗਾਇਆ ਕਿ ਉਹ ਆਪਣੇ 'ਦੋਸਤਾਂ' ਨੂੰ 'ਦੌਲਤਵੀਰ' ਬਣਾ ਰਹੇ ਹਨ, ਜਦੋਂ ਕਿ ਨੌਜਵਾਨਾਂ ਨੂੰ ਚਾਰ ਸਾਲ ਦੇ ਠੇਕੇ 'ਤੇ 'ਅਗਨੀਵੀਰ' ਬਣਾ ਰਹੇ ਹਨ। ਉਨਾਂ ਨੇ ਟਵੀਟ ਕੀਤਾ,''ਪ੍ਰਧਾਨ ਮੰਤਰੀ ਆਪਣੇ ਦੋਸਤਾਂ ਨੂੰ 50 ਸਾਲ ਲਈ ਦੇਸ਼ ਦੇ ਏਅਰਪੋਰਟ ਦੇ ਕੇ 'ਦੌਲਤਵੀਰ' ਅਤੇ ਨੌਜਵਾਨਾਂ ਨੂੰ ਸਿਰਫ਼ 4 ਸਾਲ ਲਈ ਠੇਕੇ 'ਤੇ 'ਅਗਨੀਵੀਰ' ਬਣਾ ਰਹੇ ਹਨ। ਅੱਜ ਦੇਸ਼ ਭਰ 'ਚ ਕਾਂਗਰਸ ਪਾਰਟੀ 'ਅਗਨੀਪਥ' ਖ਼ਿਲਾਫ਼ ਸੱਤਿਆਗ੍ਰਹਿ ਕਰ ਰਹੀ ਹੈ। ਜਦੋਂ ਤੱਕ ਨੌਜਵਾਨਾਂ ਨੂੰ ਨਿਆਂ ਨਹੀਂ ਮਿਲਦਾ, ਇਹ ਸੱਤਿਆਗ੍ਰਹਿ ਨਹੀਂ ਰੁਕੇਗਾ।''

ਦੱਸਣਯੋਗ ਹੈ ਕਿ 14 ਜੂਨ ਨੂੰ ਅਗਨੀਪਥ ਯੋਜਨਾ ਦੇ ਐਲਾਨ ਤੋਂ ਬਾਅਦ ਦੇਸ਼ ਦੇ ਵੱਖ-ਵੱਖ ਹਿੱਸਿਆਂ 'ਚ ਵਿਰੋਧ ਪ੍ਰਦਰਸ਼ਨ ਹੋਏ ਸਨ। ਇਸ ਯੋਜਨਾ ਦੇ ਅਧੀਨ ਸਾਢੇ 17 ਤੋਂ 21 ਸਾਲ ਦੇ ਠੇਕੇ ਦੇ ਆਧਾਰ 'ਤੇ ਫ਼ੌਜ 'ਚ ਭਰੀਤ ਕੀਤੇ ਜਾਣ ਦਾ ਪ੍ਰਬੰਧ ਹੈ। ਚਾਰ ਦੀ ਸੇਵਾ ਪੂਰੀ ਕਰਨ ਤੋਂ ਬਾਅਦ ਉਨ੍ਹਾਂ 'ਚੋਂ 25 ਫੀਸਦੀ ਨੂੰ ਨਿਯਮਿਤ ਸੇਵਾ ਲਈ ਚੁਣਿਆ ਜਾਵੇਗਾ। ਸਾਲ 2022 ਲਈ ਉਮੀਦਵਾਰਾਂ ਦੀ ਉੱਪਰੀ ਉਮਰ ਹੱਦ ਵਧਾ ਕੇ 23 ਸਾਲ ਕਰ ਦਿੱਤੀ ਗਈ ਹੈ।

ਨੋਟ : ਇਸ ਖ਼ਬਰ ਸੰਬੰਧੀ ਕੀ ਹੈ ਤੁਹਾਡੀ ਰਾਏ, ਕੁਮੈਂਟ ਬਾਕਸ 'ਚ ਦਿਓ ਜਵਾਬ