ਦਿੱਲੀ ’ਚ ਪੈਟਰੋਲ ਫਿਰ 73 ਰੁਪਏ ਲਿਟਰ ਤੋਂ ਉੱਤੇ
Sunday, Nov 10, 2019 - 09:52 PM (IST)
ਨਵੀਂ ਦਿੱਲੀ (ਅਨਸ)-ਦੇਸ਼ ਦੀ ਰਾਜਧਾਨੀ ਦਿੱਲੀ ’ਚ ਪੈਟਰੋਲ ਫਿਰ 73 ਰੁਪਏ ਪ੍ਰਤੀ ਲਿਟਰ ਤੋਂ ਉੱਤੇ ਚਲਾ ਗਿਆ ਹੈ। ਤੇਲ ਮਾਰਕੀਟਿੰਗ ਕੰਪਨੀਆਂ ਨੇ ਅੱਜ ਲਗਾਤਾਰ ਤੀਜੇ ਦਿਨ ਪੈਟਰੋਲ ਦੇ ਮੁੱਲ ਵਧਾ ਦਿੱਤੇ। ਹਾਲਾਂਕਿ ਡੀਜ਼ਲ ਦੇ ਮੁੱਲ ’ਚ ਕੋਈ ਬਦਲਾਅ ਨਹੀਂ ਹੋਇਆ ਹੈ।
ਦਿੱਲੀ ’ਚ 3 ਦਿਨਾਂ ’ਚ ਪੈਟਰੋਲ ਦੇ ਮੁੱਲ ’ਚ 45 ਪੈਸੇ ਪ੍ਰਤੀ ਲਿਟਰ ਦਾ ਵਾਧਾ ਹੋ ਗਿਆ ਹੈ। ਤੇਲ ਕੰਪਨੀਆਂ ਨੇ ਅੱਜ ਦਿੱਲੀ, ਕੋਲਕਾਤਾ ਅਤੇ ਮੁੰਬਈ ’ਚ ਪੈਟਰੋਲ ਦੇ ਮੁੱਲ ’ਚ 20 ਪੈਸੇ, ਜਦੋਂਕਿ ਚੇਨਈ ’ਚ 21 ਪੈਸੇ ਪ੍ਰਤੀ ਲਿਟਰ ਦਾ ਵਾਧਾ ਕੀਤਾ। ਇੰਡੀਅਨ ਆਇਲ ਅਨੁਸਾਰ ਦਿੱਲੀ, ਕੋਲਕਾਤਾ, ਮੁੰਬਈ ਅਤੇ ਚੇਨਈ ’ਚ ਪੈਟਰੋਲ ਦੇ ਮੁੱਲ ਵਧ ਕੇ ਕ੍ਰਮਵਾਰ 73.05 ਰੁਪਏ, 75.76, 78.72 ਅਤੇ 75.92 ਰੁਪਏ ਪ੍ਰਤੀ ਲਿਟਰ ਹੋ ਗਏ ਹਨ।
