ਪਾਕਿਸਤਾਨ ਹਾਈ ਕਮਿਸ਼ਨ ਨੇ ਅੱਲਾਮਾ ਇਕਬਾਲ ''ਤੇ ਆਯੋਜਿਤ ਕੀਤਾ ਪ੍ਰੋਗਰਾਮ

ਨਵੀਂ ਦਿੱਲੀ— ਪਾਕਿਸਤਾਨ ਹਾਈ ਕਮਿਸ਼ਨ ਨੇ ਦੇਸ਼ ਦੇ 70 ਸਾਲ ਪੂਰੇ ਹੋਣ 'ਤੇ ਜਸ਼ਨ 'ਚ ਵੱਖ-ਵੱਖ ਪ੍ਰੋਗਰਾਮਾ ਦੇ ਤਹਿਤ ਮਸ਼ਹੂਰ ਉਰਦੂ ਕਵਿ ਅੱਲਾਮਾ ਇਕਬਾਲ ਦੇ ਜੀਵਨ ਤੇ ਕੰਮ ਨੂੰ ਲੈ ਕੇ ਇਕ ਪ੍ਰੋਗਰਾਮ ਆਯੋਜਿਤ ਕੀਤਾ। ਪਾਕਿਸਤਾਨ ਹਾਈ ਕਮਿਸ਼ਨ ਨੇ ਜਾਰੀ ਇਕ ਬਿਆਨ 'ਚ ਦੱਸਿਆ ਕਿ ਪ੍ਰੋਗਰਾਮ ਸ਼ੁੱਕਰਵਾਰ ਨੂੰ ਆਯੋਜਿਤ ਕੀਤਾ ਗਿਆ, ਜਿਸ 'ਚ ਖਾਸਤੌਰ 'ਤੇ ਇਸ ਟਾਪੂ ਦੇ ਲੋਕਾਂ ਤੇ ਆਮਤੌਰ 'ਤੇ ਮਨੁੱਖਤਾ ਦੇ ਰੂਹਾਨੀ, ਨੈਤਿਕ ਤੇ ਬੌਧਿਕ ਵਿਕਾਸ 'ਚ ਇਕਬਾਲ ਦੇ ਵਿਆਪਕ ਸੰਦੇਸ਼ ਤੇ ਯੋਗਦਾਨਾਂ ਦੀ ਸਮੇਂ ਸਿਰ ਅਨੁਕੂਲਤਾਂ 'ਤੇ ਜ਼ੋਰ ਦਿੱਤਾ ਗਿਆ। ਬਿਆਨ ਮੁਤਾਬਕ ਯੌਮ-ਏ-ਇਕਬਾ ਸਮਾਰੋਹ 'ਚ ਇਕਬਾਲ ਨੂੰ ਸ਼ਰਧਾਂਜਲੀ ਦਿੱਤੀ ਗਈ। ਇਹ ਪ੍ਰੋਗਰਾਮ ਉਨ੍ਹਾਂ ਪ੍ਰੋਗਰਾਮਾਂ ਦੇ ਹਿੱਸਾ ਹਨ ਜਿਨ੍ਹਾਂ ਨੂੰ ਹਾਈ ਕਮਿਸ਼ਨ, ਪਾਕਿਸਤਾਨ ਦੇ 70 ਸਾਲ ਪੂਰੇ ਹੋਣ ਦੇ ਸਿਲਸਿਲੇ 'ਚ ਮਨਾ ਰਿਹਾ ਹੈ। ਇਸ ਦਾ ਟਾਇਟਲ 'ਪਾਕਿਸਤਾਨ ਐਟ 70' ਰੱਖਿਆ ਗਿਆ ਹੈ। ਦਿੱਲੀ ਯੂਨੀਵਰਸਿਟੀ 'ਚ ਇਕਬਾਲ 'ਤੇ ਮਸ਼ਹੂਰ ਮਾਹਰ ਪ੍ਰੋਫੈਸਰ ਅਬਦੁਲ ਹਕ ਨੇ 'ਇਕਬਾਲ ਦੀ ਅਫਾਕੀ ਫਿਕਰ' 'ਤੇ ਭਾਸ਼ਣ ਦਿੱਤਾ। ਭਾਰਤ 'ਚ ਤੁਰਕੀ ਦੇ ਰਾਜਦੂਤ ਸਾਕਿਰ ਓਜਕਾਰ ਤੇਰਨੁਲਾਰ ਇਸ ਪ੍ਰੋਗਰਾਮ 'ਚ ਖਾਸ ਮਹਿਮਾਨ ਸਨ।