ਮੋਦੀ ਆਏ ਸੀ ਗੰਗਾ ਦੇ ਲਾਲ ਬਣ ਕੇ ਪਰ ਜਾਣਗੇ ਰਾਫੇਲ ਦੇ ਦਲਾਲ ਬਣ ਕੇ: ਸਿੱਧੂ

ਨਵੀਂ ਦਿੱਲੀ—ਕ੍ਰਿਕੇਟ ਤੋਂ ਨੇਤਾ ਬਣੇ ਅਤੇ ਕਾਂਗਰਸ ਦੇ ਸਟਾਰ ਪ੍ਰਚਾਰਕ ਨਵਜੋਤ ਸਿੰਘ ਸਿੱਧੂ ਨੇ ਇੱਕ ਵਾਰ ਫਿਰ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ 'ਤੇ ਤਿੱਖਾ ਨਿਸ਼ਾਨਾ ਵਿੰਨ੍ਹਿਆ। ਸਿੱਧੂ ਨੇ ਰਾਫੇਲ ਡੀਲ 'ਤੇ ਪੀ. ਐੱਮ. ਮੋਦੀ ਨੂੰ ਬਹਿਸ ਦੇ ਲਈ ਚੁਣੌਤੀ ਦਿੱਤੀ ਹੈ ਅਤੇ ਕਿਹਾ ਹੈ ਕਿ 2014 'ਚ ਨਰਿੰਦਰ ਮੋਦੀ ਗੰਗਾ ਦੇ ਲਾਲ ਬਣ ਕੇ ਆਏ ਸੀ ਪਰ 2019 'ਚ ਰਾਫੇਲ ਦੇ ਦਲਾਲ ਬਣ ਕੇ ਜਾਣਗੇ।

NS Sidhu: Main tumhe chunauti deta hoon Narendra Modi, isi pe behes kar lo 'Na khaunga na khane dunga'. Yadi Sidhu haar gaya to rajniti sada ke liye chhodd ke jaega...Main kehta hoon Narendra Modi aaye they 2014 mein Ganga ke lal banke aur jaoge 2019 mein Rafale ke dalal ban ke. https://t.co/evxzHFCwY1

— ANI (@ANI) May 15, 2019

ਪੰਜਾਬ ਤੋਂ ਬਾਹਰ ਨਵਜੋਤ ਸਿੰਘ ਸਿੱਧੂ ਬੁੱਧਵਾਰ ਨੂੰ ਹਿਮਾਚਲ ਪ੍ਰਦੇਸ਼ 'ਚ ਇੱਕ ਰੈਲੀ ਨੂੰ ਸੰਬੋਧਨ ਕਰਦੇ ਹੋਏ ਕਿਹਾ ਕਿ ਨਰਿੰਦਰ ਮੋਦੀ ਤੋਂ ਪੁੱਛਣਾ ਚਾਹੁੰਦਾ ਹਾਂ ਕੀ ਉਨ੍ਹਾਂ ਨੇ ਰਾਫੇਲ ਤੋਂ ਫਾਇਦਾ ਲਿਆ ਹੈ ਜਾਂ ਨਹੀਂ। ਸਿੱਧੂ ਨੇ ਚੁਣੌਤੀ ਦਿੰਦੇ ਹੋਏ ਕਿਹਾ ਹੈ ਕਿ ਪ੍ਰਧਾਨ ਮੰਤਰੀ ਇਸ ਮੁੱਦੇ 'ਤੇ ਮੇਰੇ ਨਾਲ ਪੂਰੇ ਦੇਸ਼ 'ਚ ਕਿਤੇ ਵੀ ਬਹਿਸ ਕਰ ਸਕਦੇ ਹਨ। ਉਨ੍ਹਾਂ ਨੇ ਕਿਹਾ ਕਿ ਇਸ ਮੁੱਦੇ 'ਤੇ ਰਾਹੁਲ ਗਾਂਧੀ ਤੋਪ ਹੈ ਤਾਂ ਮੈਂ ਵੀ ਏ. ਕੇ 47 ਹਾਂ। ਇਸ ਦੇ ਨਾਲ ਹੀ ਸਿੱਧੂ ਨੇ ਇੱਕ ਹੋਰ ਤੰਜ ਕਸਦੇ ਹੋਏ ਕਿਹਾ, ''ਪੀ. ਐੱਮ. ਮੋਦੀ ਨਾਲ 'ਨਾ ਖਾਊਗਾ ਨਾ ਖਾਣ ਦੇਵਾਂਗਾ' 'ਤੇ ਬਹਿਸ ਕਰਨ ਲਈ ਤਿਆਰ ਬਰ ਤਿਆਰ ਹਾਂ ਪਰ ਜੇਕਰ ਮੈਂ ਇਸ ਬਹਿਸ ਦੌਰਾਨ ਹਾਰ ਗਿਆ ਤਾਂ ਰਾਜਨੀਤੀ ਛੱਡਣ ਨੂੰ ਤਿਆਰ ਹਾਂ।''

ਦੱਸ ਦੇਈਏ ਕਿ ਲੋਕ ਸਭਾ ਦੇ ਆਖਰੀ ਪੜਾਅ 'ਤੇ 19 ਮਈ ਨੂੰ ਹਿਮਾਚਲ ਪ੍ਰਦੇਸ਼ ਦੀਆਂ ਸੀਟਾਂ 'ਤੇ ਚੋਣਾਂ ਹੋਣਗੀਆਂ। 23 ਮਈ ਨੂੰ ਚੋਣਾਂ ਦੇ ਨਤੀਜੇ ਐਲਾਨੇ ਜਾਣਗੇ।