ਸ਼ਰਮਿਸ਼ਠਾ ਖ਼ਿਲਾਫ਼ FIR ਦਰਜ ਕਰਵਾਉਣ ਵਾਲਾ ਲਾਪਤਾ, ਪਿਤਾ ਦਾ ਦਾਅਵਾ- ''ਮਿਲ ਰਹੀਆਂ ਸੀ ਧਮਕੀਆਂ''

ਕੋਲਕਾਤਾ : ਸੋਸ਼ਲ ਮੀਡੀਆ ਇੰਫਲੁਏਂਸਰ ਅਤੇ ਕਾਨੂੰਨ ਦੀ ਵਿਦਿਆਰਥਣ ਸ਼ਰਮਿਸ਼ਠਾ ਪਨੋਲੀ ਵਿਰੁੱਧ ਪੁਲਸ ਸ਼ਿਕਾਇਤ ਦਰਜ ਕਰਵਾਉਣ ਵਾਲਾ ਵਿਅਕਤੀ ਕਥਿਤ ਤੌਰ 'ਤੇ ਲਾਪਤਾ ਹੋ ਗਿਆ ਹੈ। ਉਸਦੀ ਸ਼ਿਕਾਇਤ ਦੇ ਆਧਾਰ 'ਤੇ ਪਨੋਲੀ ਨੂੰ ਗੁਰੂਗ੍ਰਾਮ ਤੋਂ ਗ੍ਰਿਫ਼ਤਾਰ ਕੀਤਾ ਗਿਆ। ਸ਼ਿਕਾਇਤਕਰਤਾ ਵਜਾਹਤ ਖਾਨ ਦੇ ਪਿਤਾ ਨੇ ਦਾਅਵਾ ਕੀਤਾ ਹੈ ਕਿ ਉਸਦਾ ਪੁੱਤਰ ਬੀਤੀ (ਐਤਵਾਰ) ਰਾਤ ਤੋਂ ਘਰ ਨਹੀਂ ਆਇਆ ਹੈ ਅਤੇ ਸ਼ਰਮਿਸ਼ਠਾ ਪਨੋਲੀ ਦੀ ਗ੍ਰਿਫ਼ਤਾਰੀ ਤੋਂ ਬਾਅਦ ਪਰਿਵਾਰ ਨੂੰ ਧਮਕੀ ਭਰੇ ਫੋਨ ਆ ਰਹੇ ਹਨ।

ਸੱਜੇ ਪੱਖੀ ਧਿਰ ਕੋਲਕਾਤਾ ਪੁਲਸ ਦੁਆਰਾ ਸ਼ਰਮਿਸ਼ਠਾ ਦੀ ਗ੍ਰਿਫ਼ਤਾਰੀ ਦੀ ਸਖ਼ਤ ਆਲੋਚਨਾ ਕਰ ਰਹੀ ਹੈ ਅਤੇ ਕਈ ਭਾਜਪਾ ਆਗੂਆਂ ਨੇ ਉਸਦੀ ਰਿਹਾਈ ਦੀ ਮੰਗ ਕੀਤੀ ਹੈ। ਉਸ ਨੂੰ ਇੱਕ ਵੀਡੀਓ ਕਾਰਨ ਗ੍ਰਿਫ਼ਤਾਰ ਕੀਤਾ ਗਿਆ ਹੈ ਜਿਸ ਵਿੱਚ ਉਸਨੇ 'ਆਪ੍ਰੇਸ਼ਨ ਸਿੰਦੂਰ' 'ਤੇ ਚੁੱਪ ਰਹਿਣ ਲਈ ਮੁਸਲਿਮ ਬਾਲੀਵੁੱਡ ਹਸਤੀਆਂ ਦੀ ਆਲੋਚਨਾ ਕਰਦੇ ਹੋਏ ਅਪਮਾਨਜਨਕ ਭਾਸ਼ਾ ਦੀ ਵਰਤੋਂ ਕੀਤੀ ਅਤੇ ਫਿਰਕੂ ਟਿੱਪਣੀਆਂ ਵੀ ਕੀਤੀਆਂ।

ਇਹ ਵੀ ਪੜ੍ਹੋ : 11ਵੇਂ ਦਿਨ ਸ਼ਿਲਾਂਗ 'ਚ ਖੱਡ 'ਚੋਂ ਮਿਲੀ ਲਾਪਤਾ ਪਤੀ ਦੀ ਲਾਸ਼, ਹਨੀਮੂਨ ਲਈ ਮੇਘਾਲਿਆ ਗਿਆ ਸੀ ਕਪਲ

ਵਜਾਹਤ ਦਾ ਪਰਿਵਾਰ ਬੋਲਿਆ- ਸਾਡਾ ਪੁੱਤਰ ਨਿਰਦੋਸ਼ ਅਤੇ ਧਰਮ ਨਿਰਪੱਖ
ਪਨੋਲੀ ਦੀ ਗ੍ਰਿਫ਼ਤਾਰੀ ਦੇ ਮਾਮਲੇ ਵਿੱਚ ਸ਼ਿਕਾਇਤਕਰਤਾ ਵਜਾਹਤ ਖਾਨ ਨੂੰ ਧਮਕੀ ਭਰੇ ਫੋਨ ਆਏ। ਉਸਦੇ ਪਰਿਵਾਰ ਨੇ ਦਾਅਵਾ ਕੀਤਾ ਕਿ ਸਾਡਾ ਪੁੱਤਰ ਨਿਰਦੋਸ਼ ਅਤੇ ਧਰਮ ਨਿਰਪੱਖ ਹੈ। ਉਸਦੇ ਪਿਤਾ ਸਆਦਤ ਖਾਨ ਨੇ ਅੱਜ ਤੱਕ ਨੂੰ ਦਿੱਤੇ ਇੱਕ ਇੰਟਰਵਿਊ ਵਿੱਚ ਕਿਹਾ, ''ਉਹ ਹਿੰਦੂ ਧਰਮ ਦਾ ਅਪਮਾਨ ਨਹੀਂ ਕਰ ਸਕਦਾ। ਸ਼ਰਮਿਸ਼ਠਾ ਦੀ ਗ੍ਰਿਫ਼ਤਾਰੀ ਤੋਂ ਬਾਅਦ ਸਾਨੂੰ ਧਮਕੀਆਂ ਮਿਲ ਰਹੀਆਂ ਹਨ।'' ਹਿੰਦੂ ਧਰਮ ਦਾ ਅਪਮਾਨ ਕਰਨ ਲਈ ਆਪਣੇ ਪੁੱਤਰ ਵਿਰੁੱਧ ਦਰਜ ਸ਼ਿਕਾਇਤ ਬਾਰੇ ਇੱਕ ਸਵਾਲ ਦੇ ਜਵਾਬ ਵਿੱਚ ਸਆਦਤ ਖਾਨ ਨੇ ਕਿਹਾ ਕਿ ਹੋ ਸਕਦਾ ਹੈ ਕਿ ਉਸਦੇ ਪੁੱਤਰ ਦੀ ਪ੍ਰੋਫਾਈਲ ਹੈਕ ਕੀਤੀ ਗਈ ਹੋਵੇ।

ਉਸ ਦੇ ਅਨੁਸਾਰ, ਵਜਾਹਤ ਪਿਛਲੇ ਕੁਝ ਦਿਨਾਂ ਵਿੱਚ ਉਸ ਨੂੰ ਆਏ ਗਾਲਾਂ ਅਤੇ ਧਮਕੀ ਭਰੇ ਫੋਨ ਕਾਲਾਂ ਤੋਂ ਬਹੁਤ ਪਰੇਸ਼ਾਨ ਸੀ, ਜਿਸ ਵਿੱਚ ਉਸ 'ਤੇ ਪਨੋਲੀ ਦੀ ਜ਼ਿੰਦਗੀ ਬਰਬਾਦ ਕਰਨ ਦਾ ਦੋਸ਼ ਲਗਾਇਆ ਗਿਆ ਸੀ। ਸਆਦਤ ਖਾਨ ਨੇ ਇਹ ਵੀ ਕਿਹਾ ਕਿ ਉਸ ਨੂੰ ਵੀ ਇਸੇ ਤਰ੍ਹਾਂ ਦੇ ਧਮਕੀ ਭਰੇ ਫੋਨ ਕਾਲ ਆਏ ਸਨ ਅਤੇ ਦੁਰਵਿਵਹਾਰ ਵੀ ਕੀਤਾ ਗਿਆ ਸੀ। ਇਹ ਘਟਨਾਕ੍ਰਮ ਅਜਿਹੇ ਸਮੇਂ ਵਿੱਚ ਹੋਇਆ ਹੈ ਜਦੋਂ ਕੋਲਕਾਤਾ ਪੁਲਸ ਨੂੰ ਵਜਾਹਤ ਖਾਨ ਵਿਰੁੱਧ ਰਸਮੀ ਸ਼ਿਕਾਇਤ ਮਿਲੀ ਹੈ। ਸ਼੍ਰੀ ਰਾਮ ਸਵਾਭਿਮਾਨ ਪ੍ਰੀਸ਼ਦ ਦੁਆਰਾ ਦਾਇਰ ਸ਼ਿਕਾਇਤ ਵਿੱਚ ਵਜਾਹਤ ਖਾਨ 'ਤੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ 'ਤੇ ਹਿੰਦੂ ਭਾਈਚਾਰੇ ਵਿਰੁੱਧ ਅਪਮਾਨਜਨਕ ਅਤੇ ਭੜਕਾਊ ਟਿੱਪਣੀਆਂ ਕਰਨ ਦਾ ਦੋਸ਼ ਲਗਾਇਆ ਗਿਆ ਹੈ।

ਇਹ ਵੀ ਪੜ੍ਹੋ : 15 ਜੂਨ ਨੂੰ ਹੋਣ ਵਾਲੀ NEET PG 2025 ਪ੍ਰੀਖਿਆ ਮੁਲਤਵੀ, ਛੇਤੀ ਹੋਵੇਗਾ ਨਵੀਂ ਤਾਰੀਖ ਦਾ ਐਲਾਨ

ਗਾਰਡਨ ਰੀਚ ਪੁਲਸ ਸਟੇਸ਼ਨ 'ਚ ਵਜਾਹਤ ਵਿਰੁੱਧ FIR ਦਰਜ
ਗਾਰਡਨ ਰੀਚ ਪੁਲਸ ਸਟੇਸ਼ਨ ਦੇ ਇੰਚਾਰਜ ਅਧਿਕਾਰੀ ਨੂੰ ਸੰਬੋਧਨ 2 ਜੂਨ ਦੀ ਮਿਤੀ ਵਾਲੇ ਇਸ ਪੱਤਰ ਵਿੱਚ ਪੁਲਸ ਨੂੰ ਅਪੀਲ ਕੀਤੀ ਗਈ ਹੈ ਕਿ ਖਾਨ ਵਿਰੁੱਧ ਭਾਰਤੀ ਦੰਡਾਵਲੀ ਦੀਆਂ ਧਾਰਾਵਾਂ 196(1)(a), 299, 352, 353(1)(c) ਅਤੇ ਆਈਟੀ ਐਕਟ ਦੀਆਂ ਧਾਰਾਵਾਂ 66A ਅਤੇ 67 ਤਹਿਤ ਐੱਫਆਈਆਰ ਦਰਜ ਕੀਤੀ ਜਾਵੇ। ਇਸ ਸ਼ਿਕਾਇਤ ਦੇ ਆਧਾਰ 'ਤੇ ਬੰਗਾਲ ਪੁਲਸ ਨੇ ਵਜਾਹਤ ਵਿਰੁੱਧ ਭਾਰਤੀ ਦੰਡਾਵਲੀ (BNS) ਦੀਆਂ ਧਾਰਾਵਾਂ 196(1)(a), 299, 352 ਅਤੇ 353(1)(c) ਤਹਿਤ ਮਾਮਲਾ ਦਰਜ ਕੀਤਾ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8