ਹਸਪਤਾਲ ਲਿਜਾਣ ਲਈ ਨਹੀਂ ਮਿਲਿਆ ਵਾਹਨ, ਬੀਮਾਰ ਪਿਤਾ ਨੂੰ ਗੋਦੀ ਚੁੱਕ ਦੌੜਿਆ ਪੁੱਤਰ (ਵੀਡੀਓ)

ਤਿਰੂਵੰਨਤਪੁਰਮ-ਦੇਸ਼ 'ਚ ਖਤਰਨਾਕ ਕੋਰੋਨਾਵਾਇਰਸ ਦਾ ਕਹਿਰ ਜਾਰੀ ਹੈ। ਇਸ ਦੇ ਮੱਦੇਨਜ਼ਰ ਦੇਸ਼ ਭਰ 'ਚ ਲਾਕਡਾਊਨ ਲਾਇਆ ਗਿਆ ਹੈ, ਜਿਸ ਕਾਰਨ ਲੋਕਾਂ ਨੂੰ ਕਈ ਸਮੱਸਿਆਵਾਂ ਦਾ ਸਾਹਮਣਾ ਵੀ ਕਰਨਾ ਪੈ ਰਿਹਾ ਹੈ। ਦੇਸ਼ 'ਚ ਲਾਕਡਾਊਨ ਦੀਆਂ ਸਥਿਤੀਆਂ ਦੌਰਾਨ ਕੇਰਲ 'ਚ ਇਕ ਅਜਿਹੀ ਘਟਨਾ ਵਾਪਰੀ, ਜਿਸ ਨੇ ਦਿਲ ਨੂੰ ਝੰਜੋੜ ਕੇ ਰੱਖ ਦਿੱਤਾ। ਦਰਅਸਲ ਇੱਥੇ ਇਕ ਬੀਮਾਰ ਬਜ਼ੁਰਗ ਨੂੰ ਆਟੋ ਰਾਹੀਂ ਉਸ ਦਾ ਪੁੱਤਰ ਹਸਪਤਾਲ ਲਿਜਾ ਰਿਹਾ ਸੀ ਤਾਂ ਪੁਲਸ ਨੇ ਆਟੋ ਰੋਕ ਦਿੱਤਾ, ਜਿਸ ਕਾਰਨ ਬੀਮਾਰ ਬਜ਼ੁਰਗ ਨੂੰ ਉਸ ਦਾ ਪੁੱਤਰ ਗੋਦੀ ਚੁੱਕ ਸੜਕ 'ਤੇ ਦੌੜਦਾ ਹੋਇਆ ਹਸਪਤਾਲ ਪਹੁੰਚਿਆ। ਇਸ ਘਟਨਾ ਦਾ ਇਕ ਵੀਡੀਓ ਵੀ ਸੋਸ਼ਲ ਮੀਡੀਆ 'ਤੇ ਕਾਫੀ ਵਾਇਰਲ ਹੋ ਰਿਹਾ ਹੈ। 

#WATCH Kerala: A person carried his 65-year-old ailing father in Punalur & walked close to one-kilometre after the autorickshaw he brought to take his father back from the hospital was allegedly stopped by Police, due to #CoronavirusLockdown guidelines. (15.4) pic.twitter.com/I03claE1XO

— ANI (@ANI) April 16, 2020

ਦੱਸਣਯੋਗ ਹੈ ਕਿ ਇਹ ਪੂਰੀ ਘਟਨਾ ਕੇਰਲ ਦੇ ਪਨਲੂਰ ਸ਼ਹਿਰ ਦੀ ਦੱਸੀ ਜਾ ਰਹੀ ਹੈ। ਇੱਥੇ ਇਕ 65 ਸਾਲਾ ਬਜ਼ੁਰਗ ਦੀ ਹਾਲਤ ਕਾਫੀ ਖਰਾਬ ਹੋ ਗਈ ਸੀ, ਤਾਂ ਉਸ ਬੀਮਾਰ ਬਜ਼ੁਰਗ ਨੂੰ ਹਸਪਤਾਲ ਲਿਜਾਣ ਲਈ ਉਸ ਦੇ ਪੁੱਤਰ ਨੇ ਇਕ ਆਟੋ ਨੂੰ ਘਰ ਤੱਕ ਬੁਲਾ ਲਿਆ ਸੀ ਪਰ ਪੁਲਸ ਨੇ ਇਸ ਆਟੋ ਨੂੰ ਘਰ ਤੋਂ 1 ਕਿਲੋਮੀਟਰ ਦੀ ਦੂਰੀ 'ਤੇ ਇਕ ਚੈੱਕ ਪੋਸਟ 'ਤੇ ਹੀ ਰੋਕ ਦਿੱਤਾ। ਲਾਕਡਾਊਨ ਦੌਰਾਨ ਜਦੋਂ ਕੋਈ ਹੋਰ ਰਸਤਾ ਨਾ ਮਿਲਿਆ ਤਾਂ ਬੀਮਾਰ ਬਜ਼ੁਰਗ ਦੇ ਪੁੱਤਰ ਨੇ ਉਸ ਨੂੰ ਗੋਦ 'ਚ ਚੁੱਕ ਕੇ ਦੌੜ ਪਿਆ। ਇਸ ਤੋਂ ਬਾਅਦ ਪੁੱਤਰ ਆਪਣੇ ਪਿਤਾ ਨੂੰ ਲੈ ਕੇ ਹਸਪਤਾਲ ਪਹੁੰਚਿਆ।