ਮਲਿਕਾਰਜੁਨ ਖੜਗੇ ਹੋਣਗੇ ਮਹਾਰਾਸ਼ਟਰ ਮਾਮਲਿਆਂ ਦੇ ਇੰਚਾਰਜ

ਨਵੀਂ ਦਿੱਲੀ— ਕਾਂਗਰਸ ਪ੍ਰਧਾਨ ਰਾਹੁਲ ਗਾਂਧੀ ਨੇ ਲੋਕ ਸਭਾ  ਵਿਚ ਪਾਰਟੀ ਦੇ ਆਗੂ ਮਲਿਕਾਰਜੁਨ ਖੜਗੇ ਨੂੰ ਮਹਾਰਾਸ਼ਟਰ ਵਿਚ ਕਾਂਗਰਸ ਦੇ ਮਾਮਲਿਆਂ  ਲਈ ਇੰਚਾਰਜ ਜਨਰਲ ਸਕੱਤਰ ਨਿਯੁਕਤ ਕੀਤਾ ਹੈ | ਪਹਿਲਾਂ ਮੋਹਨ ਪ੍ਰਕਾਸ਼ ਇਹ ਜ਼ਿੰਮੇਵਾਰੀ ਨਿਭਾਅ ਰਹੇ ਸਨ | ਪਾਰਟੀ ਦੇ ਸੰਗਠਨ ਸਕੱਤਰ ਅਸ਼ੋਕ ਗਹਿਲੋਤ ਵਲੋਂ ਅੱਜ ਜਾਰੀ ਬਿਆਨ ਅਨੁਸਾਰ ਮੋਹਨ ਪ੍ਰਕਾਸ਼ ਦੀ ਥਾਂ 'ਤੇ ਖੜਗੇ ਦੀ ਤਤਕਾਲ ਪ੍ਰਭਾਵ ਤੋਂ ਨਿਯੁਕਤੀ ਕੀਤੀ ਗਈ ਹੈ | ਉਨ੍ਹਾਂ ਕਿਹਾ ਕਿ ਪਾਰਟੀ ਮੋਹਨ ਪ੍ਰਕਾਸ਼ ਦੇ ਯੋਗਦਾਨ ਦੀ ਸ਼ਲਾਘਾ ਕਰਦੀ ਹੈ | ਖੜਗੇ ਦਾ ਸਬੰਧ ਕਰਨਾਟਕ ਨਾਲ ਹੈ ਅਤੇ ਉਹ ਪਾਰਟੀ ਦੇ ਚੋਟੀ ਦੇ ਦਲਿਤ ਆਗੂਆਂ ਵਿਚ ਸ਼ਾਮਲ ਕੀਤੇ ਜਾਂਦੇ ਹਨ | ਰਾਹੁਲ ਗਾਂਧੀ ਨੇ ਮਹਾਰਾਸ਼ਟਰ ਲਈ ਤਿੰਨ ਸਕੱਤਰਾਂ ਸੋਨਲ ਪਟੇਲ, ਆਸ਼ਿਸ਼ ਦੁਆ ਅਤੇ ਸੰਪਤ ਕੁਮਾਰ ਦੀ ਨਿਯੁਕਤੀ ਕੀਤੀ ਹੈ |