20 ਮਿੰਟਾਂ 'ਚ ਚਾਰਜ, ਧਾਂਸੂ ਰੇਂਜ, Mahindra ਦੀ ਨਵੀਂ ਇਲੈਕਟ੍ਰਿਕ SUV ਮਚਾਏਗੀ ਤਹਿਲਕਾ

ਆਟੋ ਡੈਸਕ- ਮਹਿੰਦਰਾ ਇਸ ਮਹੀਨੇ ਆਪਣੇ ਇਲੈਕਟ੍ਰਿਕ ਵ੍ਹੀਕਲ ਪੋਰਟਫੋਲੀਓ ਨੂੰ ਵੱਡਾ ਅਪਡੇਟ ਦੇਣ ਦੀ ਤਿਆਰੀ ਕਰ ਰਹੀ ਹੈ। ਕੰਪਨੀ ਆਪਣੀਆਂ ਦੋ ਨਵੀਆਂ ਇਲੈਕਟ੍ਰਿਕ SUVs XEV 9e ਅਤੇ BE 6e ਨੂੰ 26 ਨਵੰਬਰ ਨੂੰ ਦੁਨੀਆ ਦੇ ਸਾਹਮਣੇ ਪੇਸ਼ ਕਰਨ ਜਾ ਰਹੀ ਹੈ। ਇਸ ਲਾਂਚ ਤੋਂ ਪਹਿਲਾਂ ਕੰਪਨੀ ਨੇ ਇਸ SUV ਨਾਲ ਜੁੜੀ ਕੁਝ ਜਾਣਕਾਰੀ ਸਾਂਝੀ ਕੀਤੀ ਹੈ। ਕੰਪਨੀ ਦਾ ਕਹਿਣਾ ਹੈ ਕਿ ਇਹ ਦੋਵੇਂ SUV ਮਹਿੰਦਰਾ ਦੇ ਇਲੈਕਟ੍ਰਿਕ ਮੂਲ ਆਰਕੀਟੈਕਚਰ INGLO 'ਤੇ ਆਧਾਰਿਤ ਹੋਣਗੀਆਂ।

ਬੈਟਰੀ ਪੈਕ ਅਤੇ ਚਾਰਜਿੰਗ

ਦੋਵੇਂ ਇਲੈਕਟ੍ਰਿਕ SUV ਮਹਿੰਦਰਾ ਦੇ INGLO ਪਲੇਟਫਾਰਮ 'ਤੇ ਆਧਾਰਿਤ ਹਨ, ਜੋ ਸਕੇਲੇਬਲ ਅਤੇ ਮਾਡਿਊਲਰ ਹਨ। ਦੋਵੇਂ ਮਾਡਲ 59kWh ਅਤੇ 79kWh ਬੈਟਰੀ ਪੈਕ ਦੇ ਨਾਲ ਆਉਣਗੇ ਜਿਸ ਵਿੱਚ LFP (ਲਿਥੀਅਮ ਆਇਰਨ ਫਾਸਫੇਟ) ਬੈਟਰੀ ਦਿੱਤੀ ਗਈ ਹੈ। ਇਸ ਤੋਂ ਇਲਾਵਾ, ਮਹਿੰਦਰਾ ਨੇ ਖੁਲਾਸਾ ਕੀਤਾ ਹੈ ਕਿ 175kW DC ਫਾਸਟ ਚਾਰਜਰ ਦੀ ਵਰਤੋਂ ਕਰਕੇ ਬੈਟਰੀ ਨੂੰ ਸਿਰਫ 20 ਮਿੰਟਾਂ ਵਿੱਚ 20 ਤੋਂ 80 ਫੀਸਦੀ ਤੱਕ ਚਾਰਜ ਕੀਤਾ ਜਾ ਸਕਦਾ ਹੈ।

ਇਹ ਵੀ ਪੜ੍ਹੋ- 5-ਸਟਾਰ ਸੇਫਟੀ ਅਤੇ 34KM ਦੀ ਮਾਈਲੇਜ! ਲਾਂਚ ਹੋਈ ਨਵੀਂ DZIRE, ਜਾਣੋ ਕੀਮਤ

ਪਾਵਰਟ੍ਰੇਨ ਅਤੇ ਰੇਂਜ

ਮਹਿੰਦਰਾ BE 6e ਅਤੇ XEV 9e ਦੋਵਾਂ 'ਚ 'ਕੰਪੈਕਟ ਥ੍ਰੀ-ਇਨ-ਵਨ ਪਾਵਰਟ੍ਰੇਨ' ਸਿਸਟਮ ਦਿੱਤਾ ਜਾ ਸਕਦਾ ਹੈ। ਜੋ ਕਿ ਮੋਟਰ, ਇਨਵਰਟਰ ਅਤੇ ਟਰਾਂਸਮਿਸ਼ਨ ਦਾ ਬਣਿਆ ਹੁੰਦਾ ਹੈ। ਐਪਲੀਕੇਸ਼ਨ ਦੇ ਆਧਾਰ 'ਤੇ ਮੋਟਰ ਦਾ ਆਉਟਪੁੱਟ 231hp ਅਤੇ 286hp ਦੇ ਵਿਚਕਾਰ ਹੋਵੇਗਾ। ਧਿਆਨ ਦਿਓ ਕਿ ਇਹ ਨੰਬਰ ਸਿਰਫ਼ ਰੀਅਰ ਐਕਸਲ-ਮਾਊਂਟਡ ਮੋਟਰ ਅਤੇ BE 6e ਲਈ ਹਨ, ਜੋ ਆਲ-ਵ੍ਹੀਲ ਡਰਾਈਵ AWD ਰੂਪ ਵਿੱਚ ਆਉਣ ਦੀ ਉਮੀਦ ਹੈ। ਫਰੰਟ ਐਕਸਲ 'ਤੇ ਮੋਟਰ ਦਿੱਤੇ ਜਾਣ ਕਾਰਨ ਇਸ ਨੂੰ ਜ਼ਿਆਦਾ ਪਾਵਰ ਆਉਟਪੁੱਟ ਮਿਲੇਗੀ। ਹਾਲਾਂਕਿ ਕੰਪਨੀ ਨੇ ਅਜੇ ਤੱਕ ਇਨ੍ਹਾਂ ਦੋਵਾਂ SUV ਦੀ ਡਰਾਈਵਿੰਗ ਰੇਂਜ ਆਦਿ ਬਾਰੇ ਕੋਈ ਜਾਣਕਾਰੀ ਸਾਂਝੀ ਨਹੀਂ ਕੀਤੀ ਹੈ।

ਲਾਈਟਵੇਟ ਫਲੈਟ-ਫਲੋਰ ਡਿਜ਼ਾਈਨ

ਕੰਪਨੀ ਦਾ ਕਹਿਣਾ ਹੈ ਕਿ INGLO ਉਦਯੋਗ ਵਿੱਚ ਸਭ ਤੋਂ ਹਲਕਾ ਫਲੈਟ-ਫਲੋਰ ਸਕੇਟਬੋਰਡ ਬਣਤਰ ਹੈ। ਜਿਸ ਨੂੰ ਹਾਈ ਡੈਨਸਿਟੀ ਬੈਟਰੀ ਤਕਨੀਕ ਨਾਲ ਜੋੜਿਆ ਗਿਆ ਹੈ। ਇਹ ਵਿਲੱਖਣ ਆਰਕੀਟੈਕਚਰ ਕੈਬਿਨ ਦੇ ਅੰਦਰ ਹਰ ਇੰਚ ਸਪੇਸ ਦੀ ਵਰਤੋਂ ਕਰਨ ਦੀ ਇਜਾਜ਼ਤ ਦਿੰਦਾ ਹੈ। ਡਰਾਈਵਿੰਗ ਅਨੁਭਵ ਨੂੰ ਵਧਾਉਣ ਤੋਂ ਇਲਾਵਾ, ਇਹ ਕਾਰ ਆਰਾਮ ਅਤੇ ਬੈਠਣ ਦੀ ਲਚਕਤਾ ਵਿੱਚ ਵੀ ਸੁਧਾਰ ਕਰਦੀ ਹੈ। ਮਾਡਿਊਲਰਿਟੀ ਅਤੇ ਸਕੇਲੇਬਿਲਟੀ ਨੂੰ ਧਿਆਨ ਵਿੱਚ ਰੱਖ ਕੇ ਤਿਆਰ ਕੀਤਾ ਗਿਆ, ਇਹ ਆਰਕੀਟੈਕਚਰ ਦੋਵਾਂ SUV ਵਿੱਚ ਮਿਲੇਗਾ।

ਬਿਹਤਰ ਸੇਫਟੀ

ਕਾਰ ਵਿੱਚ ਸੁਰੱਖਿਆ ਬਹੁਤ ਮਹੱਤਵਪੂਰਨ ਹੈ ਅਤੇ INGLO ਇਸਨੂੰ ਇੱਕ ਕਦਮ ਹੋਰ ਅੱਗੇ ਲੈ ਜਾਂਦਾ ਹੈ। ਅਲਟਰਾ-ਹਾਈ-ਸਟ੍ਰੈਂਥ ਵਾਲਾ ਬੋਰਾਨ ਸਟੀਲ ਅਤੇ ਮਜਬੂਤ ਫਰੰਟਲ ਢਾਂਚਾ ਕਾਰ ਨੂੰ ਵਧੀਆ ਸੁਰੱਖਿਆ ਪ੍ਰਦਾਨ ਕਰਦਾ ਹੈ। ਕੰਪਨੀ ਦਾ ਕਹਿਣਾ ਹੈ ਕਿ, ਇਸ ਆਰਕੀਟੈਕਚਰ ਵਿੱਚ ਬੈਟਰੀ ਨੂੰ ਗਰੈਵਿਟੀ ਦੇ ਹਿਸਾਬ ਨਾਲ ਲੋਅ-ਸੈਂਟਰ ਵਿੱਚ ਰੱਖਿਆ ਗਿਆ ਹੈ, ਜੋ ਸਥਿਰਤਾ ਅਤੇ ਹੈਂਡਲਿੰਗ ਦੋਵਾਂ ਵਿੱਚ ਸੁਧਾਰ ਕਰਦਾ ਹੈ। ਇਸ ਦੀ ਬਾਡੀ ਨੂੰ ਉੱਚ ਗਰਮੀ ਅਤੇ ਸਖ਼ਤ ਕਰੈਸ਼ ਟੈਸਟਾਂ ਦਾ ਸਾਹਮਣਾ ਕਰਨ ਲਈ ਤਿਆਰ ਕੀਤਾ ਗਿਆ ਹੈ।

ਇਹ ਵੀ ਪੜ੍ਹੋ- 7.89 ਲੱਖ ਰੁਪਏ 'ਚ ਲਾਂਚ ਹੋਈ ਇਹ ਧਾਂਸੂ ਕੰਪੈਕਟ SUV