28 ਦਿਨਾਂ ''ਚ ਵੇਚੀਆਂ 2.14 ਲੱਖ ਗੱਡੀਆਂ ! ਆਟੋਮੋਬਾਈਲ ਬਾਜ਼ਾਰ ''ਚ ਇਸ ਕੰਪਨੀ ਨੇ ਪਾਈ ਧੱਕ

ਗੈਜੇਟ ਡੈਸਕ : ਭਾਰਤੀ ਆਟੋਮੋਬਾਈਲ ਬਾਜ਼ਾਰ 'ਚ ਮਾਰੂਤੀ ਸੁਜ਼ੂਕੀ ਦੀ ਪਕੜ ਹੋਰ ਵੀ ਮਜ਼ਬੂਤ ਹੁੰਦੀ ਜਾ ਰਹੀ ਹੈ। ਫਰਵਰੀ 2026 ਦੇ ਵਿਕਰੀ ਅੰਕੜਿਆਂ ਨੇ ਸਾਬਤ ਕਰ ਦਿੱਤਾ ਹੈ ਕਿ ਲੋਕ ਮਾਰੂਤੀ ਦੀਆਂ ਕਾਰਾਂ ਖਰੀਦਣ ਲਈ ਅਜਿਹੇ ਟੁੱਟ ਕੇ ਪਏ ਕਿ ਕੰਪਨੀ ਨੇ ਮਹਿਜ਼ 28 ਦਿਨਾਂ ਵਿੱਚ ਕੁੱਲ 2,13,995 ਗੱਡੀਆਂ ਦੀ ਵਿਕਰੀ ਦਰਜ ਕੀਤੀ ਹੈ। ਇਹ ਅੰਕੜਾ ਪਿਛਲੇ ਸਾਲ ਫਰਵਰੀ ਵਿੱਚ ਵੇਚੀਆਂ ਗਈਆਂ 1,99,400 ਯੂਨਿਟਾਂ ਦੇ ਮੁਕਾਬਲੇ 7.3 ਫੀਸਦੀ ਜ਼ਿਆਦਾ ਹੈ।
 ਪ੍ਰਦਰਸ਼ਨ ਮਾਰੂਤੀ ਸੁਜ਼ੂਕੀ ਨੇ ਫਰਵਰੀ ਮਹੀਨੇ ਦੌਰਾਨ ਭਾਰਤੀ (ਘਰੇਲੂ) ਬਾਜ਼ਾਰ ਵਿੱਚ ਕੁੱਲ 1,64,130 ਕਾਰਾਂ ਵੇਚੀਆਂ ਹਨ। ਸਭ ਤੋਂ ਵੱਡੀ ਉਪਲਬਧੀ ਨਿਰਯਾਤ (Export) ਦੇ ਖੇਤਰ ਵਿੱਚ ਰਹੀ, ਜਿੱਥੇ ਕੰਪਨੀ ਨੇ 39,155 ਯੂਨਿਟਾਂ ਨੂੰ ਐਕਸਪੋਰਟ ਕੀਤਾ ਹੈ। ਇਹ ਪਿਛਲੇ ਸਾਲ ਦੇ ਮੁਕਾਬਲੇ 56.5 ਫੀਸਦੀ ਦਾ ਭਾਰੀ ਵਾਧਾ ਦਰਸਾਉਂਦਾ ਹੈ।

ਯੂਟੀਲਿਟੀ ਵ੍ਹੀਕਲਜ਼ ਬਣੇ ਖਿੱਚ ਦਾ ਕੇਂਦਰ 
ਗਾਹਕਾਂ ਦੀ ਪਹਿਲੀ ਪਸੰਦ ਯੂਟੀਲਿਟੀ ਵ੍ਹੀਕਲ ਸੈਗਮੈਂਟ ਰਿਹਾ, ਜਿਸ ਨੇ ਵਿਕਰੀ ਦੀ ਰਫ਼ਤਾਰ ਨੂੰ ਤੇਜ਼ ਕੀਤਾ ਹੈ। ਇਸ ਸੈਗਮੈਂਟ ਵਿੱਚ ਬ੍ਰੇਜ਼ਾ, ਅਰਟਿਗਾ, ਈ-ਵਿਟਾਰਾ, ਫਰੌਂਕਸ, ਗ੍ਰੈਂਡ ਵਿਟਾਰਾ, ਜਿਮਨੀ ਅਤੇ XL6 ਵਰਗੇ ਮਾਡਲ ਸ਼ਾਮਲ ਹਨ। ਫਰਵਰੀ 2026 ਵਿੱਚ ਇਸ ਸੈਗਮੈਂਟ ਦੀ ਵਿਕਰੀ 72,756 ਯੂਨਿਟ ਰਹੀ, ਜੋ ਕਿ ਪਿਛਲੇ ਸਾਲ ਨਾਲੋਂ 11.9 ਫੀਸਦੀ ਜ਼ਿਆਦਾ ਹੈ।

ਛੋਟੀਆਂ ਕਾਰਾਂ ਦੀ ਮੰਗ ਵਿੱਚ ਮਾਮੂਲੀ ਗਿਰਾਵਟ 
ਹਾਲਾਂਕਿ ਕੰਪਨੀ ਦੇ ਮਿੰਨੀ ਅਤੇ ਕੰਪੈਕਟ ਸੈਗਮੈਂਟ (ਜਿਵੇਂ ਆਲਟੋ, ਐਸ-ਪ੍ਰੈਸੋ, ਬਲੇਨੋ, ਸਵਿਫਟ) ਵਿੱਚ ਲਗਭਗ 7.9 ਫੀਸਦੀ ਦੀ ਗਿਰਾਵਟ ਦੇਖੀ ਗਈ ਹੈ। ਇਸ ਦੇ ਬਾਵਜੂਦ, ਕੰਪਨੀ ਨੇ ਇਸ ਸੈਗਮੈਂਟ ਵਿੱਚ 76,624 ਯੂਨਿਟਾਂ ਵੇਚ ਕੇ ਆਪਣਾ ਮਜ਼ਬੂਤ ਅਧਾਰ ਬਣਾਈ ਰੱਖਿਆ ਹੈ। ਵੈਨ ਸੈਗਮੈਂਟ ਵਿੱਚ ਈਕੋ (Eeco) ਦੀ ਲੋਕਪ੍ਰਿਯਤਾ ਬਰਕਰਾਰ ਰਹੀ ਅਤੇ ਇਸ ਦੀਆਂ 11,620 ਯੂਨਿਟਾਂ ਵਿਕੀਆਂ। ਜੇਕਰ ਪੂਰੇ ਵਿੱਤੀ ਸਾਲ (ਅਪ੍ਰੈਲ ਤੋਂ ਫਰਵਰੀ) ਦੀ ਗੱਲ ਕਰੀਏ, ਤਾਂ ਮਾਰੂਤੀ ਸੁਜ਼ੂਕੀ ਨੇ ਹੁਣ ਤੱਕ ਕੁੱਲ 21,97,462 ਗੱਡੀਆਂ ਦੀ ਵਿਕਰੀ ਕਰਕੇ ਆਪਣੀ ਬਾਦਸ਼ਾਹਤ ਕਾਇਮ ਰੱਖੀ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e