ਹਿਮਾਚਲ ਘੁੰਮਣ ਵਾਲਿਆਂ ਲਈ ਖ਼ਾਸ ਖ਼ਬਰ, ਬਿਨਾਂ ਰਜਿਸਟ੍ਰੇਸ਼ਨ ਮੰਦਰਾਂ ''ਚ ਨਹੀਂ ਜਾ ਸਕਣਗੇ ਸ਼ਰਧਾਲੂ

ਸ਼ਿਮਲਾ— ਕੋਰੋਨਾ ਆਫ਼ਤ ਦਰਮਿਆਨ ਹੌਲੀ-ਹੌਲੀ ਸਭ ਕੁਝ ਆਮ ਹੁੰਦਾ ਜਾ ਰਿਹਾ ਹੈ। ਮੈਟਰੋ ਟਰੇਨ ਦੇ ਸਫਰ ਦੇ ਨਾਲ-ਨਾਲ ਧਾਰਮਿਕ ਸਥਾਨ ਵੀ ਖੁੱਲ੍ਹ ਰਹੇ ਹਨ। ਪਹਾੜੀ ਇਲਾਕਿਆਂ 'ਚ ਮਾਂ ਦੇ ਦਰਸ਼ਨਾਂ ਲਈ ਜਾਣ ਸਕਣਗੇ ਪਰ ਕੁਝ ਸ਼ਰਤਾਂ ਨਾਲ। ਧਾਰਮਿਕ ਸੈਰ-ਸਪਾਟਾ ਲਈ ਸੂਚਨਾ ਅਤੇ ਉਦਯੋਗਿਕੀ ਮਹਿਕਮੇ ਨੇ ਪੋਰਟਲ 'ਚ ਵੱਖ ਤੋਂ ਮੰਦਰ ਰਜਿਸਟ੍ਰੇਸ਼ਨ ਦੀ ਵਿਵਸਥਾ ਸ਼ੁਰੂ ਕੀਤੀ ਹੈ। ਜੋ ਸੈਲਾਨੀ ਹਿਮਾਚਲ ਪ੍ਰਦੇਸ਼ ਤੋਂ ਬਾਹਰ ਸਿਰਫ ਹਿਮਾਚਲ ਦੇ ਮੰਦਰਾਂ 'ਚ ਦੇਵ ਦਰਸ਼ਨਾਂ ਲਈ ਆਉਣਾ ਚਾਹੁੰਦੇ ਹਨ, ਉਨ੍ਹਾਂ ਨੂੰ ਪਹਿਲਾਂ ਮੰਦਰ ਲਈ ਆਪਣਾ ਰਜਿਸਟ੍ਰੇਸ਼ਨ ਕਰਵਾਉਣਾ ਹੋਵੇਗਾ। 

ਜੇਕਰ ਕੋਈ ਸੈਲਾਨੀ ਹਿਮਾਚਲ ਘੁੰਮਣ ਆਉਂਦਾ ਹੈ ਤਾਂ ਉਹ ਮੰਦਰ ਜਾਣਾ ਚਾਹੁੰਦਾ ਹੈ ਤਾਂ ਉਸ ਨੂੰ ਆਗਿਆ ਨਹੀਂ ਹੋਵੇਗੀ। ਲੋਕਾਂ ਦੀ ਸਹੂਲਤ ਨੂੰ ਧਿਆਨ 'ਚ ਰੱਖਦੇ ਹੋਏ ਆਈ. ਟੀ. ਮਹਿਕਮੇ ਨੇ ਈ-ਰਜਿਸਟ੍ਰੇਸ਼ਨ ਸੇਵਾ ਵਿਚ ਮੰਦਰਾਂ ਲਈ ਵੱਖ ਤੋਂ ਰਜਿਸਟ੍ਰੇਸ਼ਨ ਦੀ ਵਿਵਸਥਾ ਕੀਤੀ ਹੈ। 

ਦੱਸ ਦੇਈਏ ਕਿ ਹਿਮਾਚਲ ਪ੍ਰਦੇਸ਼ ਵਿਚ ਮੰਦਰਾਂ ਦੇ ਕਿਵਾੜ ਸ਼ਰਧਾਲੂਆਂ ਲਈ ਖੁੱਲ੍ਹਦੇ ਹੀ ਆਮਦ ਵੀ ਵੱਧਣ ਲੱਗੀ ਹੈ। ਤਿੰਨ ਦਿਨਾਂ ਵਿਚ 371 ਸੈਲਾਨੀ ਸ਼ਰਧਾਲੂਆਂ ਨੇ ਮੰਦਰ 'ਚ ਪੂਜਾ ਕੀਤੀ ਅਤੇ ਦਰਸ਼ਨ ਕੀਤੇ। ਦੱਸ ਦੇਈਏ ਕਿ ਪ੍ਰਦੇਸ਼ ਵਿਚ 10 ਸਤੰਬਰ ਨੂੰ ਮੰਦਰ ਖੋਲ੍ਹ ਦਿੱਤੇ ਗਏ ਸਨ। ਮੰਦਰ ਖੁੱਲ੍ਹਣ ਉਪਰੰਤ ਬਿਲਾਸਪੁਰ 'ਚ 77, ਊਨਾ 'ਚ 67, ਕਾਂਗੜਾ 'ਚ 55, ਕੁੱਲੂ 'ਚ 50, ਸਿਰਮੌਰ 'ਚ 30, ਸ਼ਿਮਲਾ 'ਚ 29, ਸੋਲਨ 'ਚ 28, ਹਮੀਰਪੁਰ 'ਚ 22, ਮੰਡੀ 'ਚ 7, ਚੰਬਾ 'ਚ 6 ਸੈਲਾਨੀ ਆਏ। 

ਇਹ ਵੀ ਪੜ੍ਹੋ: ਮਾਤਾ ਚਿੰਤਰਪੁਰਨੀ ਜੀ ਦੇ ਦਰਸ਼ਨਾਂ ਨੂੰ ਜਾਣ ਵਾਲੇ ਭਗਤਾਂ ਲਈ ਖ਼ੁਸ਼ਖ਼ਬਰੀ, ਇਸ ਦਿਨ ਖੁੱਲ੍ਹੇਗਾ ਦਰਬਾਰ