ਸਿਹਤ ਮੰਤਰਾਲਾ ਨੇ 13 ਲੱਖ ਰੁਪਏ ਦੇ ਈ-ਕਚਰੇ ਦੀ ਕੀਤੀ ਨੀਲਾਮੀ
Sunday, Oct 31, 2021 - 05:49 PM (IST)
ਨਵੀਂ ਦਿੱਲੀ (ਭਾਸ਼ਾ)— ਕੇਂਦਰੀ ਸਿਹਤ ਮੰਤਰਾਲਾ ਨੇ ਐਤਵਾਰ ਨੂੰ ਦੱਸਿਆ ਕਿ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਸਵੱਛ ਭਾਰਤ ਦੇ ਨਾਅਰੇ ਤੋਂ ਬਾਅਦ 13 ਲੱਖ ਰੁਪਏ ਦੇ ਈ-ਕਚਰੇ ਦੀ ਨੀਲਾਮੀ ਕੀਤੀ ਹੈ। ਇਕ ਅਧਿਕਾਰੀ ਨੇ ਇਸ ਦੀ ਜਾਣਕਾਰੀ ਦਿੱਤੀ। ਅਧਿਕਾਰੀ ਨੇ ਦੱਸਿਆ ਕਿ ਜਿਸ ਈ-ਕਚਰੇ ਦੀ ਨੀਲਾਮੀ ਕੀਤੀ ਗਈ ਹੈ, ਉਸ ’ਚ ਕੰਪਿਊਟਰ, ਪਿ੍ਰੰਟਰ, ਫੋਟੋ ਕਾਪੀ ਮਸ਼ੀਨ ਅਤੇ ਇਸ ਦੇ ਕਲ ਪੁਰਜੇ ਸ਼ਾਮਲ ਹਨ। ਉਨ੍ਹਾਂ ਦੱਸਿਆ ਕਿ ਇਹ ਨੀਲਾਮੀ ਕੇਂਦਰੀ ਖਰੀਦ ਪੋਰਟਲ ਦੇ ਜ਼ਰੀਏ ਕੀਤੀ ਗਈ ਹੈ।
ਮੰਤਰਾਲਾ ਨੇ ਟਵੀਟ ਕਰ ਕੇ ਦੱਸਿਆ ਕਿ ਪ੍ਰਧਾਨ ਮੰਤਰੀ ਦੇ ਸਵੱਛ ਭਾਰਤ ਦੇ ਨਾਅਰੇ ਤੋਂ ਬਾਅਦ ਸਿਹਤ ਮੰਤਰਾਲਾ ਨੇ 13 ਲੱਖ ਰੁਪਏ ਦੇ ਈ-ਕਚਰੇ ਦੀ ਨੀਲਾਮੀ ਕੀਤੀ ਹੈ। ਆਓ, ਅਸੀਂ ਸਵੱਛ ਭਾਰਤ ਮੁਹਿੰਮ ਨੂੰ ਆਪਣੇ ਪੱਖ ਤੋਂ ਇਕ ਹਕੀਕਤ ਬਣਾਈਏ।
