ਫਰੂਖਾਬਾਦ ਸਟੇਸ਼ਨ ''ਤੇ ਟਾਈਮ ਬੰਬ ਮਿਲਣ ਨਾਲ ਮਚਿਆ ਹੜਕੰਪ

 ਫਰੂਖਾਬਾਦ- ਉੱਤਰ ਪ੍ਰਦੇਸ਼ ਦੇ ਫਰੂਖਾਬਾਦ ਸਟੇਸ਼ਨ ''ਤੇ ਸ਼ਨੀਵਾਰ ਦੀ ਸਵੇਰ ਨੂੰ ਦੋ ਟਾਈਮ ਬੰਬ ਮਿਲਣ ਕਾਰਨ ਹੜਕੰਪ ਮਚ ਗਿਆ। ਸਰਕਾਰੀ ਰੇਲਵੇ ਪੁਲਸ ਮੁਤਾਬਕ ਸਵੇਰੇ ਤਕਰੀਬਨ 6 ਵਜੇ ਫਰੂਖਾਬਾਦ ਸਟੇਸ਼ਨ ਦੇ ਇਕ ਨੰਬਰ ਪਲੇਟਫਾਰਮ ''ਤੇ ਪਾਰਸਲਘਰ ਦੇ ਪਿੱਛੇ ਦੋ ਬੰਬ ਪਏ ਹੋਣ ਦੀ ਸੂਚਨਾ ਮਿਲੀ।
ਉਨ੍ਹਾਂ ਨੇ ਦੱਸਿਆ ਕਿ ਬੰਬ ਵਿਚ ਬੈਟਰੀ ਅਤੇ ਘੜੀ ਲੱਗੀ ਹੋਈ ਹੈ ਅਤੇ ਚਾਲੂ ਹਾਲਤ ਵਿਚ ਹੈ। ਮੌਕੇ ''ਤੇ ਸਥਾਨਕ ਪੁਲਸ ਪਹੁੰਚ ਗਈ। ਰੇਲਵੇ ਸਟੇਸ਼ਨ ਨੂੰ ਖਾਲੀ ਕਰਵਾ ਦਿੱੱਤਾ ਗਿਆ ਹੈ। ਉਨ੍ਹਾਂ ਨੇ ਦੱਸਿਆ ਕਿ ਕਾਨਪੁਰ ਅਤੇ ਫਤਿਹਗੜ੍ਹ ਤੋਂ ਫੌਜ ਦਾ ਬੰਬ ਰੋਕੂ ਦਸਤਾ ਸਟੇਸ਼ਨ ''ਤੇ ਪਹੁੰਚ ਗਏ। ਜ਼ਿਲਾ ਪ੍ਰਸ਼ਾਸਨ ਦੇ ਅਧਿਕਾਰੀ ਉੱਥੇ ਪਹੁੰਚ ਗਏ ਹਨ।