ਚੋਣ ਪ੍ਰਚਾਰ ਸਿਖਰ ’ਤੇ ਹੋਣ ਦੇ ਬਾਵਜੂਦ ਡੀਜ਼ਲ ਦੀ ਵਿਕਰੀ ਘਟੀ, ਪੈਟਰੋਲ ਦੀ ਖਪਤ ਲਗਭਗ ਸਥਿਰ

ਨਵੀਂ ਦਿੱਲੀ (ਪੀ. ਟੀ.) - ਭਾਰਤ ਵਿੱਚ ਆਮ ਚੋਣਾਂ ਦਾ ਪ੍ਰਚਾਰ ਆਪਣੇ ਸਿਖਰ ’ਤੇ ਹੋਣ ਦੇ ਬਾਵਜੂਦ ਮਈ ਦੇ ਪਹਿਲੇ ਪੰਦਰਵਾੜੇ ਵਿੱਚ ਡੀਜ਼ਲ ਦੀ ਵਿਕਰੀ ਵਿੱਚ ਗਿਰਾਵਟ ਦਰਜ ਕੀਤੀ ਗਈ, ਜਦੋਂ ਕਿ ਪੈਟਰੋਲ ਦੀ ਖਪਤ ਲਗਭਗ ਸਥਿਰ ਰਹੀ। ਇਸ ਗੱਲ ਦਾ ਜ਼ਿਕਰ ਜਨਤਕ ਖੇਤਰ ਦੀਆਂ ਕੰਪਨੀਆਂ ਵੱਲੋਂ ਜਾਰੀ ਕੀਤੇ ਗਏ ਸ਼ੁਰੂਆਤੀ ਅੰਕੜਿਆਂ ਵਿੱਚ ਕੀਤਾ ਗਿਆ ਹੈ। ਆਮ ਚੋਣ ਪ੍ਰਚਾਰ ਵਿੱਚ ਰਵਾਇਤੀ ਤੌਰ 'ਤੇ ਈਂਧਨ ਦੀ ਮੰਗ ਵਿੱਚ ਵਾਧਾ ਦੇਖਿਆ ਗਿਆ ਹੈ, ਕਿਉਂਕਿ ਉਮੀਦਵਾਰ ਵੋਟਰਾਂ ਤੱਕ ਪਹੁੰਚਣ ਲਈ ਵੱਡੇ ਪੱਧਰ 'ਤੇ ਮੋਟਰ ਵਾਹਨਾਂ ਦੀ ਵਰਤੋਂ ਕਰਦੇ ਹਨ। 

ਇਹ ਵੀ ਪੜ੍ਹੋ - ਮੋਬਾਈਲ ਯੂਜ਼ਰਸ ਨੂੰ ਲੱਗੇਗਾ ਝਟਕਾ! ਜੂਨ ਦੇ ਮਹੀਨੇ ਮਹਿੰਗਾ ਹੋ ਸਕਦਾ ਹੈ 'ਰੀਚਾਰਜ'

ਹਾਲਾਂਕਿ ਜਨਤਕ ਖੇਤਰ ਦੀਆਂ ਕੰਪਨੀਆਂ ਦੇ ਵਿਕਰੀ ਅੰਕੜੇ ਹੋਰ ਸੁਝਾਅ ਦਿੰਦੇ ਹਨ। ਮਾਰਚ ਦੇ ਅੱਧ ਵਿਚ ਪੈਟਰੋਲ ਅਤੇ ਡੀਜ਼ਲ ਦੀਆਂ ਕੀਮਤਾਂ ਵਿਚ 2-2 ਰੁਪਏ ਪ੍ਰਤੀ ਲੀਟਰ ਦੀ ਕਟੌਤੀ ਕੀਤੀ ਗਈ ਸੀ। 2 ਸਾਲਾਂ 'ਚ ਇਹ ਪਹਿਲੀ ਵਾਰ ਸੀ ਜਦੋਂ ਕੀਮਤਾਂ 'ਚ ਬਦਲਾਅ ਹੋਇਆ ਹੈ। ਜੇਕਰ ਮਾਸਿਕ ਆਧਾਰ 'ਤੇ ਦੇਖਿਆ ਜਾਵੇ ਤਾਂ 1 ਤੋਂ 15 ਅਪ੍ਰੈਲ ਤੱਕ 12.3 ਲੱਖ ਟਨ ਦੀ ਖਪਤ ਤੋਂ ਵਿਕਰੀ 11 ਫ਼ੀਸਦੀ ਜ਼ਿਆਦਾ ਸੀ। ਅੰਕੜਿਆਂ ਮੁਤਾਬਕ, ਈਂਧਨ ਬਾਜ਼ਾਰ 'ਤੇ 90 ਫ਼ੀਸਦੀ ਕੰਟਰੋਲ ਕਰਨ ਵਾਲੀਆਂ ਤਿੰਨ ਜਨਤਕ ਖੇਤਰ ਦੀਆਂ ਕੰਪਨੀਆਂ ਦੀ ਪੈਟਰੋਲ ਦੀ ਵਿਕਰੀ ਮਈ ਦੇ ਪਹਿਲੇ ਪੰਦਰਵਾੜੇ 'ਚ 13.67 ਲੱਖ ਟਨ ਰਹੀ।

ਇਹ ਵੀ ਪੜ੍ਹੋ - ਹੈਰਾਨੀਜਨਕ : 5 ਸਾਲਾਂ 'ਚ ਦੁੱਗਣਾ ਮਹਿੰਗਾ ਹੋਇਆ ਸੋਨਾ, ਦਿੱਤਾ ਬੰਪਰ ਰਿਟਰਨ

ਇਹ ਪਿਛਲੇ ਸਾਲ ਦੀ ਇਸੇ ਮਿਆਦ 'ਚ 13.6 ਲੱਖ ਟਨ ਦੀ ਖਪਤ ਦੇ ਲਗਭਗ ਬਰਾਬਰ ਸੀ। ਹਾਲਾਂਕਿ ਮਹੀਨਾਵਾਰ ਆਧਾਰ 'ਤੇ ਖਪਤ 11 ਫ਼ੀਸਦੀ ਵਧੀ ਹੈ। ਮਈ ਦੇ ਪਹਿਲੇ ਪੰਦਰਵਾੜੇ 'ਚ ਡੀਜ਼ਲ ਦੀ ਵਿਕਰੀ 'ਚ 1.1 ਫ਼ੀਸਦੀ ਦੀ ਗਿਰਾਵਟ ਆਈ ਹੈ। ਦੇਸ਼ ਵਿੱਚ ਸਭ ਤੋਂ ਵੱਧ ਖਪਤ ਕੀਤੇ ਜਾਣ ਵਾਲੇ ਈਂਧਨ ਡੀਜ਼ਲ ਦੀ ਵਿਕਰੀ 1 ਤੋਂ 15 ਮਈ ਦੇ ਦੌਰਾਨ 1.1 ਫ਼ੀਸਦੀ ਘਟ ਕੇ 32.8 ਲੱਖ ਟਨ ਰਹਿ ਗਈ। ਅਪ੍ਰੈਲ 'ਚ ਇਸ ਦੀ ਖਪਤ 'ਚ 2.3 ਫ਼ੀਸਦੀ ਅਤੇ ਮਾਰਚ 'ਚ 2.7 ਫ਼ੀਸਦੀ ਦੀ ਗਿਰਾਵਟ ਦਰਜ ਕੀਤੀ ਗਈ ਸੀ। ਚੋਣ ਪ੍ਰਚਾਰ ਤੋਂ ਇਲਾਵਾ ਵਾਢੀ ਦੇ ਮੌਸਮ ਅਤੇ ਗਰਮੀ ਦੇ ਮੌਸਮ ਦੀ ਆਮਦ ਦੇ ਨਾਲ ਕਾਰ ਵਿੱਚ ਏਅਰ ਕੰਡੀਸ਼ਨ ਦੀ ਜ਼ਿਆਦਾ ਵਰਤੋਂ ਕੀਤੀ ਜਾਂਦੀ ਹੈ, ਜਿਸ ਨਾਲ ਬਾਲਣ ਦੀ ਖਪਤ ਵੱਧ ਜਾਂਦੀ ਹੈ।

ਇਹ ਵੀ ਪੜ੍ਹੋ - ਦਿੱਲੀ-ਲਖਨਊ ਹਾਈਵੇ 'ਤੇ ਵਾਪਰਿਆ ਰੂਹ ਕੰਬਾਊ ਹਾਦਸਾ, 6 ਲੋਕਾਂ ਦੀ ਮੌਤ, ਖੂਨ ਨਾਲ ਲਾਲ ਹੋਈ ਸੜਕ

ਹਵਾਬਾਜ਼ੀ ਬਾਲਣ (ਏ.ਟੀ.ਐੱਫ.) ਦੀ ਮੰਗ 4.1 ਫ਼ੀਸਦੀ ਵਧੀ ਹੈ 1 ਮਈ ਤੋਂ 15, 2024 ਦੇ ਦੌਰਾਨ ਹਵਾਬਾਜ਼ੀ ਈਂਧਨ ਦੀ ਮੰਗ ਸਾਲ-ਦਰ-ਸਾਲ 4.1 ਫ਼ੀਸਦੀ ਵਧ ਕੇ 3,14,200 ਟਨ ਹੋ ਗਈ। ਹਾਲਾਂਕਿ 1 ਤੋਂ 15 ਅਪ੍ਰੈਲ ਤੱਕ 3,45,800 ਟਨ ਦੇ ਮੁਕਾਬਲੇ ਇਹ ਮਹੀਨਾਵਾਰ ਆਧਾਰ 'ਤੇ 9.1 ਫ਼ੀਸਦੀ ਘੱਟ ਹੈ। ਅੰਕੜਿਆਂ ਮੁਤਾਬਕ ਐੱਲ.ਪੀ.ਜੀ 1 ਤੋਂ 15 ਮਈ ਦਰਮਿਆਨ ਵਿਕਰੀ ਸਾਲਾਨਾ ਆਧਾਰ 'ਤੇ 1.1 ਫ਼ੀਸਦੀ ਘਟ ਕੇ 12.1 ਲੱਖ ਟਨ ਰਹਿ ਗਈ। ਜਦੋਂ ਕਿ 1 ਤੋਂ 15 ਅਪ੍ਰੈਲ ਤੱਕ ਐਲ.ਪੀ.ਜੀ. ਇਹ 12.17 ਲੱਖ ਟਨ ਦੀ ਖਪਤ ਦੇ ਮੁਕਾਬਲੇ 0.6 ਫ਼ੀਸਦੀ ਘੱਟ ਹੈ।

ਇਹ ਵੀ ਪੜ੍ਹੋ - Emirates Airline ਦੇ ਮੁਲਾਜ਼ਮਾਂ ਲਈ ਵੱਡੀ ਖ਼ੁਸ਼ਖ਼ਬਰੀ, ਬੋਨਸ ’ਚ ਮਿਲੇਗੀ 5 ਮਹੀਨੇ ਦੀ ਤਨਖ਼ਾਹ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8