ਰਾਜਸਥਾਨ 'ਚ ਭਾਜਪਾ ਨੂੰ 14 ਸੀਟਾਂ ਅਤੇ ਹਰਿਆਣਾ 'ਚ 5-5 ਸੀਟਾਂ 'ਤੇ ਫਸਵਾਂ ਮੁਕਾਬਲਾ

ਜੈਪੁਰ (ਵਾਰਤਾ)- ਰਾਜਸਥਾਨ 'ਚ 25 ਲੋਕ ਸਭਾ ਸੀਟਾਂ ਦੀਆਂ ਚੋਣਾਂ ਦੀ ਵੋਟਾਂ ਦੀ ਗਿਣਤੀ 'ਚ ਅਤੇ ਹਰਿਆਣਾ 'ਚ 10 ਲੋਕ ਸਭਾ ਸੀਟਾਂ ਦੀਆਂ ਚੋਣਾਂ ਦੀ ਗਿਣਤੀ ਹੋ ਰਹੀ ਹੈ। ਰਾਜਸਥਾਨ 'ਚ ਕਰੀਬ 11 ਵਜੇ ਤੱਕ ਸੱਤਾਧਾਰੀ ਭਾਜਪਾ ਪਾਰਟੀ (ਭਾਜਪਾ) 14 ਅਤੇ ਕਾਂਗਰਸ 8 ਸੀਟਾਂ 'ਤੇ ਆਪਣੀ ਬੜ੍ਹਤ ਬਣਾਏ ਹੋਏ ਹੈ। ਉੱਥੇ ਹੀ ਹਰਿਆਣਾ 'ਚ ਭਾਜਪਾ ਅਤੇ ਕਾਂਗਰਸ  ਵਿਚਾਲੇ ਮੁਕਾਬਲਾ ਫਸਵਾਂ ਨਜ਼ਰ ਆ ਰਿਹਾ ਹੈ। ਦੋਵੇਂ ਪਾਰਟੀਆਂ 5-5 ਸੀਟਾਂ 'ਤੇ ਅੱਗੇ ਚੱਲ ਰਹੀਆਂ ਹਨ। ਵੋਟਾਂ ਦੀ ਗਿਣਤੀ 'ਚ ਵੱਖ-ਵੱਖ ਰਾਊਂਡਾਂ ਤੋਂ ਮਿਲੇ ਰੁਝਾਨਾਂ ਅਨੁਸਾਰ ਇਨ੍ਹਾਂ ਤੋਂ ਇਲਾਵਾ ਮਾਰਕਸਵਾਦੀ ਕਮਿਊਨਿਸਟ ਪਾਰਟੀ (ਮਾਕਪਾ), ਰਾਸ਼ਟਰੀ ਲੋਕਤੰਤਰੀ ਪਾਰਟੀ (ਰਾਲੋਪਾ) ਅਤੇ ਭਾਰਤੀ ਆਦਿਵਾਸੀ ਪਾਰਟੀ (ਬੀਏਪੀ) ਦਾ ਇਕ-ਇਕ ਉਮੀਦਵਾਰ ਸ਼ੁਰੂਆਤੀ ਰੁਝਾਨਾਂ 'ਚ ਅੱਗੇ ਚੱਲ ਰਿਹਾ ਹੈ। ਲੋਕ ਸਭਾ ਸਪੀਕਰ ਅਤੇ ਕੋਟਾ ਤੋਂ ਭਾਜਪਾ ਉਮੀਦਵਾਰ ਓਮ ਬਿਰਲਾ 371030 ਵੋਟਾਂ ਨਾਲ ਅੱਗੇ ਚੱਲ ਰਹੇ ਹਨ। ਇਸੇ ਤਰ੍ਹਾਂ ਕੇਂਦਰੀ ਮੰਤਰੀ ਅਤੇ ਜੋਧਪੁਰ ਤੋਂ ਭਾਜਪਾ ਉਮੀਦਵਾਰ ਗਜੇਂਦਰ ਸਿੰਘ ਸ਼ੇਖਾਵਤ 311410 ਵੋਟਾਂ ਨਾਲ, ਚਿਤੌੜਗੜ੍ਹ ਤੋਂ ਭਾਜਪਾ ਉਮੀਦਵਾਰ ਸੀ.ਪੀ. ਜੋਸ਼ੀ 455335 ਵੋਟਾਂ ਨਾਲ, ਕੇਂਦਰੀ ਮੰਤਰੀ ਅਤੇ ਅਲਵਰ ਤੋਂ ਭਾਜਪਾ ਉਮੀਦਵਾਰ ਭੂਪਿੰਦਰ ਯਾਦਵ 386659 ਵੋਟਾਂ ਨਾਲ ਅੱਗੇ ਚੱਲ ਰਹੇ ਹਨ।
ਉੱਥੇ ਹੀ ਜੈਪੁਰ ਤੋਂ ਮੰਜੂ ਸ਼ਰਮਾ 886850 ਵੋਟਾਂ ਨਾਲ ਜਿੱਤ ਹਾਸਲ ਕਰ ਲਈ ਹੈ। ਅਜਮੇਰ ਤੋਂ ਭਾਗੀਰਥ ਚੌਧਰੀ 747462  ਵੋਟਾਂ ਨਾਲ ਜਿੱਤ ਹਾਸਲ ਕਰ ਲਈ ਹੈ। ਬੀਕਾਨੇਰ ਤੋਂ ਅਰਜੁਨਰਾਮ ਮੇਘਵਾਲ 465738 ਵੋਟਾਂ ਨਾਲ ਅੱਗੇ ਹਨ। ਭੀਲਵਾੜ ਤੋਂ ਦਾਮੋਦਰ ਅਗਰਵਾਲ 8,07,640 ਵੋਟਾਂ ਨਾਲ ਨਾਲ ਜਿੱਤ ਗਏ ਹਨ। ਉੱਥੇ ਹੀ ਜਾਲੌਰ ਤੋਂ ਲੁੰਬਾਰਾਮ ਚੌਧਰੀ 796783 ਵੋਟਾਂ ਨਾਲ ਜਿੱਤ ਗਏ ਹਨ। ਝਾਲਾਵਾੜ ਤੋਂ ਦੁਸ਼ਯੰਤ ਸਿੰਘ 623205 ਵੋਟਾਂ, ਝੁੰਝੁਨੂੰ ਤੋਂ ਸ਼ੁਭਕਰਨ ਚੌਧਰੀ 428765 ਵੋਟਾਂ ਨਾਲ, ਪਾਲੀ ਤੋਂ ਪੀ.ਪੀ. ਚੌਧਰੀ 489598 ਵੋਟਾਂ ਨਾਲ, ਰਾਜਸਮੰਦ ਤੋਂ ਮਹਿਮਾ ਕੁਮਾਰੀ 654460 ਵੋਟਾਂ ਨਾਲ, ਉਦੇਪੁਰ ਤੋਂ ਮੁੰਨਾ ਲਾਲ ਰਾਵਤ 522197 ਵੋਟਾਂ ਨਾਲ ਅੱਗੇ ਚੱਲ ਰਹੇ ਹਨ।

ਹਰਿਆਣਾ 'ਚ ਫਸਵਾਂ ਮੁਕਾਬਲਾ

ਹਰਿਆਣਾ ਦੀਆਂ 10 ਲੋਕ ਸਭਾ ਸੀਟਾਂ ਲਈ ਅੱਜ ਨਤੀਜੇ ਐਲਾਨੇ ਜਾ ਰਹੇ ਹਨ। ਜਿੱਥੇ ਭਾਜਪਾ ਨੇ 10 ਸੀਟਾਂ 'ਤੇ ਚੋਣ ਲੜੀ ਹੈ। ਜਦੋਂ ਕਿ ਭਾਰਤੀ ਗਠਜੋੜ ਵਿੱਚ ਕਾਂਗਰਸ ਨੇ 9 ਸੀਟਾਂ ਅਤੇ ਆਮ ਆਦਮੀ ਪਾਰਟੀ ਨੇ ਕੁਰੂਕਸ਼ੇਤਰ ਤੋਂ ਇੱਕ ਸੀਟ 'ਤੇ ਚੋਣ ਲੜੀ ਹੈ। ਅਜਿਹੇ 'ਚ ਹਰਿਆਣਾ 'ਚ ਕਿਸ ਦਾ ਤਾਜ ਹੋਵੇਗਾ ਅਤੇ ਕਿਸ ਨੂੰ ਕਰਾਰੀ ਹਾਰ ਮਿਲੇਗੀ? ਇਹ ਦੇਖਣਾ ਕਾਫ਼ੀ ਦਿਲਚਸਪ ਹੋਵੇਗਾ। ਸਾਬਕਾ ਮੁੱਖ ਮੰਤਰੀ ਮਨੋਹਰ ਲਾਲ ਖੱਟੜ ਦੇ ਕਰਨਾਲ ਸੀਟ ਤੋਂ ਉਤਰਨ ਕਾਰਨ ਇਹ ਹੌਟ ਸੀਟ ਬਣ ਗਈ ਹੈ। ਕਰਨਾਲ ਲੋਕ ਸਭਾ ਸੀਟ 'ਤੇ ਮਨੋਹਰ ਲਾਲ 396989 ਵੋਟਾਂ ਨਾਲ ਅੱਗੇ ਚੱਲ ਰਹੇ ਹਨ, ਜਦਕਿ ਕਾਂਗਰਸ ਉਮੀਦਵਾਰ ਦਿਵਯਾਂਸ਼ੂ ਬੁੱਧੀਰਾਜਾ ਨੇ 260691 ਵੋਟਾਂ ਨਾਲ ਲੀਡ ਬਣਾਈ ਹੋਈ ਹੈ।  ਇਸ ਸੀਟ ਦਾ ਨਤੀਜਾ ਵਿਧਾਨ ਸਭਾ ਚੋਣਾਂ ਨੂੰ ਵੀ ਪ੍ਰਭਾਵਿਤ ਕਰੇਗਾ।

ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ

👇Join us on Whatsapp channel👇       

https://whatsapp.com/channel/0029Va94hsaHAdNVur4L170e