ਦੋਸਤ ਦੇ ਵਿਆਹ ''ਚ ਸ਼ਾਮਲ ਹੋਣ ਗਏ ਐਮਾਜ਼ਾਨ ਕਰਮਚਾਰੀ ਨੂੰ ਆ ਗਿਆ ਹਾਰਟ ਅਟੈਕ, ਸਟੇਜ ''ਤੇ ਨਿਕਲੀ ਜਾਨ

ਨੈਸ਼ਨਲ ਡੈਸਕ - ਆਂਧਰਾ ਪ੍ਰਦੇਸ਼ ਦੇ ਕੁਰਨੂਲ ਜ਼ਿਲ੍ਹੇ 'ਚ ਇਕ ਵਿਆਹ ਸਮਾਰੋਹ 'ਚ ਲਾੜਾ-ਲਾੜੀ ਨੂੰ ਤੋਹਫਾ ਦਿੰਦੇ ਸਮੇਂ ਅਚਾਨਕ ਹਾਰਟ ਅਟੈਕ ਨਾਲ ਇਕ ਵਿਅਕਤੀ ਦੀ ਮੌਤ ਹੋ ਗਈ। ਇਹ ਵਿਅਕਤੀ ਬੈਂਗਲੁਰੂ ਵਿੱਚ ਐਮਾਜ਼ਾਨ ਲਈ ਕੰਮ ਕਰਦਾ ਸੀ। ਇਸ ਘਟਨਾ ਦਾ ਵੀਡੀਓ ਵੀ ਸਾਹਮਣੇ ਆਇਆ ਹੈ।

ਜਾਣਕਾਰੀ ਮੁਤਾਬਕ ਹਾਰਟ ਅਟੈਕ ਨਾਲ ਮਰਨ ਵਾਲੇ ਵਿਅਕਤੀ ਦੀ ਪਛਾਣ ਵਾਮਸੀ ਵਜੋਂ ਹੋਈ ਹੈ। ਵਾਮਸੀ ਬੈਂਗਲੁਰੂ ਵਿੱਚ ਈ-ਕਾਮਰਸ ਕੰਪਨੀ ਐਮਾਜ਼ਾਨ ਵਿੱਚ ਕੰਮ ਕਰਦਾ ਸੀ। ਆਪਣੇ ਦੋਸਤ ਦੇ ਵਿਆਹ 'ਚ ਸ਼ਾਮਲ ਹੋਣ ਲਈ ਕੁਰਨੂਲ ਜ਼ਿਲ੍ਹੇ ਦੇ ਪੇਨੁਮਾਦਾ ਪਿੰਡ ਆਇਆ ਸੀ।

ਵਿਆਹ ਸਮਾਗਮ ਦੌਰਾਨ ਉਹ ਆਪਣੇ ਹੋਰ ਦੋਸਤਾਂ ਨਾਲ ਸਟੇਜ 'ਤੇ ਗਿਆ। ਜਿਵੇਂ ਹੀ ਉਸ ਨੇ ਲਾੜੇ ਨੂੰ ਤੋਹਫਾ ਦਿੱਤਾ ਤਾਂ ਉਹ ਥੋੜ੍ਹਾ ਬੇਹੋਸ਼ ਹੋ ਗਿਆ। ਲਾੜਾ-ਲਾੜੀ ਸਟੇਜ 'ਤੇ ਤੋਹਫ਼ੇ ਖੋਲ੍ਹ ਰਹੇ ਸਨ, ਉਦੋਂ ਹੀ ਇਕ ਸਾਥੀ ਨੇ ਵਾਮਸੀ ਦਾ ਹੱਥ ਫੜਿਆ ਅਤੇ ਉਸ ਨੂੰ ਸੰਭਾਲਿਆ। ਵਾਮਸੀ ਨੂੰ ਦਿਲ ਦਾ ਦੌਰਾ ਪਿਆ ਸੀ। ਵਿਆਹ ਸਮਾਗਮ 'ਚ ਆਏ ਲੋਕਾਂ ਨੇ ਉਸ ਨੂੰ ਤੁਰੰਤ ਡਾਨ ਸਿਟੀ ਦੇ ਸਰਕਾਰੀ ਹਸਪਤਾਲ ਪਹੁੰਚਾਇਆ। ਜਿੱਥੇ ਡਾਕਟਰਾਂ ਨੇ ਦੱਸਿਆ ਕਿ ਉਸ ਦੀ ਮੌਤ ਹੋ ਚੁੱਕੀ ਹੈ।