ਅਯੁੱਧਿਆ ''ਚ ਰਾਮ ਮਾਰਗ ਤੇ ਭਗਤੀ ਮਾਰਗ ''ਤੇ ਲਾਈਟਾਂ ਦੀ ਚੋਰੀ ਨੂੰ ਲੈ ਕੇ ਅਖਿਲੇਸ਼ ਨੇ ਵਿਨ੍ਹਿਆ ਨਿਸ਼ਾਨਾ

ਅਯੁੱਧਿਆ (ਭਾਸ਼ਾ) - ਉੱਤਰ ਪ੍ਰਦੇਸ਼ ਦੇ ਅਯੁੱਧਿਆ 'ਚ ਰਾਮ ਮਾਰਗ ਅਤੇ ਭਗਤੀ ਮਾਰਗ 'ਤੇ 50 ਲੱਖ ਰੁਪਏ ਤੋਂ ਵੱਧ ਦੀਆਂ ਲਗਾਈਆਂ 3800 ਬਾਂਸ ਲਾਈਟਾਂ ਅਤੇ 36 ਗੋਬੋ ਪ੍ਰਾਜੈਕਟਰ ਲਾਈਟਾਂ ਦੀ ਚੋਰੀ ਦੇ ਮਾਮਲੇ 'ਚ ਸਮਾਜਵਾਦੀ ਪਾਰਟੀ (ਸਪਾ) ਦੇ ਪ੍ਰਧਾਨ ਅਖਿਲੇਸ਼ ਯਾਦਵ ਨੇ ਸਰਕਾਰ 'ਤੇ ਨਿਸ਼ਾਨਾ ਸਾਧਿਆ ਹੈ। ਉਹਨਾਂ ਨੇ ਕਿਹਾ ਕਿ ਚੋਰਾਂ ਨੇ ਅਯੁੱਧਿਆ 'ਚ ਕਾਨੂੰਨ ਵਿਵਸਥਾ ਨੂੰ ਭੰਗ ਕਰ ਦਿੱਤਾ ਹੈ। ਅਯੁੱਧਿਆ ਵਿਕਾਸ ਅਥਾਰਟੀ ਵੱਲੋਂ ਦਿੱਤੇ ਗਏ ਇਕਰਾਰਨਾਮੇ ਤਹਿਤ ਰਾਮਪਥ ਦੇ ਦਰੱਖ਼ਤਾਂ 'ਤੇ 6400 ਬਾਂਸ ਦੀਆਂ ਲਾਈਟਾਂ ਅਤੇ 'ਯਸ਼ ਇੰਟਰਪ੍ਰਾਈਜਿਜ਼' ਅਤੇ 'ਕ੍ਰਿਸ਼ਨਾ ਆਟੋਮੋਬਾਈਲਜ਼' ਫਰਮਾਂ ਵੱਲੋਂ ਭਗਤੀਪੱਥ 'ਤੇ 96 ਗੋਬੋ ਪ੍ਰੋਜੈਕਟਰ ਲਾਈਟਾਂ ਲਗਾਈਆਂ ਗਈਆਂ ਸਨ।

ਇਹ ਵੀ ਪੜ੍ਹੋ - ਭਾਜਪਾ ਵਿਧਾਇਕ ਕੇਤਕੀ ਸਿੰਘ ਸਣੇ ਤਿੰਨ ਨੂੰ ਜਾਨ ਤੋਂ ਮਾਰਨ ਦੀ ਧਮਕੀ, ਕੰਧਾਂ 'ਤੇ ਚਿਪਕਾਈ ਚਿੱਠੀ

ਫਰਮ ਦੇ ਨੁਮਾਇੰਦੇ ਸ਼ੇਖਰ ਸ਼ਰਮਾ ਦੇ ਅਨੁਸਾਰ ਰਾਮਪਥ ਅਤੇ ਭਗਤੀਪੱਥ 'ਤੇ ਲਗਾਈਆਂ ਗਈਆਂ 3800 ਬਾਂਸ ਲਾਈਟਾਂ ਅਤੇ 36 ਗੋਬੋ ਪ੍ਰਾਜੈਕਟਰ ਲਾਈਟਾਂ ਚੋਰੀ ਹੋ ਗਈਆਂ ਹਨ, ਜਿਸ ਤੋਂ ਬਾਅਦ ਰਾਮ ਜਨਮ ਭੂਮੀ ਥਾਣੇ 'ਚ ਮਾਮਲਾ ਦਰਜ ਕਰਵਾਇਆ ਗਿਆ। ਪੁਲਸ ਨੂੰ ਦਿੱਤੀ ਸ਼ਿਕਾਇਤ ਅਨੁਸਾਰ, "ਰਾਮਪਥ 'ਤੇ 6,400 ਬਾਂਸ ਦੀਆਂ ਲਾਈਟਾਂ ਅਤੇ ਭਗਤੀ ਮਾਰਗ 'ਤੇ 96 ਗੋਬੋ ਪ੍ਰਾਜੈਕਟਰ ਲਾਈਟਾਂ ਲਗਾਈਆਂ ਗਈਆਂ ਸਨ। 19 ਮਾਰਚ ਤੱਕ ਸਾਰੀਆਂ ਲਾਈਟਾਂ ਲਗਾ ਦਿੱਤੀਆਂ ਸਨ ਪਰ 9 ਮਈ ਨੂੰ ਜਾਂਚ ਕਰਨ 'ਤੇ ਪਤਾ ਲੱਗਾ ਕਿ ਕੁਝ ਲਾਈਟਾਂ ਗਾਇਬ ਸਨ। ਜਾਂਚ ਵਿੱਚ ਸਾਹਮਣੇ ਆਇਆ ਹੈ ਕਿ ਲਗਭਗ 3,800 ਬਾਂਸ ਦੀਆਂ ਲਾਈਟਾਂ ਅਤੇ 36 ਗੋਬੋ ਪ੍ਰਾਜੈਕਟਰ ਲਾਈਟਾਂ ਚੋਰੀ ਹੋਈਆਂ ਹਨ।"

ਇਹ ਵੀ ਪੜ੍ਹੋ - ਵਿਨੇਸ਼ ਫੋਗਾਟ 'ਤੇ ਹੋਈ ਪੈਸਿਆਂ ਦੀ ਬਰਸਾਤ, ਹੁਣ 11 ਲੱਖ ਰੁਪਏ ਨਕਦ ਤੇ 2 ਏਕੜ ਜ਼ਮੀਨ ਦੇਣ ਦਾ ਐਲਾਨ

ਇਸ ਦੌਰਾਨ ਸਪਾ ਪ੍ਰਧਾਨ ਅਖਿਲੇਸ਼ ਯਾਦਵ ਨੇ 'ਐਕਸ' 'ਤੇ ਕਿਹਾ, "ਚੋਰਾਂ ਨੇ ਅਯੁੱਧਿਆ ਵਿੱਚ ਕਾਨੂੰਨ ਵਿਵਸਥਾ ਦੀ ਬੱਤੀ ਗੁਲ ਕਰ ਦਿੱਤੀ ਹੈ। ਇਸੇ ਲਈ ਜਨਤਾ ਪਹਿਲਾਂ ਹੀ ਕਹਿ ਰਹੀ ਸੀ ਕਿ ਬਿਨਾਂ ਬਿਜਲੀ ਦੇ ਖੰਭੇ ਲਾਏ ਗਏ ਹਨ। ਭਾਜਪਾ ਸਰਕਾਰ ਦਾ ਮਤਲਬ ਹਨੇਰੇ ਵਾਲਾ ਸ਼ਹਿਰ, ਹਰ ਪਾਸੇ ਹਨੇਰਾ। ਯਾਦਵ ਨੇ ਕਿਹਾ, “ਅਯੁੱਧਿਆ ਕਹਿ ਅੱਜ ਦਾ। ਨਹੀਂ ਚਾਹੀਦਾ ਭਾਜਪਾ।"

ਇਹ ਵੀ ਪੜ੍ਹੋ - ਮਨੂ ਭਾਕਰ ਤੇ ਨੀਰਜ ਚੋਪੜਾ ਦਾ ਕੀ ਹੋਵੇਗਾ ਵਿਆਹ? ਪਿਤਾ ਰਾਮ ਕਿਸ਼ਨ ਦਾ ਆਇਆ ਵੱਡਾ ਬਿਆਨ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8