ਛੋਟੇ ਵਪਾਰੀਆਂ ਤੇ ਫਿਨਟੈੱਕ ਕੰਪਨੀਆਂ ਲਈ ਵੱਡੀ ਰਾਹਤ: UPI ਲੈਣ-ਦੇਣ ''ਤੇ RBI ਨੇ ਦਿੱਤਾ ਵੱਡਾ ਸਪੱਸ਼ਟੀਕਰਨ

ਬਿਜ਼ਨੈੱਸ ਡੈਸਕ : ਭਾਰਤੀ ਰਿਜ਼ਰਵ ਬੈਂਕ (RBI) ਨੇ ਯੂਨੀਫਾਈਡ ਪੇਮੈਂਟਸ ਇੰਟਰਫੇਸ (UPI) ਲੈਣ-ਦੇਣ ਨੂੰ ਲੈ ਕੇ ਇੱਕ ਅਹਿਮ ਸਪੱਸ਼ਟੀਕਰਨ ਜਾਰੀ ਕੀਤਾ ਹੈ, ਜਿਸ ਨਾਲ PhonePe ਅਤੇ Paytm ਵਰਗੀਆਂ ਦਿੱਗਜ ਫਿਨਟੈੱਕ ਕੰਪਨੀਆਂ ਦੇ ਨਾਲ-ਨਾਲ ਲੱਖਾਂ ਛੋਟੇ ਵਪਾਰੀਆਂ ਨੂੰ ਵੱਡੀ ਰਾਹਤ ਮਿਲੀ ਹੈ। RBI ਨੇ ਸਪੱਸ਼ਟ ਕੀਤਾ ਹੈ ਕਿ ਅਸੰਗਠਿਤ ਪ੍ਰਚੂਨ ਖੇਤਰ ਦੇ ਛੋਟੇ ਵਪਾਰੀਆਂ ਦੇ UPI ਲੈਣ-ਦੇਣ ਲਈ 'ਪੇਮੈਂਟ ਐਗਰੀਗੇਟਰ' (PA) ਦੀ ਜ਼ਰੂਰਤ ਨਹੀਂ ਹੋਵੇਗੀ।

ਇਹ ਵੀ ਪੜ੍ਹੋ :     1 ਅਪ੍ਰੈਲ ਤੋਂ ਬਦਲ ਜਾਣਗੇ PAN, Tax ਤੇ ITR ਨਿਯਮ, ਆਮ ਆਦਮੀ 'ਤੇ ਪਵੇਗਾ ਸਿੱਧਾ ਅਸਰ

ਕੀ ਹੈ P2PM ਲੈਣ-ਦੇਣ ਅਤੇ ਇਸ ਦਾ ਫਾਇਦਾ?

ਅਜਿਹੇ ਛੋਟੇ ਵਪਾਰੀਆਂ ਨੂੰ 'ਪੀਅਰ-ਟੂ-ਪੀਅਰ ਮਰਚੈਂਟ' (P2PM) ਕਿਹਾ ਜਾਂਦਾ ਹੈ। P2PM ਮਾਡਲ ਵਿੱਚ ਪੈਸੇ ਸਿੱਧੇ ਗਾਹਕ ਦੇ ਬੈਂਕ ਖਾਤੇ ਤੋਂ ਵਪਾਰੀ ਦੇ ਬੈਂਕ ਖਾਤੇ ਵਿੱਚ ਟ੍ਰਾਂਸਫਰ ਕੀਤੇ ਜਾਂਦੇ ਹਨ। ਨੈਸ਼ਨਲ ਪੇਮੈਂਟਸ ਕਾਰਪੋਰੇਸ਼ਨ ਆਫ ਇੰਡੀਆ (NPCI) ਨੇ ਇਸ ਸ਼੍ਰੇਣੀ ਨੂੰ 2019 ਵਿੱਚ ਸ਼ੁਰੂ ਕੀਤਾ ਸੀ। RBI ਦੇ ਨਵੇਂ ਸਪੱਸ਼ਟੀਕਰਨ ਨਾਲ ਹੁਣ ਇਹ ਲੈਣ-ਦੇਣ ਪੇਮੈਂਟ ਐਗਰੀਗੇਟਰ ਦੇ ਸਖ਼ਤ ਨਿਯਮਾਂ (MD-PA) ਦੇ ਦਾਇਰੇ ਤੋਂ ਬਾਹਰ ਰਹਿਣਗੇ।

ਇਹ ਵੀ ਪੜ੍ਹੋ :  ਅੱਜ ਤੋਂ ਸੋਨੇ-ਚਾਂਦੀ 'ਤੇ ਹਟਾ ਦਿੱਤੀ ਗਈ ਹੈ ਇਹ ਪਾਬੰਦੀ; ਜਾਣੋ ਕਿਸਨੂੰ ਹੋਵੇਗਾ ਫ਼ਾਇਦਾ

Paytm ਅਤੇ PhonePe ਵਰਗੀਆਂ ਕੰਪਨੀਆਂ ਨੂੰ ਹੋਵੇਗਾ ਵੱਡਾ ਲਾਭ

ਇਸ ਫੈਸਲੇ ਨਾਲ ਉਹਨਾਂ ਫਿਨਟੈੱਕ ਕੰਪਨੀਆਂ ਨੂੰ ਬਹੁਤ ਰਾਹਤ ਮਿਲੇਗੀ ਜਿਨ੍ਹਾਂ ਦਾ ਛੋਟੇ ਵਪਾਰੀਆਂ ਵਿੱਚ ਵੱਡਾ ਨੈੱਟਵਰਕ ਹੈ ਅਤੇ ਜਿਨ੍ਹਾਂ ਨੇ ਵੱਡੇ ਪੱਧਰ 'ਤੇ QR ਕੋਡ ਅਤੇ ਸਾਊਂਡਬਾਕਸ ਮੁਹੱਈਆ ਕਰਵਾਏ ਹਨ। ਹੁਣ ਇਹਨਾਂ ਕੰਪਨੀਆਂ 'ਤੇ ਨਿਯਮਾਂ ਦੀ ਪਾਲਣਾ (Compliance) ਦਾ ਦਬਾਅ ਘੱਟ ਹੋਵੇਗਾ।

ਇਹ ਵੀ ਪੜ੍ਹੋ :    ਹੋਰ ਡਿੱਗਣਗੀਆਂ ਸੋਨੇ ਦੀਆਂ ਕੀਮਤਾਂ, 1 ਲੱਖ ਤੋਂ ਹੇਠਾਂ ਜਾਏਗਾ ਭਾਅ, ਮਾਹਰਾਂ ਦੀ ਵੱਡੀ ਭਵਿੱਖਬਾਣੀ

ਸੁਰੱਖਿਆ ਲਈ KYC ਰਹੇਗਾ ਲਾਜ਼ਮੀ

ਭਾਵੇਂ ਪੇਮੈਂਟ ਐਗਰੀਗੇਟਰ ਦੀ ਸ਼ਰਤ ਹਟਾ ਦਿੱਤੀ ਗਈ ਹੈ, ਪਰ RBI ਨੇ ਸੁਰੱਖਿਆ ਦੇ ਲਿਹਾਜ਼ ਨਾਲ ਕੁਝ ਨਿਯਮ ਸਖ਼ਤ ਰੱਖੇ ਹਨ:

• ਸਖ਼ਤ ਜਾਂਚ: P2PM ਲੈਣ-ਦੇਣ ਲਈ KYC (ਆਪਣੇ ਗਾਹਕ ਨੂੰ ਜਾਣੋ) ਦੇ ਮਾਪਦੰਡਾਂ ਸਹਿਤ ਸਖ਼ਤ ਜਾਂਚ-ਪੜਤਾਲ ਦੀ ਪ੍ਰਕਿਰਿਆ ਲਾਜ਼ਮੀ ਹੋਵੇਗੀ।
• ਬੈਂਕਾਂ ਦੀ ਜ਼ਿੰਮੇਵਾਰੀ: ਵਪਾਰੀਆਂ ਦੀ ਸਹੀ ਜਾਂਚ ਕਰਨ ਦੀ ਜ਼ਿੰਮੇਵਾਰੀ ਹੁਣ ਅਕੁਆਇਰਰ ਬੈਂਕ (Payee PSP) ਦੀ ਹੋਵੇਗੀ।
• ਤਕਨੀਕੀ ਸਹਾਇਤਾ: ਜਿਹੜੇ ਮੱਧਵਰਤੀ ਇਹਨਾਂ ਲੈਣ-ਦੇਣ ਵਿੱਚ ਸਿਰਫ ਤਕਨੀਕੀ ਸਹਾਇਤਾ ਦਿੰਦੇ ਹਨ, ਉਹਨਾਂ ਨੂੰ 'ਤਕਨੀਕੀ ਸੇਵਾ ਪ੍ਰਦਾਤਾ' (TSP) ਵਜੋਂ ਸ਼੍ਰੇਣੀਬੱਧ ਕੀਤਾ ਜਾਵੇਗਾ।

ਇਹ ਵੀ ਪੜ੍ਹੋ :   ਵਿੱਤ ਮੰਤਰੀ ਦੀ ਬੈਂਕਾਂ ਨੂੰ ਵੱਡੀ ਚਿਤਾਵਨੀ; 1 ਜੁਲਾਈ ਤੋਂ ਲਾਗੂ ਹੋਣਗੇ ਸਖ਼ਤ ਨਿਯਮ

ਸੈਲਫ-ਰੇਗੂਲੇਟਿਡ ਪੀਐਸਓ ਐਸੋਸੀਏਸ਼ਨ (SRPA) ਦੁਆਰਾ ਦਿੱਤੀ ਗਈ ਜਾਣਕਾਰੀ ਅਨੁਸਾਰ, ਇਹ ਸਪੱਸ਼ਟੀਕਰਨ ਉਦਯੋਗ ਜਗਤ ਦੀ ਉਸ ਮੰਗ ਤੋਂ ਬਾਅਦ ਆਇਆ ਹੈ ਜਿਸ ਵਿੱਚ ਛੋਟੇ ਲੈਣ-ਦੇਣ 'ਤੇ ਨਿਯਮਾਂ ਦੀ ਸਥਿਤੀ ਸਪੱਸ਼ਟ ਕਰਨ ਲਈ ਕਿਹਾ ਗਿਆ ਸੀ।

ਇਹ ਵੀ ਪੜ੍ਹੋ :    'ਲਾਲਚ ਨਹੀਂ, ਸਮਝਦਾਰੀ ਦਿਖਾਓ, Gold ’ਚ ਨਿਵੇਸ਼ ਲਈ ਜਾਗਰੂਕਤਾ ਅਤੇ ਜਾਣਕਾਰੀ ਦੋਵੇਂ ਜ਼ਰੂਰੀ'
ਇਹ ਵੀ ਪੜ੍ਹੋ :    ਸੋਨੇ ਦੀਆਂ ਕੀਮਤਾਂ 'ਚ ਭਾਰੀ ਗਿਰਾਵਟ ਦਾ ਖ਼ਦਸ਼ਾ, 80 ਹਜ਼ਾਰ ਰੁਪਏ ਤੱਕ ਟੁੱਟੇਗਾ ਭਾਅ!

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt