ਦੇਸ਼ 'ਚ 24 ਘੰਟੇ 'ਚ ਕੋਰੋਨਾ ਨਾਲ 49 ਮੌਤਾਂ, 1486 ਨਵੇਂ ਮਾਮਲੇ

ਨਵੀਂ ਦਿੱਲੀ - ਕੇਂਦਰੀ ਸਿਹਤ ਮੰਤਰਾਲਾ ਨੇ ਦੱਸਿਆ ਕਿ ਪਿਛਲੇ 24 ਘੰਟੇ 'ਚ ਦੇਸ਼ਭਰ 'ਚ ਕੋਵਿਡ-19 ਦੇ 1486 ਨਵੇਂ ਮਾਮਲੇ ਸਾਹਮਣੇ ਆਏ ਹਨ ਅਤੇ ਮਰਨ ਵਾਲੇ ਲੋਕਾਂ ਦੀ ਗਿਣਤੀ 652 ਹੋ ਗਈ। ਭਾਰਤ 'ਚ ਕੋਰੋਨਾ ਵਾਇਰਸ ਦੇ ਪਾਜ਼ੀਟਿਵ ਮਾਮਲਿਆਂ ਦੀ ਗਿਣਤੀ ਵਧ ਕੇ 20,471 ਹੋ ਗਈ ਹੈ। 15,859 ਮਰੀਜਾਂ ਦਾ ਇਲਾਜ ਚੱਲ ਰਿਹਾ ਹੈ। 3,959 ਲੋਕਾਂ ਨੂੰ ਠੀਕ ਹੋਣ ਦੇ ਬਾਅਦ ਹਸਪਤਾਲ ਤੋਂ ਛੁੱਟੀ ਮਿਲ ਚੁੱਕੀ ਹੈ। ਮੰਗਲਵਾਰ ਸ਼ਾਮ ਨੂੰ ਕੁਲ 49 ਲੋਕਾਂ ਦੀ ਮੌਤ ਹੋਈ ਹੈ ਜਿਨ੍ਹਾਂ 'ਚ 19 ਲੋਕਾਂ ਦੀ ਮੌਤ ਮਹਾਰਾਸ਼ਟਰ 'ਚ, 13 ਦੀ ਗੁਜਰਾਤ 'ਚ, 3 ਦੀ ਪੱ. ਬੰਗਾਲ 'ਚ ਅਤੇ ਤਮਿਲਨਾਡੁ ਅਤੇ ਝਾਰਖੰਡ 'ਚ ਇੱਕ-ਇੱਕ ਵਿਅਕਤੀ ਦੀ ਮੌਤ ਹੋਈ ਹੈ ।
ਵਾਇਰਸ ਦੇ ਕਾਰਨ ਦੇਸ਼ 'ਚ ਕੁਲ 652 ਮੌਤਾਂ 'ਚ ਸਭ ਤੋਂ ਜ਼ਿਆਦਾ 251 ਲੋਕਾਂ ਦੀ ਮੌਤ ਮਹਾਰਾਸ਼ਟਰ 'ਚ, 90 ਲੋਕਾਂ ਦੀ ਮੌਤ ਗੁਜਰਾਤ 'ਚ, 76 ਲੋਕਾਂ ਦੀ ਮੌਤ ਮੱਧ ਪ੍ਰਦੇਸ਼ 'ਚ, 47 ਦੀ ਮੌਤ ਦਿੱਲੀ 'ਚ, 25 ਦੀ ਮੌਤ ਰਾਜਸਥਾਨ 'ਚ, 23 ਲੋਕਾਂ ਦੀ ਮੌਤ ਤੇਲੰਗਾਨਾ 'ਚ ਅਤੇ 22 ਲੋਕਾਂ ਦੀ ਮੌਤ ਆਂਧਰਾ ਪ੍ਰਦੇਸ਼ 'ਚ ਹੋਈ ਹੈ। ਸੰਕਰਮਣ  ਦੇ ਕਾਰਨ ਉੱਤਰ ਪ੍ਰਦੇਸ਼ ਵਿੱਚ 20 ਮੌਤ ਹੋਈ ਹੈ। ਮੰਗਲਵਾਰ ਤੱਕ ਪੀ.ਟੀ.ਆਈ. ਨੂੰ ਸੂਬਿਆਂ ਤੋਂ ਪ੍ਰਾਪਤ ਅੰਕੜਿਆਂ ਮੁਤਾਬਕ ਦੇਸ਼ 'ਚ ਘੱਟ ਤੋਂ ਘੱਟ 646 ਲੋਕਾਂ ਦੀ ਮੌਤ ਹੋਈ ਹੈ।