ਹਰਿਆਣਾ: 34ਵੇਂ ਸੂਰਜਕੁੰਡ ਅੰਤਰਰਾਸ਼ਟਰੀ ਕ੍ਰਾਫਟ ਮੇਲੇ ਦਾ ਰਾਸ਼ਟਰਪਤੀ ਨੇ ਕੀਤਾ ਉਦਘਾਟਨ
Sunday, Feb 02, 2020 - 12:41 PM (IST)
ਫਰੀਦਾਬਾਦ—ਹਰਿਆਣਾ ਦਾ ਧਰਤੀ 'ਤੇ ਦੇਸ਼ਾਂ-ਵਿਦੇਸ਼ਾਂ ਦੇ ਸ਼ਿਲਪਕਾਰਾਂ ਦੀ ਕਾਰੀਗਰੀ ਦਾ ਗਵਾਹ ਬਣਨ ਲਈ ਸੂਰਜਕੁੰਡ ਮੇਲਾ ਤਿਆਰ ਹੈ। ਸ਼ਨੀਵਾਰ ਨੂੰ ਰਾਸ਼ਟਰਪਤੀ ਰਾਮਨਾਥ ਕੋਵਿੰਦ ਨੇ ਮੇਲੇ ਦਾ ਉਦਘਾਟਨ ਕੀਤਾ। 16 ਫਰਵਰੀ ਤੱਕ ਚੱਲਣ ਵਾਲੇ ਇਸ ਮੇਲੇ 'ਚ ਉਜਬੇਕਿਸਤਾਨ ਪਾਰਟਨਰ ਕੰਟਰੀ ਹੈ, ਜਦਕਿ ਥੀਮ ਹਿਮਾਚਲ ਪ੍ਰਦੇਸ਼ ਸੂਬਾ ਦਾ ਹੈ।
ਮੇਲੇ 'ਚ 40 ਦੇਸ਼ਾਂ ਦੇ ਸ਼ਿਲਪਕਾਰ ਅਤੇ ਕਲਾਕਾਰ ਭਾਗ ਲੈ ਰਹੇ ਹਨ। ਇਸ 'ਚ ਇੰਗਲੈਂਡ ਵੀ ਹੈ, ਜੋ ਕਿ ਪਹਿਲੀ ਵਾਰ ਸ਼ਾਮਲ ਹੋ ਰਿਹਾ ਹੈ। ਇਸ ਤੋਂ ਇਲਾਵਾ ਅਫਗਾਨਿਸਤਾਨ, ਆਰਮੇਨੀਆ, ਬੰਗਲਾਦੇਸ਼, ਭੂਟਾਨ, ਮਿਸਨ, ਇਥੋਪੀਆ, ਘਾਨਾ, ਕਜਾਕਿਸਤਾਨ, ਮਲਾਵੀ, ਨਾਮੀਬੀਆ, ਨੇਪਾਲ, ਰੂਸ, ਦੱਖਣੀ ਅਫਰੀਕਾ, ਸ਼੍ਰੀਲੰਕਾ, ਸੂਡਾਨ, ਸੀਰੀਆ, ਤਜਾਕਿਸਤਾਨ, ਥਾਈਲੈਂਡ, ਟਿਊਨੀਸ਼ੀਆ, ਤੁਰਕੀ, ਯੂਗਾਂਡਾ, ਬ੍ਰਿਟੇਨ, ਵੀਅਤਨਾਮ ਅਤੇ ਜ਼ਿੰਮਾਬਵੇ ਦੇ ਸ਼ਿਲਪਕਾਰ ਵੀ ਸ਼ਾਮਲ ਹੋਣਗੇ।
ਹਿਮਾਚਲ ਪ੍ਰਦੇਸ਼ ਹੈ ਥੀਮ ਸਟੇਟ-
ਸੂਰਜਕੁੰਡ ਮੇਲੇ ਦੀ ਸ਼ੁਰੂਆਤ ਸਾਲ 1987 'ਚ ਪਹਿਲੀ ਵਾਰ ਕਾਰੀਗਰ ਅਤੇ ਭਾਰਤ ਦੀ ਸੱਭਿਆਚਾਰਿਕ ਵਿਰਾਸਤ ਦੀ ਖੁਸ਼ਹਾਲੀ ਨੂੰ ਪ੍ਰਦਰਸ਼ਿਤ ਕਰਨ ਲਈ ਕੀਤੀ ਗਈ ਸੀ। ਇਸ ਵਾਰ ਥੀਮ ਸਟੇਟ ਹਿਮਾਚਲ ਪ੍ਰਦੇਸ਼ ਹੈ।
ਸੂਰਜਕੁੰਡ ਮੇਲਾ ਅਥਾਰਿਟੀ ਅਤੇ ਹਰਿਆਣਾ ਸੈਲਾਨੀਆਂ ਦੁਆਰਾ ਕੇਂਦਰੀ ਸੈਲਾਨੀ, ਕੱਪੜਾ, ਸੰਸਕ੍ਰਿਤੀ, ਵਿਦੇਸ਼ ਮੰਤਰਾਲਾ ਅਤੇ ਹਰਿਆਣਾ ਸਰਕਾਰ ਦੇ ਸਹਿਯੋਗ ਨਾਲ ਸੰਯੁਕਤ ਰੂਪ ਨਾਲ ਆਯੋਜਿਤ ਕੀਤਾ ਗਿਆ ਹੈ।
