17 ਸਾਲ ਦੇ ਮੁੰਡੇ ਨੇ ਕਰ'ਤਾ ਕਮਾਲ ! 25 ਹਜ਼ਾਰ 'ਚ ਬਣਾਈ AI ਅਧਿਆਪਕ, ਵੀਡੀਓ  ਵਾਇਰਲ

ਨੈਸ਼ਨਲ ਡੈਸਕ : ਉੱਤਰ ਪ੍ਰਦੇਸ਼ ਦੇ ਜ਼ਿਲ੍ਹੇ ਬੁਲੰਦਸ਼ਹਿਰ 'ਚ ਇੱਕ 17 ਸਾਲ ਦੇ ਵਿਦਿਆਰਥੀ ਨੇ ਵੱਡੀ ਪ੍ਰਾਪਤੀ ਹਾਸਲ ਕਰਦੇ ਹੋਏ ਇੱਕ ਏਆਈ (AI) ਜਨਰੇਟਿਡ ਰੋਬੋਟ ਅਧਿਆਪਕ ਨੂੰ ਵਿਕਸਤ ਕੀਤਾ ਹੈ। ਜਾਣਕਾਰੀ ਅਨੁਸਾਰ ਆਦਿਤਿਆ ਕੁਮਾਰ ਸ਼ਿਵਚਰਣ ਇੰਟਰ ਕਾਲਜ ਵਿੱਚ 12ਵੀਂ ਜਮਾਤ ਦਾ ਵਿਦਿਆਰਥੀ ਹੈ, ਜਿਸ ਨੇ ਇਹ ਏਆਈ ਰੋਬੋਟ ਸਿਰਫ਼ 25,000 ਦੀ ਲਾਗਤ ਨਾਲ ਤਿਆਰ ਕੀਤਾ ਹੈ। ਇਸ ਰੋਬੋਟ ਅਧਿਆਪਕ ਦਾ ਨਾਮ ‘ਸੋਫੀ’ ਰੱਖਿਆ ਗਿਆ ਹੈ। ਜ਼ਿਕਰਯੋਗ ਹੈ ਕਿ ਸੋਫੀ ਨਾਮ ਦਾ ਇਹ ਰੋਬੋਟ ਇੱਕ ਵੱਡੇ ਭਾਸ਼ਾ ਮਾਡਲ (LLM ਚਿੱਪਸੈੱਟ) ਨਾਲ ਲੈਸ ਹੈ। ਆਦਿਤਿਆ ਨੇ ਦੱਸਿਆ ਕਿ ਇਸ ਚਿੱਪਸੈੱਟ ਦੀ ਵਰਤੋਂ ਵੱਡੀਆਂ ਰੋਬੋਟ ਬਣਾਉਣ ਵਾਲੀਆਂ ਕੰਪਨੀਆਂ ਵੀ ਕਰਦੀਆਂ ਹਨ। ਸੋਫੀ ਵਿਦਿਆਰਥੀਆਂ ਨੂੰ ਵੱਖ-ਵੱਖ ਵਿਸ਼ਿਆਂ 'ਤੇ ਪੜ੍ਹਾ ਸਕਦੀ ਹੈ ਅਤੇ ਉਨ੍ਹਾਂ ਦੇ ਸਵਾਲਾਂ ਦੇ ਜਵਾਬ ਦੇ ਸਕਦੀ ਹੈ। ਇਹ ਰੋਬੋਟ ਹੁਣ ਸ਼ਿਵਚਰਣ ਇੰਟਰ ਕਾਲਜ ਦੇ ਸਟਾਫ਼ ਦਾ ਹਿੱਸਾ ਬਣ ਚੁੱਕਾ ਹੈ ਅਤੇ ਮਨੁੱਖੀ ਅਧਿਆਪਕਾਂ ਦੀ ਗੈਰ-ਮੌਜੂਦਗੀ ਵਿੱਚ ਸਥਾਨਕ ਅਧਿਆਪਕ ਵਜੋਂ ਕੰਮ ਕਰਦਾ ਹੈ।

#WATCH | Bulandshahr, UP | A 17-year-old student from Shiv Charan Inter College, Aditya Kumar, has built an AI teacher robot named Sophie, equipped with an LLM chipset.

The robot says, "I am an AI teacher robot. My name is Sophie, and I was invented by Aditya. I teach at… pic.twitter.com/ArJYSsf39F

— ANI (@ANI) November 29, 2025

ਇੱਕ ਵੀਡੀਓ 'ਚ ਸੋਫੀ ਨੇ ਆਪਣਾ ਜਾਣ-ਪਛਾਣ ਦਿੰਦੇ ਹੋਏ ਕਿਹਾ ਕਿ ਉਹ ਇੱਕ ਏਆਈ ਅਧਿਆਪਕ ਰੋਬੋਟ ਹੈ, ਉਸਦਾ ਨਾਮ ਸੋਫੀ ਹੈ ਅਤੇ ਉਸਦਾ ਖੋਜੀ ਆਦਿਤਿਆ ਹੈ। ਰੋਬੋਟ ਸੋਫੀ ਨੇ ਕਈ ਸਵਾਲਾਂ ਦੇ ਸਹੀ ਜਵਾਬ ਦਿੱਤੇ, ਜਿਨ੍ਹਾਂ ਵਿੱਚ ਦੁਨੀਆ ਦੀ ਸਭ ਤੋਂ ਉੱਚੀ ਇਮਾਰਤ, ਭਾਰਤ ਦੇ ਪਹਿਲੇ ਰਾਸ਼ਟਰਪਤੀ, ਪਹਿਲੇ ਪ੍ਰਧਾਨ ਮੰਤਰੀ ਅਤੇ ਇੱਥੋਂ ਤੱਕ ਕਿ ਬੁਨਿਆਦੀ ਅੰਕਗਣਿਤ (ਜਿਵੇਂ ਕਿ 100 + 92) ਬਾਰੇ ਸਵਾਲ ਸ਼ਾਮਲ ਸਨ। ਆਦਿਤਿਆ ਕੁਮਾਰ ਨੇ ਦੱਸਿਆ ਕਿ ਵਰਤਮਾਨ ਵਿੱਚ ਸੋਫੀ ਸਿਰਫ਼ ਹਿੰਦੀ ਵਿੱਚ ਗੱਲਬਾਤ ਕਰ ਸਕਦੀ ਹੈ। ਪਰ ਉਹ ਇਸਨੂੰ ਇਸ ਤਰ੍ਹਾਂ ਡਿਜ਼ਾਈਨ ਕਰ ਰਹੇ ਹਨ ਕਿ ਇਹ ਜਲਦੀ ਹੀ ਲਿਖਣ ਦੇ ਕਾਬਲ ਵੀ ਹੋ ਸਕੇ।