ਪ੍ਰਧਾਨ ਮੰਤਰੀ ਖੇਤੀਬਾੜੀ ਅਰਥ ਸ਼ਾਸਤਰੀਆਂ ਦੀ 32ਵੀਂ ਅੰਤਰਰਾਸ਼ਟਰੀ ਕਾਨਫਰੰਸ ਦਾ ਕਰਨਗੇ ਉਦਘਾਟਨ

ਜੈਤੋ (ਰਘੁਨੰਦਨ ਪਰਾਸ਼ਰ) : ਨੀਤੀ ਆਯੋਗ ਦੇ ਮੈਂਬਰ ਪ੍ਰੋਫੈਸਰ ਰਮੇਸ਼ ਚੰਦ ਨੇ ਅੱਜ ਪੂਸਾ ਇੰਸਟੀਚਿਊਟ ਨਵੀਂ ਦਿੱਲੀ ਵਿਖੇ 2 ਅਗਸਤ ਤੋਂ 7 ਅਗਸਤ ਤੱਕ ਇੰਡੀਅਨ ਕੌਂਸਲ ਵਿਖੇ ਹੋਣ ਵਾਲੀ 32ਵੀਂ ਅੰਤਰਰਾਸ਼ਟਰੀ ਖੇਤੀ ਅਰਥ ਸ਼ਾਸਤਰੀਆਂ ਦੀ ਕਾਨਫਰੰਸ ਸਬੰਧੀ ਪ੍ਰੈਸ ਕਾਨਫਰੰਸ ਕੀਤੀ। ਆਈ.ਸੀ.ਏ.ਆਰ ਦੇ ਡਾਇਰੈਕਟਰ ਜਨਰਲ ਡਾ: ਹਿਮਾਂਸ਼ੂ ਪਾਠਕ ਇੰਟਰਨੈਸ਼ਨਲ ਫੂਡ ਪਾਲਿਸੀ ਰਿਸਰਚ ਇੰਸਟੀਚਿਊਟ ਦੱਖਣੀ ਏਸ਼ੀ ਦੇ ਡਾਇਰੈਕਟਰ ਸ਼ਾਹੀਦੁਰ ਰਸ਼ੀਦ, ਸਮਾਗਮ ਦੇ ਸਕੱਤਰ ਪੀਕੇ ਜੋਸ਼ੀ ਤੇ ਡਾ. ਪ੍ਰਤਾਪ ਐੱਸ ਵਿਰਥਲ ਸ਼ਾਮਲ ਹਨ। 

ਪ੍ਰੋ. ਰਮੇਸ਼ ਚੰਦ ਨੇ ਖੇਤੀਬਾੜੀ ਅਰਥਸ਼ਾਸਤਰੀਆਂ ਦੀ 32ਵੀਂ ਅੰਤਰਰਾਸ਼ਟਰੀ ਕਾਨਫਰੰਸ ਤੋਂ ਪਹਿਲਾਂ ਪ੍ਰੈੱਸ ਕਾਨਫਰੰਸ ਨੂੰ ਸੰਬੋਧਨ ਕਰਦਿਆਂ ਉਨ੍ਹਾਂ ਕਿਹਾ ਕਿ ਐਗਰੀਕਲਚਰਲ ਇਕਨਾਮਿਸਟਸ ਦੀ ਐਸੋਸੀਏਸ਼ਨ ਬਹੁਤ ਪੁਰਾਣੀ ਹੈ। ਇਹ ਕਾਨਫਰੰਸ ਭਾਰਤ ਵਿੱਚ ਪਹਿਲੀ ਵਾਰ 1958 ਵਿੱਚ ਹੋਈ ਸੀ ਅਤੇ ਹੁਣ 66 ਸਾਲਾਂ ਬਾਅਦ ਹੋਵੇਗੀ। 1958 ਵਿੱਚ ਜਦੋਂ ਇਹ ਕਾਨਫਰੰਸ ਹੋਈ ਤਾਂ ਦੇਸ਼ ਗਰੀਬੀ, ਭੁੱਖਮਰੀ ਆਦਿ ਕਈ ਸਮੱਸਿਆਵਾਂ ਨਾਲ ਜੂਝ ਰਿਹਾ ਸੀ। ਇਸ ਕਾਨਫਰੰਸ ਵਿੱਚ ਆਉਣ ਵਾਲੇ ਡੈਲੀਗੇਟ ਹੁਣ ਬਦਲਿਆ ਹੋਇਆ ਭਾਰਤ ਦੇਖਣਗੇ। ਦੇਸ਼ ਹੁਣ ਵਿਕਸਤ ਭਾਰਤ ਦੀ ਗੱਲ ਕਰ ਰਿਹਾ ਹੈ। ਵਿਕਸਤ ਭਾਰਤ ਵਿੱਚ ਪ੍ਰਤੀ ਵਿਅਕਤੀ ਆਮਦਨ 12 ਅਤੇ 13 ਹਜ਼ਾਰ ਡਾਲਰ ਹੈ ਜਿਸ ਨੂੰ ਰਿਅਲ ਟਾਈਮ ਵਿਚ 2047 ਤੱਕ ਵਧਾ ਕੇ 18 ਹਜ਼ਾਰ ਡਾਲਰ ਕਰਨ ਦਾ ਟੀਚਾ ਹੈ। ਅਸੀਂ ਇਸ 'ਤੇ ਧਿਆਨ ਕੇਂਦਰਿਤ ਕਰ ਰਹੇ ਹਾਂ ਅਤੇ ਉਸ ਦਿਸ਼ਾ 'ਚ ਕੰਮ ਕਰ ਰਹੇ ਹਾਂ। ਅਸੀਂ ਹੁਣ ਖੇਤੀ ਵਸਤੂਆਂ ਤੋਂ ਦੂਰ ਹੋ ਕੇ ਸੰਪੂਰਨਤਾ ਵੱਲ ਵਧ ਰਹੇ ਹਾਂ। ਹੁਣ ਫੋਕਸ ਭੋਜਨ ਪ੍ਰਣਾਲੀ ਪਹੁੰਚ ਅਤੇ ਟਿਕਾਊ ਵਿਕਾਸ 'ਤੇ ਹੋਵੇਗਾ। ਆਉਣ ਵਾਲੀ ਪੀੜ੍ਹੀ ਨੂੰ ਧਿਆਨ ਵਿੱਚ ਰੱਖ ਕੇ ਕੰਮ ਕਰਨਗੇ। ਕਾਨਫਰੰਸ ਟਿਕਾਊ ਵਿਕਾਸ ਨੂੰ ਉਤਸ਼ਾਹਿਤ ਕਰਨ 'ਤੇ ਧਿਆਨ ਕੇਂਦਰਿਤ ਕਰੇਗੀ। ਇਸ ਕਾਨਫਰੰਸ ਦਾ ਵਿਸ਼ਾ ਹੈ - ਟਿਕਾਊ ਖੇਤੀਬਾੜੀ ਅਤੇ ਭੋਜਨ ਪ੍ਰਣਾਲੀਆਂ ਵੱਲ ਪਰਿਵਰਤਨ। 

ਉਨ੍ਹਾਂ ਕਿਹਾ ਕਿ ਕਾਨਫ਼ਰੰਸ ਸਿਰਫ਼ ਭੋਜਨ ਪ੍ਰਣਾਲੀ 'ਤੇ ਕੇਂਦਰਿਤ ਹੋਵੇਗੀ। ਇਸ ਕਾਨਫਰੰਸ ਦਾ ਉਦਘਾਟਨ ਪ੍ਰਧਾਨ ਮੰਤਰੀ ਸ਼੍ਰੀ ਨਰਿੰਦਰ ਮੋਦੀ ਕਰਨਗੇ। ਇਸ ਕਾਨਫਰੰਸ ਵਿੱਚ 925 ਲੋਕਾਂ ਨੇ ਰਜਿਸਟ੍ਰੇਸ਼ਨ ਕਰਵਾਈ ਹੈ ਅਤੇ 60 ਅਤੇ 65 ਵਿਦਿਆਰਥੀਆਂ ਨੂੰ ਵੀ ਇਸ ਕਾਨਫਰੰਸ ਵਿੱਚ ਹਿੱਸਾ ਲੈਣ ਦਾ ਮੌਕਾ ਮਿਲ ਰਿਹਾ ਹੈ। ਕੁੱਲ ਮਿਲਾ ਕੇ 1000 ਲੋਕ ਇਸ ਕਾਨਫਰੰਸ ਵਿੱਚ ਸ਼ਾਮਲ ਹੋਣਗੇ। ਇਸ ਕਾਨਫਰੰਸ ਵਿੱਚ 75 ਦੇਸ਼ਾਂ ਤੋਂ 740 ਮੈਂਬਰ, ਵਿਸ਼ਵ ਦੀਆਂ ਪ੍ਰਮੁੱਖ ਯੂਨੀਵਰਸਿਟੀਆਂ, ਖੇਤੀਬਾੜੀ ਸੰਸਥਾਵਾਂ ਤੇ ਐੱਨਜੀਓ ਆਦਿ ਹਿੱਸਾ ਲੈਣ ਲਈ ਆ ਰਹੇ ਹਨ। ਪ੍ਰੋਫੈਸਰ ਰਮੇਸ਼ ਚੰਦ ਨੇ ਦੱਸਿਆ ਕਿ ਇਸ ਕਾਨਫਰੰਸ ਵਿੱਚ ਕੁਝ ਟੀਚੇ ਨਿਰਧਾਰਤ ਕੀਤੇ ਗਏ ਹਨ ਅਤੇ ਵਿਸ਼ਵ ਦੇ ਵੱਖ-ਵੱਖ ਦੇਸ਼ਾਂ ਦੇ ਡੈਲੀਗੇਟਾਂ ਨਾਲ ਨੌਜਵਾਨ ਖੋਜਕਰਤਾਵਾਂ ਨੂੰ ਆਪਣਾ ਸੰਪਰਕ ਬਣਾਉਣ ਦਾ ਮੌਕਾ ਮਿਲੇਗਾ ਤੇ ਉਨ੍ਹਾਂ ਨੂੰ ਉਹ ਪ੍ਰੋਫੈਸ਼ਨਲ ਫਾਇਦੇ ਦੇ ਲਈ ਵਰਤ ਸਕਦੇ ਹਨ। ਖੇਤੀ ਨਾਲ ਸਬੰਧਤ ਸਮੱਸਿਆਵਾਂ ਬਹੁਤ ਗੁੰਝਲਦਾਰ ਹੋ ਗਈਆਂ ਹਨ, ਸਾਨੂੰ ਇਨ੍ਹਾਂ ਦਾ ਹੱਲ ਲੱਭਣਾ ਪਵੇਗਾ। ਕੁਝ ਹੱਲ ਸਾਹਮਣੇ ਆਉਣਗੇ। ਭੋਜਨ ਪ੍ਰਣਾਲੀ ਨੂੰ ਵਿਕਸਿਤ ਕਰਕੇ ਸਿਹਤ ਵੱਲ ਕਿਵੇਂ ਵਧਾਇਆ ਜਾ ਸਕਦਾ ਹੈ, ਇਸ ਵੱਲ ਧਿਆਨ ਦਿੱਤਾ ਜਾਵੇਗਾ। 

ਉਨ੍ਹਾਂ ਦੱਸਿਆ ਕਿ ਕਾਨਫਰੰਸ ਵਿੱਚ 45 ਫੀਸਦੀ ਔਰਤਾਂ ਹਿੱਸਾ ਲੈਣਗੀਆਂ। ਇਸ ਕਾਨਫਰੰਸ ਵਿੱਚ ਉੱਘੇ ਖੇਤੀ ਅਰਥ ਸ਼ਾਸਤਰੀਆਂ ਦੇ ਭਾਸ਼ਣ/ਚਰਚਾ/ਪ੍ਰਦਰਸ਼ਨੀਆਂ ਆਦਿ ਹੋਣਗੀਆਂ। ਡਾ: ਹਿਮਾਂਸ਼ੂ ਪਾਠਕ ਨੇ ਕਿਹਾ ਕਿ ਇਸ ਕਾਨਫਰੰਸ ਤੋਂ ਬਹੁਤ ਸਾਰੀਆਂ ਉਮੀਦਾਂ ਹਨ। ਇਹ ਕਾਨਫਰੰਸ 66 ਸਾਲਾਂ ਬਾਅਦ ਭਾਰਤ ਵਿੱਚ ਹੋਣ ਜਾ ਰਹੀ ਹੈ। ਅਸੀਂ ਚਰਚਾ ਕਰਾਂਗੇ ਕਿ ਉਤਪਾਦਨ ਤੋਂ ਭੋਜਨ ਪ੍ਰਣਾਲੀ ਤੱਕ ਕਿਵੇਂ ਜਾਣਾ ਹੈ। ਇਸ ਵਿਸ਼ੇਸ਼ ਕਾਨਫਰੰਸ ਵਿੱਚ 75 ਤੋਂ ਵੱਧ ਦੇਸ਼ ਇੱਕ ਦੂਜੇ ਨਾਲ ਅਨੁਭਵ ਸਾਂਝੇ ਕਰਨ ਜਾ ਰਹੇ ਹਨ। ਟਿਕਾਊ ਵਿਕਾਸ ਭਾਰਤੀ ਖੇਤੀ ਖੋਜ ਪ੍ਰੀਸ਼ਦ ਦਾ ਪ੍ਰਮੁੱਖ ਪ੍ਰੋਗਰਾਮ ਹੈ। ਕਾਨਫਰੰਸ ਵਿੱਚ ਸਾਰੇ ਵਿਸ਼ਿਆਂ ਨੂੰ ਅਰਥ ਸ਼ਾਸਤਰ ਨਾਲ ਜੋੜਨ ਬਾਰੇ ਚਰਚਾ ਕੀਤੀ ਜਾਵੇਗੀ। ਸ਼ਾਹਿਦੁਰ ਰਸ਼ੀਦ ਨੇ ਕਿਹਾ ਕਿ ਇਸ ਕਾਨਫਰੰਸ ਦਾ ਉਦੇਸ਼ ਸਿਸਟਮ ਪਰਿਵਰਤਨ ਤੋਂ ਟਿਕਾਊ ਭੋਜਨ ਪ੍ਰਣਾਲੀ ਵੱਲ ਵਧਣਾ ਹੈ। ਭੋਜਨ ਪ੍ਰਣਾਲੀ ਸਭ ਤੋਂ ਮਹੱਤਵਪੂਰਨ ਹੈ ਅਤੇ ਇਹ ਇੱਕ ਵਿਸ਼ਵਵਿਆਪੀ ਘਟਨਾ ਹੈ।