ਸੜਕ ਹਾਦਸੇ ’ਚ 2 ਮੋਟਰ ਸਾਈਕਲ ਸਵਾਰਾਂ ਦੀ ਮੌਤ
06/02/2020 12:10:10 AM
ਮੋਰਿੰਡਾ, (ਧੀਮਾਨ)- ਮੋਰਿੰਡਾ-ਕੁਰਾਲੀ ਮਾਰਗ ’ਤੇ ਪਿੰਡ ਚਤਾਮਲਾ ਨੇੜੇ ਇਕ ਪੈਲੇਸ ਕੋਲ ਇਕ ਕਾਰ ਤੇ ਮੋਟਰ ਸਾਈਕਲ ਵਿਚਕਾਰ ਹੋਏ ਹਾਦਸੇ ਵਿਚ ਮੋਟਰ ਸਾਈਕਲ ਸਵਾਰ ਦੋ ਵਿਅਕਤੀਆਂ ਦੀ ਮੌਤ ਹੋ ਗਈ। ਇਸ ਸਬੰਧੀ ਮੋਰਿੰਡਾ ਪੁਲਸ ਥਾਣਾ ਸਦਰ ਦੇ ਐੱਸ. ਐੱਚ. ਓ. ਸਿਮਰਨਜੀਤ ਸਿੰਘ ਨੇ ਦੱਸਿਆ ਕਿ ਹਾਦਸਾ ਮੋਰਿੰਡਾ ਤੋਂ ਕੁਰਾਲੀ ਵੱਲ ਜਾ ਰਹੇ ਇਕ ਮੋਟਰ ਸਾਈਕਲ ਨੰਬਰ ਪੀ. ਬੀ. 65 ਏ. ਬੀ.– 3331 ਅਤੇ ਕੁਰਾਲੀ ਵੱਲ ਤੋਂ ਮੋਰਿੰਡਾ ਵੱਲ ਜਾ ਰਹੀ ਕਾਰ ਨੰਬਰ ਪੀ. ਬੀ. 23 ਈ-3176 ਵਿਚਕਾਰ ਹੋਇਆ, ਜਿਸ ਵਿਚ ਮੋਟਰ ਸਾਈਕਲ ਸਵਾਰ ਰਣਜੋਧ ਸਿੰਘ (40) ਪੁੱਤਰ ਗੁਰਚਰਨ ਸਿੰਘ ਵਾਸੀ ਪਿੰਡ ਚਤਾਮਲਾ ਅਤੇ ਹਰਜੋਬਨ ਸਿੰਘ (40) ਪੁੱਤਰ ਕਰਨੈਲ ਸਿੰਘ ਵਾਸੀ ਪਿੰਡ ਸ਼ਾਹਪੁਰ (ਨੇੜੇ ਕੁਰਾਲੀ) ਦੀ ਮੌਤ ਹੋ ਗਈ।
