ਘਰੋਂ ਨਾਰਾਜ਼ ਹੋ ਮੁਜ਼ੱਫਰ ਨਗਰ ਗਈ ਨਾਬਾਲਗ ਕੁੜੀ ਨੂੰ ਪੁਲਸ ਨੇ 24 ਘੰਟੇ ਅੰਦਰ ਕੀਤਾ ਬਰਾਮਦ
03/08/2021 4:38:32 PM
ਤਰਨਤਾਰਨ (ਰਮਨ) - ਸਥਾਨਕ ਸ਼ਹਿਰ ਦੀ ਨਿਵਾਸੀ ਇਕ ਨਾਬਾਲਗ ਕੁੜੀ ਘਰੋਂ ਨਰਾਜ਼ ਹੋ ਯੂ. ਪੀ. ਦੇ ਮੁਜ਼ੱਫਰ ਨਗਰ ਜਾ ਪੁੱਜੀ। ਕੁੜੀ ਦੇ ਭੱਜਣ ਬਾਰੇ ਪੱਤਾ ਲੱਗਣ ’ਤੇ ਥਾਣਾ ਸਿਟੀ ਦੀ ਪੁਲਸ ਨੇ 24 ਘੰਟੇ ਅੰਦਰ ਉਸ ਨੂੰ ਬਰਾਮਦ ਕਰਨ ’ਚ ਵੱਡੀ ਸਫਲਤਾ ਹਾਸਲ ਕੀਤੀ ਹੈ। ਪੁਲਸ ਨੇ ਵਾਪਸ ਲਿਆਂਦੀ ਕੁੜੀ ਨੂੰ ਪਰਿਵਾਰਕ ਮੈਂਬਰਾਂ ਹਵਾਲੇ ਕਰ ਦਿੱਤਾ ਹੈ, ਜਿਸ ਦਾ ਪਰਿਵਾਰ ਵਲੋਂ ਵਿਸ਼ੇਸ਼ ਤੌਰ ’ਤੇ ਧੰਨਵਾਦ ਕੀਤਾ ਗਿਆ।
ਜਾਣਕਾਰੀ ਅਨੁਸਾਰ ਮੁਰਾਦਪੁਰ ਨਜ਼ਦੀਕ ਰੇਲਵੇ ਸਟੇਸ਼ਨ ਸਾਹਮਣੇ ਰਹਿੰਦੇ ਰਣਜੀਤ ਕੁਮਾਰ ਦੀ 14 ਸਾਲਾਂ ਕੁੜੀ ਖੁਸ਼ੀ, ਜੋ ਪੜ੍ਹਾਈ ਨਾ ਕਰਨ ਦੌਰਾਨ ਘਰੋਂ ਪਈਆਂ ਝਿੜਕਾਂ ਤੋਂ ਨਾਰਾਜ਼ ਹੋ ਰੇਲ ਗੱਡੀ ਰਾਹੀਂ ਬੀਤੇ ਕੱਲ ਮੁਜ਼ੱਫਰ ਨਗਰ ਜਾ ਪੁੱਜੀ। ਇਸ ਸਬੰਧੀ ਪਰਿਵਾਰਕ ਮੈਂਬਰਾਂ ਵਲੋਂ ਪੁਲਸ ਨੂੰ ਦਿੱਤੀ ਸ਼ਿਕਾਇਤ ਦੇ ਆਧਾਰ ’ਤੇ ਡੀ.ਐੱਸ.ਪੀ. ਸਿਟੀ ਸੁੱਚਾ ਸਿੰਘ ਬੱਲ ਵਲੋਂ ਬਣਾਈ ਗਈ ਟੀਮ ਜਿਸ ’ਚ ਪੁਲਸ ਚੌਕੀ ਬੱਸ ਸਟੈਂਡ ਇੰਚਾਰਜ ਏ. ਐੱਸ. ਆਈ. ਗੱਜਣ ਸਿੰਘ ਅਤੇ ਏ. ਐੱਸ. ਆਈ. ਬੱਲਦੀਪ ਸਿੰਘ ਸਣੇ ਪੁਲਸ ਪਾਰਟੀ ਮੁਜ਼ੱਫਰ ਨਗਰ ਜਾ ਪੁੱਜੇ। ਜਿੱਥੋਂ ਖੁਸ਼ੀ ਨੂੰ ਬਰਾਮਦ ਕਰ ਲਿਆ ਗਿਆ। ਡੀ. ਐੱਸ. ਪੀ. ਸੁੱਚਾ ਸਿੰਘ ਬੱਲ ਨੇ ਦੱਸਿਆ ਕਿ ਬਰਾਮਦ ਕੀਤੀ ਕੁੜੀ ਖੁਸ਼ੀ ਨੂੰ ਪਰਿਵਾਰਕ ਮੈਂਬਰਾਂ ਹਵਾਲੇ ਕਰ ਦਿੱਤਾ ਗਿਆ ਹੈ। ਇਸ ਮੌਕੇ ਕੁੜੀ ਦੇ ਪਿਤਾ ਰਣਜੀਤ ਕੁਮਾਰ ਅਤੇ ਮਾਤਾ ਗੀਤਾ ਨੇ ਐੱਸ.ਐੱਸ.ਪੀ. ਅਤੇ ਡੀ.ਐੱਸ.ਪੀ. ਦਾ ਧੰਨਵਾਦ ਕੀਤਾ ਹੈ।
