ਡਿਜ਼ਾਈਨਰ ਨੈੱਕਲਾਈਨ ਵਾਲੀ ਡਰੈੱਸਾਂ ਦਾ ਵਧਿਆ ਟਰੈਂਡ

ਵੈੱਬ ਡੈਸਕ- ਅੱਜਕੱਲ੍ਹ ਮੁਟਿਆਰਾਂ ਮੇਕਅਪ, ਹੇਅਰ ਸਟਾਈਲ, ਫੁੱਟਵੀਅਰ ਤੋਂ ਲੈ ਕੇ ਡਰੈੱਸ ਤੱਕ, ਹਰ ਚੀਜ਼ ’ਚ ਟਰੈਂਡ ਅਤੇ ਸਟਾਈਲ ਦਾ ਖਾਸ ਧਿਆਨ ਰੱਖਦੀਆਂ ਹਨ। ਇਨ੍ਹੀਂ ਦਿਨੀਂ ਮੁਟਿਆਰਾਂ ਨੂੰ ਡਿਜ਼ਾਈਨਰ ਡਰੈੱਸਾਂ ਕਾਫ਼ੀ ਪਸੰਦ ਆ ਰਹੀਆਂ ਹਨ, ਖਾਸ ਕਰ ਕੇ ਵੈਸਟਰਨ ਡਰੈੱਸਾਂ ’ਚ ਡਿਜ਼ਾਈਨਰ ਨੈੱਕਲਾਈਨ ਵਾਲੀਆਂ ਡਰੈੱਸਾਂ ਮੁਟਿਆਰਾਂ ਦੀ ਲੁਕ ’ਚ ਚਾਰ ਚੰਨ ਲਾਉਂਦੀਆਂ ਹਨ। ਇਹ ਡਰੈੱਸਾਂ ਨਾ ਸਿਰਫ ਉਨ੍ਹਾਂ ਦੀ ਲੁਕ ਨੂੰ ਯੂਨੀਕ ਬਣਾਉਂਦੀਆਂ ਹਨ, ਸਗੋਂ ਉਨ੍ਹਾਂ ਨੂੰ ਮਾਡਰਨ, ਸਟਾਈਲਿਸ਼ ਅਤੇ ਟਰੈਂਡੀ ਵੀ ਬਣਾਉਂਦੀਆਂ ਹਨ।
ਡਿਜ਼ਾਈਨਰ ਨੈੱਕਲਾਈਨ ਕਿਸੇ ਵੀ ਡਰੈੱਸ ਨੂੰ ਸੁੰਦਰ ਬਣਾਉਣ ਦਾ ਕੰਮ ਕਰਦੀ ਹੈ। ਇਹ ਡਰੈੱਸ ਨੂੰ ਇਕ ਵੱਖ ਅਤੇ ਆਕਰਸ਼ਕ ਲੁਕ ਦਿੰਦੀ ਹੈ। ਮਾਰਕੀਟ ’ਚ ਵੱਖ-ਵੱਖ ਤਰ੍ਹਾਂ ਦੀਆਂ ਨੈੱਕਲਾਈਨ ਵਾਲੀਆਂ ਡਰੈੱਸਾਂ ਉਪਲੱਬਧ ਹਨ। ਹਾਈ ਨੈੱਕ, ਵਨ ਸ਼ੋਲਡਰ, ਕਾਲਰ ਨੈੱਕ, ਟਰਟਲ ਨੈੱਕ, ਦੀ-ਹੋਲ ਨੈੱਕਲਾਈਨ ਅਤੇ ਖਾਸ ਕਰ ਕੇ ਵੀ-ਨੈੱਕ ਅਤੇ ਹਾਲਟਰ ਨੈੱਕਲਾਈਨ ਵਾਲੀਆਂ ਡਰੈੱਸਾਂ ਮੁਟਿਆਰਾਂ ਨੂੰ ਕਲਾਸੀ ਅਤੇ ਰਾਇਲ ਲੁਕ ਦੇ ਰਹੀਆਂ ਹਨ।

ਇਨ੍ਹਾਂ ਨੈੱਕਲਾਈਨਾਂ ’ਤੇ ਕਈ ਵਾਰ ਗੁੰਝਲਦਾਰ ਕੱਟ, ਜ਼ਿਪ, ਬਟਨ ਜਾਂ ਵਰਕ ਕੀਤਾ ਜਾਂਦਾ ਹੈ, ਜੋ ਡਰੈੱਸ ਨੂੰ ਹੋਰ ਵੀ ਆਕਰਸ਼ਕ ਬਣਾਉਂਦਾ ਹੈ। ਇਸ ਤੋਂ ਇਲਾਵਾ ਕੁਝ ਡਰੈੱਸਾਂ ’ਚ 3-ਡੀ ਫਲਾਵਰ ਡਿਜ਼ਾਈਨ ਵੀ ਦੇਖਣ ਨੂੰ ਮਿਲਦੇ ਹਨ, ਜੋ ਮੁਟਿਆਰਾਂ ਨੂੰ ਇਕ ਸਪੈਸ਼ਲ ਅਤੇ ਵੱਖਰੀ ਲੁਕ ਦਿੰਦੇ ਹਨ। ਡਿਜ਼ਾਈਨਰ ਨੈੱਕਲਾਈਨ ਵਾਲੀਆਂ ਡਰੈੱਸਾਂ ਮੁਟਿਆਰਾਂ ਨੂੰ ਨਾ ਸਿਰਫ ਸਟਾਈਲਿਸ਼ ਬਣਾਉਂਦੀਆਂ ਹਨ, ਸਗੋਂ ਉਨ੍ਹਾਂ ਦੀ ਪਰਸਨੈਲਿਟੀ ਨੂੰ ਵੀ ਨਿਖਾਰਦੀਆਂ ਹਨ। ਇਹ ਡਰੈੱਸਾਂ ਅੱਜ ਮੁਟਿਆਰਾਂ ਦੇ ਵਾਰਡਰੋਬ ਦਾ ਅਹਿਮ ਹਿੱਸਾ ਬਣ ਚੁੱਕੀਆਂ ਹਨ। ਇਹ ਨਾ ਸਿਰਫ ਫੈਸ਼ਨੇਬਲ ਹਨ, ਸਗੋਂ ਮੁਟਿਆਰਾਂ ਨੂੰ ਇਕ ਯੂਨੀਕ ਅਤੇ ਮਾਡਰਨ ਲੁਕ ਵੀ ਦਿੰਦੀਆਂ ਹਨ।

ਡਿਜ਼ਾਈਨਰ ਨੈੱਕਲਾਈਨ ਵਾਲੀਆਂ ਡਰੈੱਸਾਂ ਮੁਟਿਆਰਾਂ ਨੂੰ ਆਊਟਿੰਗ, ਪਿਕਨਿਕ, ਪਾਰਟੀ, ਆਫਿਸ ਜਾਂ ਕਿਸੇ ਖਾਸ ਮੌਕੇ ਲਈ ਪਰਫੈਕਟ ਬਣਾਉਂਦੀਆਂ ਹਨ। ਇਹ ਡਰੈੱਸਾਂ ਸ਼ਾਰਟ, ਮੀਡੀਅਮ ਅਤੇ ਲਾਂਗ ਲੈਂਥ ’ਚ ਉਪਲੱਬਧ ਹਨ, ਜਿਸ ਨਾਲ ਮੁਟਿਆਰਾਂ ਨੂੰ ਆਪਣੀ ਪਸੰਦ ਦੇ ਹਿਸਾਬ ਨਾਲ ਕਈ ਆਪਸ਼ਨ ਮਿਲਦੇ ਹਨ- ਖਾਸ ਕਰ ਕੇ ਵਨ ਪੀਸ ਡਰੈੱਸ ਅਤੇ ਡਿਜ਼ਾਈਨਰ ਨੈੱਕਲਾਈਨ ਵਾਲੇ ਟਾਪ ਜੀਨਸ ਦੇ ਨਾਲ ਵੀ ਮੁਟਿਆਰਾਂ ਵਿਚ ਕਾਫ਼ੀ ਲੋਕਪ੍ਰਿਯ ਹਨ। ਇਹ ਉਨ੍ਹਾਂ ਦੀ ਲੁਕ ਨੂੰ ਸਟਾਈਲਿਸ਼ ਅਤੇ ਮਾਡਰਨ ਬਣਾਉਂਦੇ ਹਨ। ਡਿਜ਼ਾਈਨਰ ਨੈੱਕਲਾਈਨ ਵਾਲੀ ਡਰੈੱਸ ਦੇ ਨਾਲ ਮੁਟਿਆਰਾਂ ਮਿਨੀਮਲ ਜਿਊਲਰੀ ਪਹਿਨਣਾ ਪਸੰਦ ਕਰਦੀਆਂ ਹਨ।

ਨੈੱਕਲਾਈਨ ਦੀ ਖੂਬਸੂਰਤੀ ਨੂੰ ਉਭਾਰਨ ਲਈ ਹਲਕੀ ਚੇਨ, ਪੈਂਡੈਂਟ ਜਾਂ ਹੈਵੀ ਝੁਮਕੇ ਹੀ ਕਾਫ਼ੀ ਹੁੰਦੇ ਹਨ। ਹੈਵੀ ਨੈੱਕਲੇਸ ਦੀ ਜਗ੍ਹਾ ਇਹ ਛੋਟੀਆਂ ਅਤੇ ਸਟਾਈਲਿਸ਼ ਅਸੈਸਰੀਜ਼ ਡਰੈੱਸ ਦੇ ਨਾਲ ਖੂਬ ਜੱਚਦੀਆਂ ਹਨ। ਇਸ ਦੇ ਨਾਲ ਹੀ ਗਾਗਲਸ, ਕੈਪਸ, ਬੈਗ, ਕਲੱਚ, ਸਲਿੰਗ ਬੈਗ ਅਤੇ ਵਾਚ ਵਰਗੀਆਂ ਅਸੈਸਰੀਜ਼ ਮੁਟਿਆਰਾਂ ਦੀ ਲੁਕ ਨੂੰ ਹੋਰ ਨਿਖਾਰਦੀਆਂ ਹਨ। ਡਿਜ਼ਾਈਨਰ ਨੈੱਕਲਾਈਨ ਵਾਲੀ ਡਰੈੱਸ ਦੇ ਨਾਲ ਫੁੱਟਵੀਅਰ ’ਚ ਮੁਟਿਆਰਾਂ ਨੂੰ ਲਾਂਗ ਸ਼ੂਜ਼, ਫਲੈਟ ਸੈਂਡਲ, ਹਾਈ ਹੀਲਜ਼ ਜਾਂ ਬੈਲੀ ਪਹਿਨੇ ਵੇਖਿਆ ਜਾ ਸਕਦਾ ਹੈ। ਇਨ੍ਹਾਂ ਡਰੈੱਸਾਂ ’ਚ ਮੁਟਿਆਰਾਂ ਨੂੰ ਬਲੈਕ, ਰੈੱਡ, ਵ੍ਹਾਈਟ, ਯੈਲੋ ਅਤੇ ਬਲਿਊ ਵਰਗੇ ਕਲਰ ਕਾਫ਼ੀ ਪਸੰਦ ਰਹੇ ਹਨ। ਇਸ ਤੋਂ ਇਲਾਵਾ, ਪਾਰਟੀ ਲੁਕ ਲਈ ਗੋਲਡਨ, ਸਿਲਵਰ ਅਤੇ ਹੋਰ ਸ਼ਿਮਰੀ ਡਰੈੱਸਾਂ ਵੀ ਟਰੈਂਡ ’ਚ ਹਨ।