ਜਾਣੋ ਕਿਵੇਂ ਘਟ ਹੋ ਸਕਦਾ ਹੈ ਆਮਦਨ ਟੈਕਸ, ਕੋਣ ਲੈ ਸਕਦਾ ਹੈ ਇਸ ਲਾਭ

ਨਵੀਂ ਦਿੱਲੀ — ਆਮ ਤੌਰ 'ਤੇ ਕਿਸੇ ਵੀ ਦੇਸ਼ ਦੇ ਨਾਗਰਿਕ ਲਈ ਆਮਦਨ ਟੈਕਸ ਰਿਟਰਨ ਭਰਨਾ ਬਹੁਤ ਜ਼ਰੂਰੀ ਹੁੰਦਾ ਹੈ। ਇਸਦੇ ਬਾਵਜੂਦ ਭਾਰਤ ਸਰਕਾਰ ਅਤੇ ਆਮਦਨ ਕਰ ਵਿਭਾਗ ਦੁਆਰਾ ਜਨਤਾ ਦੇ ਹਿੱਤਾਂ ਨੂੰ ਧਿਆਨ ਵਿਚ ਰੱਖਦੇ ਹੋਏ ਇਸ ਵਿਚ ਕੁਝ ਛੋਟਾਂ ਵੀ ਦਿੱਤੀਆਂ ਜਾਂਦੀਆਂ ਹਨ। ਆਮਦਨ ਕਰ ਐਕਟ ਦੇ ਕੁਝ ਸੈਕਸ਼ਨਸ ਵਿਚ ਇਸ ਦੀ ਵਿਵਸਥਾ ਹੈ। ਇਹ ਇਸ ਗੱਲ 'ਤੇ ਨਿਰਭਰ ਕਰਦਾ ਹੈ ਕਿ ਤੁਸੀਂ ਉਸ ਵਿੱਤ ਸਾਲ ਵਿਚ ਕੋਈ ਅਜਿਹਾ ਨਿਵੇਸ਼ ਕੀਤਾ ਹੈ ਜਾਂ ਨਹੀਂ, ਜਿਸ ਅਧਾਰ 'ਤੇ ਤੁਸੀਂ ਟੈਕਸ 'ਚ ਛੋਟ ਹਾਸਲ ਕਰ ਸਕੋ।

ਕਿਵੇਂ ਬਚੇਗਾ ਟੈਕਸ

ਟੈਕਸ ਬਚਾਉਣ ਲਈ ਤੁਹਾਨੂੰ ਪੀ.ਪੀ.ਐੱਫ., ਮਿਊਚੁਅਲ ਫੰਡ, ਨੈਸ਼ਨਲ ਸੇਵਿੰਗ ਸਰਟੀਫਿਕੇਟ, ਹਾਊਸਿੰਗ ਲੋਨ ਦੇ ਪ੍ਰਿੰਸੀਪਲ ਅਮਾਊਂਟ ਦੀ ਰੀਪੇਮੈਂਟ, ਜੀਵਨ ਬੀਮਾ ਪਾਲਸੀ ਦਾ ਪ੍ਰੀਮੀਅਮ, ਈ.ਪੀ.ਐੱਫ.  ਆਦਿ 'ਚ ਨਿਵੇਸ਼ ਕਰਨ ਦੀ ਸਲਾਹ ਦਿੱਤੀ ਜਾਂਦੀ ਹੈ। ਇਸ ਤੋਂ ਇਲਾਵਾ ਪੈਨਸ਼ਨ ਸਕੀਮ 'ਚ ਨਿਵੇਸ਼, ਡੋਨੇਸ਼ਨ(ਦਾਨ), ਐਜੁਕੇਸ਼ਨ(ਸਿੱਖਿਆ) ਲੋਨ 'ਤੇ ਵੀ ਟੈਕਸ 'ਚ ਛੋਟ ਮਿਲਦੀ ਹੈ। ਕੁਝ ਵਿਸ਼ੇਸ਼ ਬਿਮਾਰੀਆਂ ਦੇ ਇਲਾਜ ਲਈ ਖਰਚ ਹੋਏ ਪੈਸੇ 'ਚ ਵੀ ਟੈਕਸ ਛੋਟ ਮਿਲਦੀ ਹੈ।

ਭਰਨੇ ਹੁੰਦੇ ਹਨ ਇਹ ਫਾਰਮ

80ਸੀ, 80ਸੀਸੀਸੀ ਅਤੇ 80ਸੀਸੀਡੀ, 80ਟੀਟੀਏ, 80ਸੀਸੀਜੀ, 80ਡੀ, 80ਡੀਡੀ, 80ਡੀਡੀਬੀ, 80ਈ, 80ਜੀਜੀਏ, 80ਜੀਜੀਬੀ, 80ਜੀਜੀਸੀ, 80ਜੀਜੀ, ਸੈਕਸ਼ਨ 24 ਆਦਿ ਆਮਦਨ ਟੈਕਸ ਭਰਨ ਦੇ ਅਜਿਹੇ ਫਾਰਮ ਹਨ ਜਿਨ੍ਹਾਂ ਤੋਂ ਟੈਕਸ ਬਚਾਇਆ ਜਾ ਸਕਦਾ ਹੈ। ਇਥੇ ਇਹ ਸਮਝਣਾ ਵੀ ਜ਼ਰੂਰੀ ਹੈ ਕਿ ਤੁਸੀਂ ਆਪਣੀ ਆਮਦਨ 'ਤੇ ਸਿਰਫ 1.50 ਲੱਖ ਦੀ ਹੀ ਡਿਡਕਸ਼ਨ ਲੈ ਸਕਦੇ ਹੋ।

ਕਿਸ ਨੇ ਦੇਣਾ ਹੁੰਦਾ ਹੈ ਕਿੰਨਾ ਟੈਕਸ

ਸਾਲਾਨਾ 2.50 ਲੱਖ ਰੁਪਏ ਤੱਕ ਕਮਾਉਣ ਵਾਲੇ ਟੈਕਸ ਦੇਣ ਦੇ ਦਾਇਰੇ 'ਚ ਨਹੀਂ ਆਉਂਦੇ। 2.50 ਲੱਖ ਰੁਪਏ ਤੋਂ 5 ਲੱਖ ਰੁਪਏ ਤੱਕ 5 ਫੀਸਦੀ ਟੈਕਸ ਹੈ। 5 ਲੱਖ ਤੋਂ 10 ਲੱਖ ਤੱਕ ਦੀ ਆਮਦਨ ਵਾਲਿਆਂ 'ਤੇ 20 ਫੀਸਦੀ ਟੈਕਸ ਲਗਦਾ ਹੈ ਅਤੇ 10 ਤੋਂ ਉੁੱਪਰ ਵਾਲਿਆਂ 'ਤੇ 30 ਫੀਸਦੀ ਆਮਦਨ ਟੈਕਸ ਲਗਦਾ ਹੈ।