ਨੌਜਵਾਨ ਨੇ ਕੀਤਾ ਕਮਾਲ, ਕਾਰ-ਸਾਈਕਲ ਤੇ ਘਰ ਦੇ ਬੇਕਾਰ ਸਾਮਾਨ ਨਾਲ ਬਣਾਇਆ ''ਹੈਲੀਕਾਪਟਰ'' (ਵੀਡੀਓ)

ਇੰਟਰਨੈਸ਼ਨਲ ਡੈਸਕ (ਬਿਊਰੋ): ਕਿਸੇ ਨੇ ਸੱਚ ਹੀ ਕਿਹਾ ਹੈ ਕਿ ਹੁਨਰਮੰਦ ਵਿਅਕਤੀ ਆਪਣਾ ਸੁਪਨਾ ਪੂਰਾ ਕਰਨ ਦਾ ਰਸਤਾ ਲੱਭ ਹੀ ਲੈਂਦਾ ਹੈ। ਅਜਿਹਾ ਹੀ ਇਕ ਮਾਮਲਾ ਬ੍ਰਾਜ਼ੀਲ ਤੋਂ ਸਾਹਮਣੇ ਆਇਆ ਹੈ ਜਿੱਥੇ ਇਕ ਵਿਅਕਤੀ ਨੇ ਆਰਥਿਕ ਤੰਗੀ ਦੇ ਬਾਵਜੂਦ ਆਪਣਾ ਸੁਪਨਾ ਸੱਚ ਕਰ ਦਿਖਾਇਆ ਅਤੇ ਹੁਣ ਉਹ ਲੋਕਾਂ ਵਿਚ ਚਰਚਾ ਦਾ ਵਿਸ਼ਾ ਬਣਿਆ ਹੋਇਆ ਹੈ। ਜਾਣਕਾਰੀ ਮੁਤਾਬਕ ਬ੍ਰਾਜ਼ੀਲ ਵਿਚ ਇਕ ਵਿਅਕਤੀ ਨੇ ਘਰ ਵਿਚ ਪਈਆਂ ਬੇਕਾਰ ਚੀਜ਼ਾਂ ਅਤੇ ਕਾਰ-ਸਾਈਕਲ ਦੇ ਖਰਾਬ ਪੁਰਜਿਆਂ ਤੋਂ ਹੈਲੀਕਾਪਟਰ ਬਣਾ ਦਿੱਤਾ। ਆਸਮਾਨ ਵਿਚ ਇਸ ਹੈਲੀਕਾਪਟਰ ਨੂੰ ਉੱਡਦਾ ਦੇਖ ਲੋਕ ਵੀ ਹੈਰਾਨ ਰਹਿ ਗਏ। 

Homem no interior do RN constrói helicóptero com restos de carros e motor de fusca, faz teste e decola. pic.twitter.com/4zpS1jvy9p

— Меndes (@MendesOnca) December 9, 2021

ਜੇਨੇਸਿਸ ਗੋਮਸ ਨਾਮ ਦੇ ਵਿਅਕਤੀ ਦੇ ਹੁਨਰ ਵੀ ਕਾਫੀ ਚਰਚਾ ਹੋ ਰਹੀ ਹੈ ਅਤੇ ਲੋਕ ਉਸ ਦੀ ਤਾਰੀਫ਼ ਕਰ ਰਹੇ ਹਨ। ਜੇਨੇਸਿਸ ਨੇ ਲੋਕਾਂ ਨੂੰ ਇਸ ਹੈਲੀਕਾਪਟਰ ਨੂੰ ਉਡਾ ਕੇ ਵੀ ਦਿਖਾਇਆ। ਲੋਕਾਂ ਨੇ ਇਸ ਦੀ ਵੀਡੀਓ ਬਣਾ ਕੇ ਸੋਸ਼ਲ ਮੀਡੀਆ 'ਤੇ ਪਾ ਦਿੱਤੀ ਜੋ ਕਿ ਵਾਇਰਲ ਹੋ ਗਈ। ਵੀਡੀਓ ਦੇ ਵਾਇਰਲ ਹੋਣ ਦੇ ਬਾਅਦ ਤੋਂ ਜੇਨੇਸਿਸ ਨੂੰ ਲੋਕਾਂ ਨੇ ਵਧਾਈਆਂ ਦੇਣੀਆਂ ਸ਼ੁਰੂ ਕਰ ਦਿੱਤੀਆਂ ਅਤੇ ਉਸ ਦੇ ਹੁਨਰ ਦੀ ਤਾਰੀਫ਼ ਕੀਤੀ।

ਪੜ੍ਹੋ ਇਹ ਅਹਿਮ ਖਬਰ- ਇਟਲੀ : ਗੈਸ ਪਾਈਪ-ਲਾਈਨ 'ਚ ਜ਼ਬਰਦਸਤ ਧਮਾਕਾ, 4 ਲੋਕਾਂ ਦੀ ਦਰਦਨਾਕ ਮੌਤ ਤੇ 5 ਲੋਕ ਲਾਪਤਾ (ਤਸਵੀਰਾਂ)

ਦੱਸਿਆ ਜਾ ਰਿਹਾ ਹੈ ਕਿ ਜੇਨੇਸਿਸ ਨੇ ਇਸ ਹੈਲੀਕਾਪਟਰ ਵਿਚ ਸ਼ਾਇਦ ਵੋਕਸਵੈਗਨ ਬੀਟਲ ਦੇ ਇੰਜਣ ਦੀ ਵਰਤੋਂ ਕੀਤੀ ਹੈ। ਜੇਨੇਸਿਸ ਨੇ ਇਸ ਹੈਲੀਕਾਪਟਰ ਨੂੰ ਬਣਾਉਣ ਲਈ ਮੋਟਰ ਸਾਈਕਲ, ਟਰੱਕ, ਕਾਰ ਅਤੇ ਸਾਈਕਲਾਂ ਦੇ ਪੁਰਜਿਆਂ ਸਮੇਤ ਘਰ ਦੇ ਖਰਾਬ ਸਾਮਾਨ ਦੀ ਵੀ ਵਰਤੋਂ ਕੀਤੀ। ਜੇਨੇਸਿਸ ਨੂੰ ਬਚਪਨ ਤੋਂ ਹੈਲੀਕਾਪਟਰ 'ਚ ਸਫਰ ਕਰਨ ਦਾ ਸ਼ੌਂਕ ਸੀ ਪਰ ਉਸ ਦਾ ਇਹ ਸੁਪਨਾ ਕਦੇ ਪੂਰਾ ਨਹੀਂ ਹੋ ਸਕਿਆ। ਆਪਣੇ ਇਸ ਸ਼ੌਂਕ ਨੂੰ ਪੂਰਾ ਕਰਨ ਲਈ ਜੇਨੇਸਿਸ ਨੇ ਜੁਗਾੜ ਨਾਲ ਆਪਣੇ ਲਈ ਹੈਲੀਕਾਪਟਰ ਬਣਾ ਲਿਆ।