ਥੈਰੇਸਾ ਨੇ ਸੰਸਦੀ ਮੈਂਬਰਾਂ ਨੂੰ ''ਬ੍ਰੈਗਜ਼ਿਟ ਸਮਝੌਤਾ''ਨਾ ਹੋਣ ''ਤੇ ਆਖਿਆ ਇਹ ਕੁਝ

ਲੰਡਨ — ਬ੍ਰਿਟੇਨ ਦੀ ਪ੍ਰਧਾਨ ਮੰਤਰੀ ਥੈਰੇਸਾ ਮੇਅ ਨੇ ਯੂਰਪੀ ਸੰਘ ਤੋਂ ਵੱਖ ਹੋਣ ਦਾ ਪ੍ਰਸਤਾਵ ਖਾਰਿਜ ਕਰਨ ਲਈ ਮਤਦਾਨ ਦੀ ਤਿਆਰੀ ਕਰ ਰਹੇ ਸੰਸਦੀ ਮੈਂਬਰਾਂ ਨੂੰ ਆਗਾਹ ਕੀਤਾ ਹੈ ਕਿ ਬ੍ਰੈਗਜ਼ਿਟ ਸਮਝੌਤਾ ਨਾ ਹੋਣਾ ਸਾਡੇ ਲੋਕਤੰਤਰ ਲਈ ਖਤਰਨਾਕ ਅਤੇ ਅਸਮਰੱਥ ਹੋਵੇਗਾ। ਪ੍ਰਧਾਨ ਮੰਤਰੀ ਨੇ ਸੰਸਦੀ ਮੈਂਬਰਾਂ ਨੂੰ ਆਖਿਆ ਕਿ ਮੰਗਲਵਾਰ ਨੂੰ ਸੰਸਦ 'ਚ ਹੋਣ ਵਾਲੀ ਵੋਟਿੰਗ 'ਚ ਬ੍ਰੈਗਜ਼ਿਟ ਦੇ ਸਮਰਥਕਾਂ ਨੂੰ ਨਿਰਾਸ਼ ਨਹੀਂ ਕਰਨਾ ਚਾਹੀਦਾ। ਵੱਖ ਹੋਣ ਦੇ ਪ੍ਰਸਤਾਵ 'ਤੇ ਪਿਛਲੇ 18 ਮਹੀਨੇ ਤੋਂ ਗੱਲਬਾਤ ਚੱਲ ਰਹੀ ਹੈ।
ਮੇਅ ਨੇ 'ਸੰਡੇ ਐਕਸਪ੍ਰੈੱਸ' ਨੂੰ ਆਖਿਆ ਕਿ ਅਜਿਹਾ ਕਰਨ ਨਾਲ ਸਾਡੇ ਲੋਕਤੰਤਰ 'ਚ ਡਰ ਅਤੇ ਅਸਮਰਥਾ ਪੈਦਾ ਹੋਵੇਗੀ। ਉਨ੍ਹਾਂ ਕਿਹਾ ਕਿ ਇਸ ਲਈ ਇਸ ਹਫਤੇ 'ਚ ਸੰਸਦ ਨੂੰ ਮੇਰਾ ਸੰਦੇਸ਼ ਬਹੁਤ ਹੀ ਆਮ ਹੈ। ਇਹ 'ਗੇਮ' ਭੁੱਲ ਕੇ ਅਤੇ ਉਹ ਕਰਨ ਦਾ ਸਮਾਂ ਹੈ ਜੋ ਸਾਡੇ ਦੇਸ਼ ਲਈ ਸਹੀ ਹੈ। ਬ੍ਰਿਟੇਨ ਇਸ ਸਾਲ 29 ਮਾਰਚ ਨੂੰ ਯੂਰਪੀ ਸੰਘ ਤੋਂ ਵੱਖ ਹੋਣ ਵਾਲਾ ਹੈ ਪਰ ਅਲਗ ਹੋਣ ਦੀਆਂ ਸ਼ਰਤਾਂ ਅਜੇ ਤੱਕ ਤੈਅ ਨਹੀਂ ਹੋਈਆਂ ਹਨ। ਪ੍ਰਧਾਨ ਮੰਤਰੀ ਹਾਰ ਤੋਂ ਬਚਣ ਲਈ ਦਸੰਬਰ 'ਚ ਹਾਊਸ ਆਫ ਕਾਮਨਸ 'ਚ ਮਤਦਾਨ ਨੂੰ ਪਹਿਲਾਂ ਹੀ ਰੱਦ ਕਰ ਚੁੱਕੀ ਹੈ।