ਨੋਬਲ ਪੁਰਸਕਾਰ 2019 : ਰਸਾਇਣ ਖੇਤਰ ਦੇ ਜੇਤੂਆਂ ਦਾ ਐਲਾਨ
10/09/2019 3:47:02 PM
ਸਟਾਕਹੋਲਮ (ਏਜੰਸੀ)— ਰਸਾਇਣ ਵਿਗਿਆਨ ਦੇ ਨੋਬਲ ਪੁਰਸਕਾਰ ਦੇ ਜੇਤੂਆਂ ਦੇ ਨਾਵਾਂ ਦਾ ਐਲਾਨ ਕਰ ਦਿੱਤਾ ਗਿਆ ਹੈ। ਇਹ ਪੁਰਸਕਾਰ ਅਮਰੀਕੀ ਵਿਗਿਆਨੀ ਜੌਨ ਬੀ. ਗੁੱਡਏਨਫ, ਬ੍ਰਿਟੇਨ ਦੇ ਵਿਗਿਆਨੀ ਐੱਮ ਸਟੈਨਲੀ ਵਿਟੀਘੰਮ ਅਤੇ ਜਾਪਾਨ ਦੀ ਅਕੀਰਾ ਯੋਸ਼ਿਨੋ ਨੂੰ ਸੰਯੁਕਤ ਰੂਪ ਨਾਲ ਦਿੱਤਾ ਜਾਵੇਗਾ। ਉਨ੍ਹਾਂ ਨੂੰ ਲਿਥੀਅਮ ਆਇਨ ਬੈਟਰੀ ਦੇ ਵਿਕਾਸ ਲਈ ਨੋਬਲ ਪੁਰਸਕਾਰ ਦਿੱਤਾ ਜਾਵੇਗਾ।
The 2019 #NobelPrize in Chemistry has been awarded to John B. Goodenough, M. Stanley Whittingham and Akira Yoshino “for the development of lithium-ion batteries.” pic.twitter.com/LUKTeFhUbg
— The Nobel Prize (@NobelPrize) October 9, 2019
ਰਾਇਲ ਸਵੀਡਿਸ਼ ਅਕੈਡਮੀ ਆਫ ਸਾਇੰਸੇਜ ਨੇ ਜੇਤੂਆਂ ਦੇ ਨਾਵਾਂ ਦਾ ਐਲਾਨ ਕੀਤਾ। ਜਿਊਰੀ ਨੇ ਕਿਹਾ,''ਇਨ੍ਹਾਂ ਹਲਕੀਆਂ ਮੁੜ ਰਿਚਾਰਜ ਹੋ ਸਕਣ ਵਾਲੀਆਂ ਅਤੇ ਸ਼ਕਤੀਸ਼ਾਲੀ ਬੈਟਰੀਆਂ ਦੀ ਵਰਤੋਂ ਹੁਣ ਮੋਬਾਈਲ ਫੋਨ ਤੋਂ ਲੈ ਕੇ ਲੈਪਟਾਪ ਅਤੇ ਇਲੈਕਟ੍ਰੋਨਿਕ ਗੱਡੀਆਂ ਆਦਿ ਵਿਚ ਹੁੰਦੀ ਹੈ। ਇਨ੍ਹਾਂ ਵਿਚ ਸੌਰ ਊਰਜਾ ਅਤੇ ਪੌਣ ਊਰਜਾ ਦੀ ਚੰਗੀ ਮਾਤਰਾ ਇਕੱਠੀ ਕੀਤੀ ਜਾ ਸਕਦੀ ਹੈ, ਜਿਸ ਨਾਲ ਪੈਟਰੋਲ, ਡੀਜ਼ਲ ਜਿਹੇ ਪਥਰਾਟ ਬਾਲਣ ਤੋਂ ਮੁਕਤ ਸਮਾਜ ਵੱਲ ਵੱਧਣਾ ਸੰਭਵ ਹੋਵੇਗਾ।''