ਸਾਲ 2018 ਅਤੇ 2019 ਦੇ ਨੋਬਲ ਸਾਹਿਤ ਪੁਰਸਕਾਰਾਂ ਦਾ ਐਲਾਨ
10/10/2019 5:42:50 PM
ਸਟਾਕਹੋਲਮ (ਭਾਸ਼ਾ)— ਸਾਹਿਤ ਦੇ ਨੋਬਲ ਪੁਰਸਕਾਰਾਂ ਦਾ ਐਲਾਨ ਕਰ ਦਿੱਤਾ ਗਿਆ ਹੈ। ਸਾਲ 2018 ਦਾ ਨੋਬਲ ਸਾਹਿਤ ਪੁਰਸਕਾਰ ਪੋਲੈਂਡ ਦੀ ਲੇਖਿਕਾ ਓਲਗਾ ਤੁਕਾਸਰਜ਼ੁਕ ਨੂੰ ਦਿੱਤਾ ਜਾਵੇਗਾ। ਇਸ ਦੇ ਨਾਲ ਹੀ ਸਾਲ 2019 ਦਾ ਨੋਬਲ ਸਾਹਿਤ ਪੁਰਸਕਾਰ ਆਸਟ੍ਰੀਆ ਦੇ ਪੀਟਰ ਹੈਂਡਕੇ ਨੂੰ ਦਿੱਤਾ ਜਾਵੇਗਾ। ਸਵੀਡਿਸ਼ ਅਕੈਡਮੀ ਨੇ ਵੀਰਵਾਰ ਨੂੰ ਇਨ੍ਹਾਂ ਪੁਰਸਕਾਰਾਂ ਦਾ ਐਲਾਨ ਕੀਤਾ।
BREAKING NEWS:
— The Nobel Prize (@NobelPrize) October 10, 2019
The Nobel Prize in Literature for 2018 is awarded to the Polish author Olga Tokarczuk. The Nobel Prize in Literature for 2019 is awarded to the Austrian author Peter Handke.#NobelPrize pic.twitter.com/CeKNz1oTSB
ਓਲਗਾ ਤੋਕਾਰਜ਼ੁਕ ਨੂੰ ਸੀਮਾਵਾਂ ਦੇ ਆਰ-ਪਾਰ ਜੀਵਨ ਦੇ ਇਕ ਰੂਪ ਨੂੰ ਦਰਸਾਉਣ ਦੀ ਕਲਪਨਾ ਲਈ ਇਹ ਸਨਮਾਨ ਮਿਲੇਗਾ। ਆਸਟ੍ਰੀਆਈ ਲੇਖਕ ਪੀਟਰ ਹੈਂਡਕੇ ਨੂੰ ਮਨੁੱਖੀ ਅਨੁਭਵ ਦੀ ਘੇਰੇ ਅਤੇ ਵਿਸ਼ਸ਼ੇਤਾ ਨੂੰ ਭਾਸ਼ਾਈ ਸਰਲਤਾ ਜ਼ਰੀਏ ਖੋਜਣ ਦੇ ਮਹੱਤਵਪੂਰਨ ਕੰਮ ਲਈ 2019 ਦਾ ਨੋਬਲ ਪੁਰਸਕਾਰ ਦਿੱਤਾ ਗਿਆ ਹੈ।
ਜ਼ਿਕਰਯੋਗ ਹੈ ਕਿ 1901 ਤੋਂ 2017 ਤੱਕ 110 ਨੋਬਲ ਪੁਰਸਕਾਰ ਦਿੱਤੇ ਗਏ ਹਨ। 114 ਸਾਹਿਤਕਾਰਾਂ ਨੂੰ ਸਨਮਾਨਿਤ ਕੀਤਾ ਗਿਆ। ਸਭ ਤੋਂ ਜ਼ਿਆਦਾ ਅੰਗਰੇਜ਼ੀ ਭਾਸ਼ਾ ਦੇ (23 ਵਾਰ) ਸਾਹਿਤ ਨੂੰ ਇਹ ਪੁਰਸਕਾਰ ਦਿੱਤਾ ਗਿਆ। ਸਾਹਿਤ ਦੇ ਨੋਬਲ ਪੁਰਸਕਾਰ ਨਾਲ 14 ਔਰਤਾਂ ਨੂੰ ਸਨਮਾਨਿਤ ਕੀਤਾ ਜਾ ਚੁੱਕਾ ਹੈ। ਸਵੀਡਿਸ਼ ਲੇਖਿਕਾ ਸੇਲਮਾ ਲੇਗਰਲੋਫ ਪਹਿਲੀ ਮਹਿਲੀ ਸਨ ਜਿਨ੍ਹਾਂ ਨੂੰ 1909 ਵਿਚ ਇਹ ਪੁਰਸਕਾਰ ਦਿੱਤਾ ਗਿਆ।