ਭਾਰਤੀ ਕਰਮਚਾਰੀਆਂ ''ਤੇ 22 ਮਿਲੀਅਨ ਰੁਪਏ ਦੀ ਧੋਖਾਧੜੀ ਦਾ ਦੋਸ਼, ਸ਼੍ਰੀਲੰਕਾ ਦਾ ਸਨਸਨੀਖੇਜ਼ ਮਾਮਲਾ

ਕੋਲੰਬੋ (ਪੀ.ਟੀ.ਆਈ.) ਸ਼੍ਰੀਲੰਕਨ ਏਅਰਲਾਈਨਜ਼ ਨੇ ਚੇਨਈ ਦਫਤਰ ਵਿੱਚ ਸਥਿਤ ਆਪਣੇ ਕਈ ਭਾਰਤੀ ਕਰਮਚਾਰੀਆਂ 'ਤੇ 22 ਮਿਲੀਅਨ ਰੁਪਏ ਦੇ ਫੰਡਾਂ ਦੀ ਦੁਰਵਰਤੋਂ ਕਰਨ ਦਾ ਦੋਸ਼ ਲਗਾਇਆ ਹੈ। ਸ਼ਨੀਵਾਰ ਨੂੰ ਜਾਰੀ ਇੱਕ ਬਿਆਨ ਵਿੱਚ ਸ਼੍ਰੀਲੰਕਾਈ ਫਲੈਗ ਕੈਰੀਅਰ ਨੇ ਕਿਹਾ ਕਿ ਇਹ ਧੋਖਾਧੜੀ ਇਨਵੌਇਸ, ਭੁਗਤਾਨ ਵੇਰਵਿਆਂ ਅਤੇ ਦਸਤਖਤਾਂ ਨੂੰ ਬਦਲ ਕੇ ਕੀਤੀ ਗਈ ਸੀ।

ਬਿਆਨ ਵਿਚ ਕਿਹਾ ਗਿਆ,"ਚੇਨਈ ਵਿੱਚ ਸ਼੍ਰੀਲੰਕਨ ਏਅਰਲਾਈਨਜ਼ ਦੇ ਦਫਤਰ ਵਿੱਚ ਫੰਡਾਂ ਦੀ ਦੁਰਵਰਤੋਂ ਦੇ ਸੰਬੰਧ ਵਿੱਚ, ਏਅਰਲਾਈਨ ਇਹ ਦੱਸਣਾ ਚਾਹੁੰਦੀ ਹੈ ਕਿ ਚੇਨਈ ਵਿੱਚ ਵਿੱਤ ਵਿਭਾਗ ਵਿੱਚ ਕੰਮ ਕਰਨ ਵਾਲੇ ਸਾਰੇ ਭਾਰਤੀ ਨਾਗਰਿਕਾਂ 'ਤੇ ਦੋਸ਼ ਹੈ ਕਿ ਉਨ੍ਹਾਂ ਨੇ ਸਮੇਂ ਸਮੇਂ 'ਤੇ ਇਨਵੌਇਸ, ਭੁਗਤਾਨ ਵੇਰਵਿਆਂ ਅਤੇ ਦਸਤਖਤਾਂ ਨੂੰ ਧੋਖਾਧੜੀ ਨਾਲ ਬਦਲ ਕੇ ਕੁੱਲ 22 ਮਿਲੀਅਨ ਰੁਪਏ ਦੀ ਦੁਰਵਰਤੋਂ ਕੀਤੀ ਹੈ।" ਏਅਰਲਾਈਨ ਨੇ ਦੁਰਵਰਤੋਂ ਦੀ ਮਿਆਦ ਨਹੀਂ ਦੱਸੀ।

ਪੜ੍ਹੋ ਇਹ ਅਹਿਮ ਖ਼ਬਰ- ਮੁੜ ਵਧਣਗੀਆਂ ਪੈਟਰੋਲ-ਡੀਜ਼ਲ ਦੀਆਂ ਕੀਮਤਾਂ! ਟਰੰਪ ਦੇ ਇਕ ਫੈਸਲੇ ਨੇ ਵਧਾਈ ਚਿੰਤਾ

ਇਸ ਵਿੱਚ ਕਿਹਾ ਗਿਆ ਹੈ ਕਿ ਭਾਰਤੀ ਕਾਨੂੰਨ ਲਾਗੂ ਕਰਨ ਵਾਲੀਆਂ ਏਜੰਸੀਆਂ ਨਾਲ ਸੰਪਰਕ ਕੀਤਾ ਗਿਆ ਹੈ,ਅਤੇ ਨੁਕਸਾਨ ਦੀ ਭਰਪਾਈ ਲਈ ਇਸ ਸਮੇਂ ਜਾਂਚ ਜਾਰੀ ਹੈ।ਇਸ ਤੋਂ ਇਲਾਾਵਾ ਕੰਪਨੀਨੇ ਇਕ ਵੱਖਰੀ ਘਟਨਾ ਦਾ ਜ਼ਿਕਰ ਕੀਤਾ, ਜਿਸ ਵਿਚ ਇਕ ਈਮੇਲ ਖਾਤਾ ਹੈਕ ਹੋਣ ਕਾਰਨ ਯੂਏਈ ਸਥਿਤ ਇਕ ਸੇਵਾ ਪ੍ਰਦਾਤਾ ਨੂੰ ਗਲਤੀ ਨਾਲ ਭੁਗਤਾਨ ਕਰ ਦਿੱਤਾ ਗਿਆ ਸੀ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ-  ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।