ਦੱਖਣੀ ਅਫ਼ਰੀਕਾ ਨੇ ਪਹਿਲਾ ਸਵਦੇਸ਼ੀ ''ਸੈਟੇਲਾਈਟ'' ਗਰੁੱਪ ਕੀਤਾ ਲਾਂਚ

ਜੋਹਾਨਸਬਰਗ (ਭਾਸ਼ਾ)- ਦੱਖਣੀ ਅਫਰੀਕਾ ਨੇ ਅਫਰੀਕਾ ਮਹਾਦੀਪ ਵਿੱਚ ਬਣੇ ਪਹਿਲੇ ਸੈਟੇਲਾਈਟ ਗਰੁੱਪ ਨੂੰ ਲਾਂਚ ਕੀਤਾ ਹੈ। ਦੇਸ਼ ਦੇ ਵਿਗਿਆਨ ਅਤੇ ਇਨੋਵੇਸ਼ਨ ਮੰਤਰੀ ਬਲੇਡ ਜਿਮਾਂਡੇ ਨੇ ਇਸ ਕਦਮ ਨੂੰ ਮੀਲ ਪੱਥਰ ਕਰਾਰ ਦਿੱਤਾ ਹੈ। ਦੇਸ਼ ਦੇ ਪਹਿਲੇ ਮੈਰੀਟਾਈਮ ਡੋਮੇਨ ਅਵੇਅਰਨੈੱਸ ਸੈਟੇਲਾਈਟ (MDASAT) ਸਮੂਹ ਦੇ ਤਹਿਤ ਤਿੰਨ ਛੋਟੇ ਸਥਾਨਕ ਤੌਰ 'ਤੇ ਬਣਾਏ ਗਏ ਉਪਗ੍ਰਹਿ ਵੀਰਵਾਰ ਨੂੰ ਅਮਰੀਕਾ ਦੇ ਕੇਪ ਕੈਨਾਵੇਰਲ ਤੋਂ ਲਾਂਚ ਕੀਤੇ ਗਏ। ਇਸ ਨੂੰ ਅਮਰੀਕੀ ਏਰੋਸਪੇਸ ਕੰਪਨੀ ਸਪੇਸਐਕਸ ਦੇ ਟ੍ਰਾਂਸਪੋਰਟਰ-3 ਮਿਸ਼ਨ ਦੇ ਹਿੱਸੇ ਵਜੋਂ ਲਾਂਚ ਕੀਤਾ ਗਿਆ ਸੀ। 

ਪੜ੍ਹੋ ਇਹ ਅਹਿਮ ਖਬਰ- ਸਕਾਟਲੈਂਡ: ਜੈਵ ਵਿਭਿੰਨਤਾ ਦੀ ਰੱਖਿਆ ਲਈ 12.5 ਮਿਲੀਅਨ ਪੌਂਡ ਫੰਡ ਦਾ ਐਲਾਨ 

ਟ੍ਰਾਂਸਪੋਰਟਰ-3, ਸਪੇਸਐਕਸ ਦੇ ਤੀਜੇ ਸਮਰਪਿਤ ਮਿਸ਼ਨ, ਕਿਊਬਸੈਟਸ, ਮਾਈਕ੍ਰੋਸੈਟਸ, ਪਾਕੇਟਕਿਊਬਸ ਅਤੇ ਔਰਬਿਟਲ ਟ੍ਰਾਂਸਫਰ ਵਹੀਕਲ ਸਮੇਤ ਵੱਖ-ਵੱਖ ਸੰਸਥਾਵਾਂ ਅਤੇ ਸਰਕਾਰਾਂ ਤੋਂ ਕੁੱਲ 105 ਪੁਲਾੜ ਯਾਨ ਲੈ ਗਏ। ਮੰਤਰੀ ਜਿਮਾਂਡੇ ਨੇ ਲਾਂਚ 'ਤੇ ਖੁਸ਼ੀ ਜ਼ਾਹਰ ਕੀਤੀ ਅਤੇ ਕਿਹਾ ਕਿ ਦੱਖਣੀ ਅਫਰੀਕਾ ਦੇ ਸੈਟੇਲਾਈਟ ਨਿਰਮਾਣ ਉਦਯੋਗ ਨੂੰ ਵਿਗਿਆਨ ਅਤੇ ਨਵੀਨਤਾ ਮੰਤਰਾਲੇ ਦੀ ਵਿੱਤੀ ਸਹਾਇਤਾ ਅਤੇ ਸਹਿਯੋਗ ਦੇ ਦੂਰਗਾਮੀ ਨਤੀਜੇ ਹੋਣਗੇ। ਉਹਨਾਂ ਨੇ ਕਿਹਾ ਕਿ ਇਹ ਛੋਟੇ ਉਪਗ੍ਰਹਿ ਵਿਕਾਸ ਦੇ ਖੇਤਰ ਵਿੱਚ ਇੱਕ ਪ੍ਰਮੁੱਖ ਅਫਰੀਕੀ ਦੇਸ਼ ਦੇ ਰੂਪ ਵਿੱਚ ਦੱਖਣੀ ਅਫਰੀਕਾ ਦੀ ਸਾਖ ਨੂੰ ਸਥਾਪਿਤ ਕਰਨਗੇ। 

ਨੋਟ- ਉਕਤ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।