ਸੋਮਾਲੀਆ ਹੋਟਲ ਅੱਤਵਾਦੀ ਹਮਲੇ ''ਚ ਕੈਨੇਡੀਅਨ ਪੱਤਰਕਾਰ ਦੀ ਮੌਤ
07/13/2019 8:02:30 PM
ਮੋਗਾਦਿਸ਼ੂ/ਟੋਰਾਂਟੋ— ਦੱਖਣੀ ਸੋਮਾਲਿਆ 'ਚ ਸ਼ਨੀਵਾਰ ਨੂੰ ਹੋਏ ਅੱਤਵਾਦੀ ਹਮਲੇ 'ਚ 26 ਲੋਕਾਂ ਦੀ ਮੌਤ ਹੋ ਗਈ ਹੈ, ਜਿਨ੍ਹਾਂ 'ਚ ਇਕ ਕੈਨੇਡੀਅਨ ਪੱਤਰਕਾਰ ਵੀ ਸ਼ਾਮਲ ਸੀ। ਇਸ ਸਬੰਧੀ ਕੈਨੇਡਾ ਦੇ ਇਮੀਗ੍ਰੇਸ਼ਨ, ਰਿਫਊਜੀ ਤੇ ਨਾਗਰਿਕ ਮੰਤਰੀ ਅਹਿਮਦ ਹੁਸੈਨ ਨੇ ਟਵੀਟ ਕਰਕੇ ਦੁੱਖ ਵਿਅਕਤ ਕੀਤਾ।
ਸੋਮਾਲੀਆ ਦੇ ਇਸ ਹਮਲੇ 'ਚ ਹੋਡਨ ਨਾਲਾਏਹ ਤੇ ਉਸ ਦਾ ਪਤੀ ਫਰੀਜ ਜਾਮਾ ਮਾਰੇ ਗਏ ਹਨ। ਇਸ ਦੌਰਾਨ ਇਮੀਗ੍ਰੇਸ਼ਨ, ਰੀਫਊਜੀ ਤੇ ਨਾਗਰਿਕਤਾ ਮੰਤਰੀ ਅਹਿਮਦ ਹੁਸੈਨ ਨੇ ਕਿਹਾ ਕਿ ਨਾਲਾਏਹ ਨੇ ਕੈਨੇਡੀਅਨ ਸੋਮਾਲੀ ਸਮੂਹ ਲਈ ਬੇਅੰਤ ਯੋਗਦਾਨ ਦਿੱਤੇ। ਉਨ੍ਹਾਂ ਕਿਹਾ, “ਇਕ ਪੱਤਰਕਾਰ ਹੋਣ ਦੇ ਨਾਤੇ, ਉਨ੍ਹਾਂ ਨੇ ਸਮੂਹ ਦੀਆਂ ਸਕਰਾਤਮਕ ਕਹਾਣੀਆਂ ਅਤੇ ਕੈਨੇਡਾ ਵਾਸਤੇ ਸਮੂਹ ਦੇ ਯੋਗਦਾਨ ਨੂੰ ਉਜਾਗਰ ਕੀਤਾ, ਇਸ ਤਰ੍ਹਾਂ ਉਹ ਕਾਫੀ ਸਾਰੇ ਲੋਕਾਂ ਲਈ ਅਵਾਜ ਬਣੀ।
Through her work as a journalist, Hodan highlighted the community's positive stories and contributions in Canada. She became a voice for many.
— Ahmed Hussen (@HonAhmedHussen) July 13, 2019
We mourn her loss deeply, and all others killed in the #KismayoAttack.
https://t.co/O87FIWNlqd
ਇਸ ਦੌਰਾਨ ਲਿਬਰਲ ਪਾਰਟੀ ਦੀ ਮੈਂਬਰ ਐਂਡ੍ਰੀਆ ਹੋਵਰਥ ਨੇ ਵੀ ਹੋਡਾਨ ਤੇ ਉਨ੍ਹਾਂ ਦੇ ਪਤੀ ਦੀ ਮੌਤ 'ਤੇ ਦੁੱਖ ਵਿਅਕਤ ਕੀਤਾ।
I am so sad and shocked to learn of the tragic death of @HodanTV and her husband Farid in a terrorist attack, along with other victims of this hate-fueled violence. Hodan’s endless positivity and her love for people was inspiring.
— Andrea Horwath (@AndreaHorwath) July 12, 2019
ਜ਼ਿਕਰਯੋਗ ਹੈ ਕਿ ਇਕ ਆਤਮਘਾਤੀ ਹਮਲਾਵਰ ਨੇ ਹਥਿਆਰਾਂ ਨਾਲ ਲੈਸ ਇਕ ਵਾਹਨ ਕਿਸਮਾਯੋ ਸ਼ਹਿਰ ਦੇ ਪ੍ਰਸਿੱਧ ਹੋਟਲ ਮੋਦਿਨਾ 'ਚ ਵਾੜ ਦਿੱਤਾ। ਇਸ ਦੌਰਾਨ ਇਕ ਜ਼ਬਰਦਸ ਧਮਾਕਾ ਹੋਇਆ। ਅਲਕਾਇਦਾ ਨਾਲ ਜੁੜੇ ਅੱਤਵਾਦੀ ਸਮੂਹ ਅਲ ਸ਼ਬਾਬ ਨੇ ਇਸ ਹਮਲੇ ਦੀ ਜ਼ਿੰਮੇਦਾਰੀ ਲਈ ਹੈ।