ਇਜ਼ਰਾਇਲੀ ਹਵਾਈ ਹਮਲੇ ''ਚ ਮਾਂ ਦੀ ਮੌਤ, ਬਚਾਈ ਗਈ ਅਣਜੰਮੇ ਬੱਚੇ ਦੀ ਜਾਨ

ਰਫਾਹ (ਏ.ਪੀ.): ਗਾਜ਼ਾ ਦੇ ਦੱਖਣੀ ਸ਼ਹਿਰ ਰਫਾਹ 'ਚ ਸ਼ਨੀਵਾਰ ਨੂੰ ਇਜ਼ਰਾਇਲੀ ਹਵਾਈ ਹਮਲਿਆਂ ਦੌਰਾਨ ਜਦੋਂ ਸਬਰੀਨ ਜੌਦਾ ਨੇ ਦੁਨੀਆ ਵਿਚ ਪਹਿਲੀ ਵਾਰ ਅੱਖਾਂ ਖੋਲ੍ਹੀਆਂ ਤਾਂ ਉਸ ਦੀ ਮਾਂ, ਉਸ ਦੇ ਪਿਤਾ ਅਤੇ ਚਾਰ ਸਾਲਾ ਭੈਣ ਦੀ ਮੌਤ ਹੋ ਚੁੱਕੀ ਸੀ। ਸ਼ਨੀਵਾਰ ਅੱਧੀ ਰਾਤ ਤੋਂ ਪਹਿਲਾਂ ਜੌਦਾ ਦੇ ਘਰ ਨੂੰ ਇਜ਼ਰਾਈਲੀ ਹਵਾਈ ਹਮਲੇ ਦਾ ਸ਼ਿਕਾਰ ਬਣਾਇਆ ਗਿਆ ਸੀ। ਇਨ੍ਹਾਂ ਹਮਲਿਆਂ ਵਿੱਚ ਸਬਰੀਨ ਦੇ ਪਿਤਾ ਦੀ ਮੌਤ ਹੋ ਗਈ। ਉਸ ਦੀ ਚਾਰ ਸਾਲਾ ਭੈਣ ਅਤੇ ਉਸ ਦੀ ਮਾਂ ਦੀ ਵੀ ਮੌਤ ਹੋ ਗਈ, ਪਰ ਜਦੋਂ ਬਚਾਅ ਕਰਮਚਾਰੀਆਂ ਨੂੰ ਪਤਾ ਲੱਗਾ ਕਿ ਉਸ ਦੀ ਮਾਂ, ਸਬਰੀਨ ਅਲ-ਸਕਨੀ 30 ਹਫ਼ਤਿਆਂ ਦੀ ਗਰਭਵਤੀ ਹੈ, ਤਾਂ ਉਸ ਨੂੰ ਤੁਰੰਤ ਕੁਵੈਤ ਦੇ ਹਸਪਤਾਲ ਲਿਜਾਇਆ ਗਿਆ, ਜਿੱਥੇ ਡਾਕਟਰੀ ਕਰਮਚਾਰੀਆਂ ਨੇ ਐਮਰਜੈਂਸੀ ਸਰਜਰੀ ਕਰ ਕੇ ਬੱਚੀ ਦੀ ਜਾਨ ਬਚਾਈ। 

ਛੋਟੀ ਸਬਰੀਨ ਸਾਹ ਲੈਣ ਵਿੱਚ ਸੰਘਰਸ਼ ਕਰਦੇ ਹੋਏ ਲਗਭਗ ਮੌਤ ਦੇ ਕਰੀਬ ਪਹੰੁਚ ਗਈ ਸੀ। ਡਾਕਟਰੀ ਕਰਮਚਾਰੀ ਉਸ ਦੇ ਖੁੱਲ੍ਹੇ ਮੂੰਹ ਰਾਹੀਂ ਉਸ ਨੂੰ ਸਾਹ ਦੇਣ ਦੀ ਕੋਸ਼ਿਸ਼ ਕਰ ਰਹੇ ਸਨ ਅਤੇ ਆਖਰਕਾਰ ਬਹੁਤ ਕੋਸ਼ਿਸ਼ਾਂ ਤੋਂ ਬਾਅਦ ਉਸ ਨੂੰ ਬਚਾਇਆ ਗਿਆ। ਹਵਾਈ ਹਮਲੇ ਤੋਂ ਥੋੜ੍ਹੀ ਦੇਰ ਬਾਅਦ ਉਸ ਨੂੰ ਐਤਵਾਰ ਨੂੰ ਇੱਕ ਨੇੜਲੇ ਅਮੀਰਾਤੀ ਹਸਪਤਾਲ ਦੇ ਨਵਜਾਤ ਇੰਟੈਂਸਿਵ ਕੇਅਰ ਯੂਨਿਟ ਵਿੱਚ ਦਾਖਲ ਕਰਵਾਇਆ ਗਿਆ। ਉਸਨੇ ਇੱਕ ਵੱਡਾ ਡਾਇਪਰ ਪਾਇਆ ਹੋਇਆ ਹੈ ਅਤੇ ਉਸਦੀ ਛਾਤੀ ਦੇ ਨੇੜੇ ਇੱਕ ਟੇਪ 'ਤੇ ਉਸਦੀ ਪਛਾਣ ਲਿਖੀ ਹੋਈ ਹੈ: "ਸ਼ਹੀਦ ਸਬਰੀਨ ਅਲ-ਸਕਨੀ ਦਾ ਬੱਚਾ।" 

ਪੜ੍ਹੋ ਇਹ ਅਹਿਮ ਖ਼ਬਰ-ਕੈਨੇਡਾ ਤੇ ਚੀਨ ਵਿਚਾਲੇ ਸਬੰਧ ਤਣਾਅਪੂਰਨ, ਚੀਨੀ ਰਾਜਦੂਤ ਕੈਨੇਡਾ ਤੋਂ ਰਵਾਨਾ

ਹਸਪਤਾਲ ਦੇ ਇੰਟੈਂਸਿਵ ਕੇਅਰ ਯੂਨਿਟ ਦੇ ਮੁਖੀ ਡਾ. ਮੁਹੰਮਦ ਸਲਮੇਹ ਨੇ ਕਿਹਾ, "ਅਸੀਂ ਕਹਿ ਸਕਦੇ ਹਾਂ ਕਿ ਉਸਦੀ ਸਿਹਤ ਦੀ ਹਾਲਤ 'ਚ ਥੋੜ੍ਹਾ ਸੁਧਾਰ ਹੋਇਆ ਹੈ ਪਰ ਅਜੇ ਵੀ ਖਤਰਾ ਹੈ।'' ਇਹ ਬੱਚਾ ਇਸ ਸਮੇਂ ਮਾਂ ਦੀ ਕੁੱਖ ਵਿੱਚ ਹੋਣਾ ਚਾਹੀਦਾ ਸੀ ਪਰ ਉਸ ਨੂੰ ਇਸ ਅਧਿਕਾਰ ਤੋਂ ਵਾਂਝਾ ਰੱਖਿਆ ਗਿਆ।'' ਉਨ੍ਹਾਂ ਨੇ ਉਸ ਨੂੰ ਸਮੇਂ ਤੋਂ ਪਹਿਲਾਂ ਪੈਦਾ ਹੋਈ ਅਨਾਥ ਬੱਚੀ ਦੱਸਿਆ ਪਰ ਉਹ ਅਨਾਥ ਨਹੀਂ ਹੈ। ਉਸਦੀ ਦਾਦੀ, ਅਹਲਮ ਅਲ-ਕੁਰਦੀ ਨੇ ਕਿਹਾ,"ਉਸ ਦਾ ਸੁਆਗਤ ਹੈ।" ਉਹ ਮੇਰੇ ਪਿਆਰੇ ਪੁੱਤਰ ਦੀ ਧੀ ਹੈ। ਮੈਂ ਉਸਦੀ ਦੇਖਭਾਲ ਕਰਾਂਗੀ। ਉਹ ਮੇਰਾ ਪਿਆਰ ਹੈ, ਮੇਰੀ ਆਤਮਾ ਹੈ। ਉਹ ਆਪਣੇ ਪਿਤਾ ਦੀ ਯਾਦ ਹੈ। ਮੈਂ ਉਸ ਦੀ ਦੇਖਭਾਲ ਕਰਾਂਗੀ।'' ਗਾਜ਼ਾ ਦੇ ਸਿਹਤ ਮੰਤਰਾਲੇ ਅਨੁਸਾਰ ਯੁੱਧ ਸ਼ੁਰੂ ਹੋਣ ਤੋਂ ਬਾਅਦ ਗਾਜ਼ਾ ਵਿੱਚ ਮਾਰੇ ਗਏ 34,000 ਤੋਂ ਵੱਧ ਫਲਸਤੀਨੀਆਂ ਵਿੱਚੋਂ ਘੱਟੋ ਘੱਟ ਦੋ ਤਿਹਾਈ ਬੱਚੇ ਅਤੇ ਔਰਤਾਂ ਹਨ। ਰਫਾਹ ਵਿੱਚ ਰਾਤੋ ਰਾਤ ਇੱਕ ਹੋਰ ਇਜ਼ਰਾਈਲੀ ਹਵਾਈ ਹਮਲੇ ਵਿੱਚ 17 ਬੱਚਿਆਂ ਅਤੇ ਦੋ ਔਰਤਾਂ ਦੀ ਮੌਤ ਹੋ ਗਈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।