ਸਾਇੰਸਦਾਨਾਂ ਨੂੰ ਮਿਲਿਆ ਇਕ ਹੋਰ ਯੂਨੀਵਰਸ, ਜਿਥੇ ਉਲਟਾ ਚੱਲਦੈ ਸਮਾਂ

5/18/2020 12:31:51 AM

ਅੰਟਾਰਕਟਿਕਾ - ਨਾਸਾ ਦੇ ਸਾਇੰਸਦਾਨਾਂ ਨੇ ਸਾਡੇ ਯੂਨੀਵਰਸ ਦੇ ਪੈਰੇਲਲ ਇਕ ਯੂਨੀਵਰਸ ਹੋਣ ਦੇ ਸਬੂਤ ਖੋਜੇ ਹਨ ਜਿਥੇ ਫਿਜ਼ੀਕਸ ਜਿਹੇ ਸਾਰੇ ਨਿਯਮ ਉਲਟੇ ਕੰਮ ਕਰਦੇ ਹਨ। ਘਟੋਂ-ਘੱਟ 1952 ਤੋਂ ਫਿਜ਼ੀਸਿਸਟ ਇਸ ਸੰਭਾਵਨਾ 'ਤੇ ਬਹਿਸ ਕਰ ਰਹੇ ਹਨ ਕੀ ਅਸੀਂ ਇਕ ਮਲਟੀਵਰਸ ਵਿਚ ਰਹਿੰਦੇ ਹਾਂ ਪਰ ਇਸ ਗੱਲ ਦੇ ਸਬੂਤ ਕਦੇ ਨਹੀਂ ਮਿਲ ਸਕੇ। ਹੁਣ ਇਕ ਕਾਸਮਿਕ ਰੇਅ ਡਿਟੈਕਸ਼ਨ ਐਕਸਪੈਰੀਮੈਂਟ ਵਿਚ ਅਜਿਹੇ ਪਾਰਟੀਕਲ (ਤੱਤ) ਮਿਲੇ ਹਨ ਜਿਨ੍ਹਾਂ ਦੇ ਸਾਡੇ ਯੂਨੀਵਰਸ ਦੇ ਬਾਹਰ ਦੇ ਬਾਹਰ ਹੋਣ ਦੀ ਸੰਭਾਵਨਾ ਜਤਾਈ ਜਾ ਰਹੀ ਹੈ। ਹਾਲਾਂਕਿ, ਸਾਇੰਸਦਾਨਾਂ ਵਿਚਾਲੇ ਅਜੇ ਇਹ ਥਿਓਰੀ ਹੀ ਹੈ ਜਿਸ 'ਤੇ ਹੋਰ ਰੀਸਰਚ ਦੀ ਜ਼ਰੂਰਤ ਹੈ।

ਬਾਹਰ ਤੋਂ ਆਉਂਦੇ ਹਨ ਹਾਈ ਐਨਰਜੀ ਪਾਰਟੀਕਲ
ਨਾਸਾ ਦੇ ਅੰਟਾਰਕਟਿਕ ਐਮਪਲਸਿਵ ਟ੍ਰਾਂਜਿਯੰਟ ਐਂਟੇਨਾ (ANITA) ਨੇ ਇਕ ਵੱਡੇ ਜਿਹੇ ਬਲੂਨ 'ਤੇ ਇਲੈਕਟ੍ਰਾਨਿਕ ਐਂਟੇਨਾ ਨੂੰ ਅੰਟਾਰਕਟਿਕਾ ਵਿਚ ਠੰਡੀ ਅਤੇ ਸੁਕੀ ਹਵਾ ਵਿਚ ਉਚਾਈ 'ਤੇ ਟਿਕਾਇਆ। ਉਥੇ ਰੇਡੀਓ ਨਾਇਜ਼ ਨਾ ਦੇ ਬਰਾਬਰ ਹੁੰਦੀ ਹੈ ਇਸ ਲਈ ਨਤੀਜਿਆਂ 'ਤੇ ਜ਼ਿਆਦਾ ਅਸਰ ਨਹੀਂ ਹੁੰਦਾ ਹੈ। ਆਓਟਰ ਸਪੇਸ ਤੋਂ ਹਾਈ ਐਨਰਜੀ ਪਾਰਟੀਕਲਸ ਆਉਂਦੇ ਰਹਿੰਦੇ ਹਨ ਜੋ ਇਥੋਂ ਦੀ ਤੁਲਨਾ ਵਿਚ ਕਈ ਲੱਖ ਗੁਣਾ ਜ਼ਿਆਦਾ ਤਾਕਤਵਰ ਹੁੰਦੇ ਹਨ।

(ANITA) ਦੇ ਸਾਇੰਸਦਾਨਾਂ ਦਾ ਆਖਣਾ ਹੈ ਕਿ ਘੱਟ ਐਨਰਜੀ ਦੇ ਪਾਰਟੀਕਲਸ ਨਿਊਟ੍ਰੀਨੋਸ (neutrinos) ਬਿਨਾਂ ਕਿਸੇ ਪਾਰਟੀਕਲ ਤੋਂ ਇੰਟਰੈਕਟ ਕੀਤੇ ਧਰਤੀ ਤੋਂ ਪੂਰੀ ਤਰ੍ਹਾਂ ਆਰ-ਪਾਰ ਹੋ ਸਕਦੇ ਹਨ। ਹਾਲਾਂਕਿ, ਹਾਈ ਐਨਰਜੀ ਪਾਰਟੀਕਲਸ ਧਰਤੀ ਦੇ ਸਾਲਿਡ ਮੈਟਰ ਦੇ ਅੱਗੇ ਰੁਕ ਜਾਂਦੇ ਹਨ। ਇਸ ਦਾ ਮਤਲਬ ਹੈ ਕਿ ਹਾਈ ਐਨਰਜੀ ਪਾਰਟੀਕਲਸ ਆਓਟਰ ਸਪੇਸ ਤੋਂ ਸਿਰਫ ਹੇਠਾਂ ਆਉਂਦੇ ਵੇਲੇ ਹੀ ਡਿਟੈਕਟ ਕੀਤੇ ਜਾਂਦੇ ਹਨ ਕਿਉਂਕਿ ਉਦੋਂ ਇਹ ਰੋਕੇ ਨਹੀਂ ਜਾ ਸਕਦੇ। ਮਤਲਬ ਜੇਕਰ ਜ਼ਿਆਦਾ ਭਾਰੀ ਪਾਰਟੀਕਲ -ਟਾਓ ਨਿਊਟ੍ਰੀਨੋ (tau neutrino) ਧਰਤੀ ਤੋਂ ਨਿਕਲਦੇ ਵੇਲੇ ਡਿਟੈਕਟ ਕੀਤੇ ਗਏ ਤਾਂ ਇਸ ਦਾ ਮਤਲਬ ਹੈ ਕਿ ਇਹ ਟਾਈਮ ਵਿਚ ਪਿੱਛੇ ਚੱਲ ਰਹੇ ਹਨ।

(ANITA) ਵਿਚ ਪ੍ਰਿੰਸੀਪਲ ਇੰਵੈਸਟੀਗੇਟਰ ਅਤੇ ਯੂਨੀਵਰਸਿਟੀ ਆਫ ਹਵਾਈ ਵਿਚ ਐਕਸਪੈਰੀਮੈਂਟਲ ਪਾਰਟੀਕਲ ਫਿਜ਼ੀਸਿਸਟ ਪੀਟਰ ਗੋਰਹਮ ਨੇ ਦੱਸਿਆ ਹੈ ਕਿ ਟਾਓ ਨਿਊਟ੍ਰੀਨੋ ਨੂੰ ਅਜਿਹਾ ਵਿਵਹਾਰ ਇਸ ਲਈ ਹੋ ਸਕਦਾ ਹੈ ਕਿ ਜਦ ਉਹ ਧਰਤੀ ਵਿਚ ਦਾਖਲ ਹੋਇਆ ਤਾਂ ਉਹ ਕੁਝ ਹੋਰ ਸੀ ਅਤੇ ਜਦ ਬਾਹਰ ਨਿਕਲਿਆ ਉਦੋਂ ਉਹ ਬਦਲ ਚੁੱਕਿਆ ਸੀ।



ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ

Khushdeep Jassi

Content Editor Khushdeep Jassi