ਸੀਰੀਆ ''ਤੇ ਰਿਪੋਰਟਿੰਗ ਕਰਨ ਵਾਲੇ ਪੱਤਕਾਰ ਦੀ ਛੱਤ ਤੋਂ ਡਿੱਗਣ ਕਾਰਨ ਮੌਤ

ਮਾਸਕੋ— ਸੀਰੀਆ 'ਚ ਮਾਸਕੋ ਦੀ ਨਿੱਜੀ ਫੌਜ ਦੀ ਮੌਜੂਦਗੀ ਬਾਰੇ 'ਚ ਲਿਖਣ ਵਾਲੇ ਇਕ ਰੂਸੀ ਪੱਤਰਕਾਰ ਦੀ ਪੰਜਵੀਂ ਮੰਜ਼ਿਲ ਤੋਂ ਡਿੱਗ ਕੇ ਮੌਤ ਹੋ ਗਈ। ਜਾਂਚ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਉਹ ਪੱਤਰਕਾਰ ਦੀ ਮੌਤ ਨੂੰ ਸ਼ੱਕੀ ਨਹੀਂ ਮੰਨ ਰਹੇ ਹਨ। ਪੱਤਰਕਾਰ ਏਜੰਸੀਆਂ ਦੀ ਰਿਪੋਰਟ ਦੇ ਮੁਤਾਬਕ ਮੈਕਸਿਮ ਬੋਰੋਡਿਨ ਯੂਰਾਲ 'ਚ ਇਕ ਵੱਡੇ ਸ਼ਹਿਰ ਯੋਕਾਤੇਰਿਨਬਰਗ 'ਚ ਆਪਣੇ ਅਪਾਰਟਮੈਂਟ ਤੋਂ ਡਿੱਗ ਗਏ ਤੇ ਗੰਭੀਰ ਸੱਟਾਂ ਲੱਗਣ ਕਾਰਨ ਐਤਵਾਰ ਨੂੰ ਉਸ ਦੀ ਮੌਤ ਹੋ ਗਈ।
ਮੈਕਸਿਮ ਬੋਰੋਡਿਨ ਪੱਤਰਕਾਰ ਸੇਵਾ 'ਨਿਊ ਡੇ' ਦੇ ਲਈ ਕੰਮ ਕਰਦੇ ਸਨ ਤੇ ਹਾਲ 'ਚ ਉਨ੍ਹਾਂ ਨੇ ਕਥਿਤ 'ਵੇਗਨਰ ਗਰੁੱਪ' ਦੇ ਕਰਮਚਾਰੀਆਂ ਦੀ ਮੌਤ ਦੇ ਬਾਰੇ 'ਚ ਲਿਖਿਅ ਸੀ। ਵੇਗਨਰ ਗਰੁੱਪ ਇਕ ਨਿੱਜੀ ਫੌਜ ਹੈ, ਜਿਸ ਦੀ ਮਾਸਕੋ ਸੀਰੀਆ 'ਚ ਵਰਤੋ ਕਰ ਰਿਹਾ ਹੈ। ਸਥਾਨਕ ਜਾਂਚ ਕਮੇਟੀ ਨੇ ਤਾਸ ਸੰਵਾਦ ਕਮੇਟੀ ਨੂੰ ਕਿਹਾ ਕਿ ਮਾਮਲਾ ਸ਼ੁਰੂ ਕਰਨ ਦੇ ਲਈ ਕੋਈ ਆਧਾਰ ਨਹੀਂ ਹੈ। ਜਾਂਚ ਕਮੇਟੀ ਨੇ ਕਿਹਾ ਕਿ ਇਸ ਦੇ ਮੰਦਭਾਗਾ ਹਾਦਸਾ ਹੋਣ ਸਣੇ ਸਾਰੇ ਪਹਿਲੂਆਂ 'ਤੇ ਵਿਚਾਰ ਕੀਤਾ ਜਾ ਰਿਹਾ ਹੈ। ਹਾਲਾਂਕਿ ਕਿਸੇ ਅਪਰਾਧ ਦਾ ਕੋਈ ਸੰਕੇਤ ਨਹੀਂ ਮਿਲਿਆ ਹੈ।
ਆਰਗੇਨਾਈਜ਼ੇਸ਼ਨ ਫਾਰ ਸਕਿਓਰਿਟੀ ਐਂਡ ਕੋ-ਆਪਰੇਸ਼ਨ ਇਨ ਯੂਰਪ 'ਚ ਮੀਡੀਆ ਸੁਤੰਤਰਤਾ ਦੇ ਲਈ ਪ੍ਰਤੀਨਿਧੀ ਹਾਰਲੇਸ ਡੇਸਿਰ ਨੇ ਕਿਹਾ ਕਿ ਬੋਰੋਡਿਨ ਦੀ ਮੌਤ ਗੰਭੀਰ ਚਿੰਤਾ ਦਾ ਵਿਸ਼ਾ ਹੈ। ਉਨ੍ਹਾਂ ਨੇ ਟਵਿਟਰ 'ਤੇ ਕਿਹਾ ਕਿ ਮੈਂ ਅਧਿਕਾਰੀਆਂ ਨੂੰ ਤੇਜ਼ ਤੋਂ ਤੇਜ਼ ਤੇ ਵਿਸਤ੍ਰਿਤ ਜਾਂਚ ਦੀ ਅਪੀਲ ਕਰਦਾ ਹਾਂ। ਕਮਿਟੀ ਟੂ ਪ੍ਰੋਟੈਕਟ ਜਰਨਲਿਸਟਸ ਦੇ ਮੁਤਾਬਕ ਰੂਸ ਦਾ ਪੱਤਰਕਾਰਾਂ 'ਤੇ ਹਮਲੇ ਦਾ ਰਿਕਾਰਡ ਖਰਾਬ ਰਿਹਾ ਹੈ। ਉਥੇ 1992 ਤੋਂ ਹੁਣ ਤੱਕ 58 ਪੱਤਰਕਾਰ ਮਾਰੇ ਗਏ ਹਨ।