PUBG ਦੀ ਆਦਤ ਨੇ 17 ਸਾਲਾ ਮੁੰਡੇ ਨੂੰ ਬਣਾ''ਤਾ ਮਾਂ ਤੇ ਭਰਾ-ਭੈਣਾਂ ਦਾ ਕਾਤਲ, ਕੋਰਟ ਨੇ ਸੁਣਾਈ 100 ਸਾਲ ਦੀ ਸਜ਼ਾ

ਲਾਹੌਰ : ਪਾਕਿਸਤਾਨ ਦੀ ਇੱਕ ਸਥਾਨਕ ਅਦਾਲਤ ਨੇ ਬੁੱਧਵਾਰ ਨੂੰ ਇੱਕ ਨਾਬਾਲਗ ਲੜਕੇ ਨੂੰ ਆਨਲਾਈਨ PUBG ਗੇਮ ਖੇਡਣ ਦੇ ਗੁੱਸੇ ਵਿੱਚ ਆਪਣੀ ਮਾਂ, ਇੱਕ ਭਰਾ ਅਤੇ ਦੋ ਭੈਣਾਂ ਦੀ ਹੱਤਿਆ ਕਰਨ ਦੇ ਦੋਸ਼ ਵਿੱਚ 100 ਸਾਲ ਦੀ ਕੈਦ ਦੀ ਸਜ਼ਾ ਸੁਣਾਈ ਹੈ। ਇਹ ਘਟਨਾ 2022 ਵਿੱਚ ਵਾਪਰੀ ਸੀ। ਅਦਾਲਤ ਦੇ ਇੱਕ ਅਧਿਕਾਰੀ ਨੇ ਮੀਡੀਆ ਨੂੰ ਦੱਸਿਆ, "ਲਾਹੌਰ ਦੇ ਵਧੀਕ ਸੈਸ਼ਨ ਜੱਜ ਰਿਆਜ਼ ਅਹਿਮਦ ਨੇ 17 ਸਾਲਾਂ ਦੇ ਜ਼ੈਨ ਅਲੀ ਨੂੰ ਚਾਰ ਦੋਸ਼ਾਂ ਵਿੱਚ 100 ਸਾਲ ਦੀ ਕੈਦ ਦੀ ਸਜ਼ਾ ਸੁਣਾਈ ਅਤੇ ਉਸਦੇ ਅਪਰਾਧ ਲਈ 40 ਲੱਖ ਪਾਕਿਸਤਾਨੀ ਰੁਪਏ ਦਾ ਜੁਰਮਾਨਾ ਵੀ ਲਗਾਇਆ।" ਅਦਾਲਤ ਨੇ ਆਪਣਾ ਫੈਸਲਾ ਇਸਤਗਾਸਾ ਪੱਖ ਦੁਆਰਾ ਪੇਸ਼ ਕੀਤੇ ਗਏ ਸਬੂਤਾਂ ਅਤੇ ਗਵਾਹਾਂ ਦੇ ਆਧਾਰ 'ਤੇ ਦਿੱਤਾ।

ਇਹ ਵੀ ਪੜ੍ਹੋ : 'ਮੇਰੀਆਂ 4 ਘਰਵਾਲੀਆਂ, 100 ਤੋਂ ਵੱਧ ਬੱਚੇ ਤੇ...' UAE ਦੇ ਇਸ ਵਿਅਕਤੀ ਦਾ ਕਬੂਲਨਾਮਾ!

ਅਧਿਕਾਰੀ ਨੇ ਕਿਹਾ ਕਿ ਆਪਣੇ ਫੈਸਲੇ ਵਿੱਚ ਜੱਜ ਨੇ ਕਿਹਾ ਕਿ ਅਲੀ ਦੀ ਉਮਰ ਕਾਰਨ ਉਸ ਨੂੰ ਮੌਤ ਦੀ ਸਜ਼ਾ ਦੀ ਬਜਾਏ ਚਾਰਾਂ ਦੋਸ਼ਾਂ ਵਿੱਚ ਉਮਰ ਕੈਦ ਦੀ ਸਜ਼ਾ ਸੁਣਾਈ ਜਾਣੀ ਚਾਹੀਦੀ ਹੈ। ਉਸ ਨੂੰ ਹਰੇਕ ਅਪਰਾਧ ਲਈ 25 ਸਾਲ ਦੀ ਸਜ਼ਾ ਕੱਟਣੀ ਪਵੇਗੀ। ਲਾਹੌਰ ਦੇ ਸੰਘਣੀ ਆਬਾਦੀ ਵਾਲੇ ਕਾਹਨਾ ਇਲਾਕੇ ਦਾ ਰਹਿਣ ਵਾਲਾ ਜ਼ੈਨ ਅਲੀ (ਉਦੋਂ 14 ਸਾਲ ਦਾ ਸੀ), ਬਹੁਤ ਜ਼ਿਆਦਾ PUBG ਖੇਡਦਾ ਸੀ। ਉਹ ਆਪਣਾ ਜ਼ਿਆਦਾਤਰ ਸਮਾਂ ਆਪਣੇ ਕਮਰੇ ਵਿੱਚ ਆਨਲਾਈਨ ਗੇਮ ਖੇਡਦਾ ਰਹਿੰਦਾ ਸੀ ਅਤੇ ਉਸਦੀ ਮਾਂ ਨਾਹਿਦ ਮੁਬਾਰਕ, ਅਕਸਰ ਉਸ ਨੂੰ ਸਮਾਂ ਬਰਬਾਦ ਕਰਨ ਲਈ ਝਿੜਕਦੀ ਸੀ। ਜਦੋਂ ਉਹ ਗੇਮ ਦੇ ਨਿਰਧਾਰਤ ਟੀਚਿਆਂ ਨੂੰ ਪ੍ਰਾਪਤ ਕਰਨ ਵਿੱਚ ਅਸਫਲ ਰਹਿੰਦਾ ਸੀ ਤਾਂ ਉਹ ਅਕਸਰ ਹਮਲਾਵਰ ਹੋ ਜਾਂਦਾ ਸੀ। ਪੁਲਸ ਨੇ ਅਦਾਲਤ ਨੂੰ ਦੱਸਿਆ, "2022 ਵਿੱਚ ਘਟਨਾ ਵਾਲੇ ਦਿਨ ਜ਼ੈਨ ਅਲੀ ਕਈ ਘੰਟੇ ਗੇਮ ਖੇਡਣ ਤੋਂ ਬਾਅਦ ਬੇਹੋਸ਼ ਹੋ ਗਿਆ ਅਤੇ ਆਪਣਾ ਨਿਸ਼ਾਨਾ ਖੁੰਝ ਗਿਆ ਅਤੇ ਉਸਦੀ ਮਾਂ ਨੇ ਉਸ ਨੂੰ ਝਿੜਕਿਆ ਸੀ।"

ਇਹ ਵੀ ਪੜ੍ਹੋ : X ਨੂੰ ਵੱਡਾ ਝਟਕਾ: ਕੇਂਦਰ ਸਰਕਾਰ ਖ਼ਿਲਾਫ਼ ਦਾਇਰ ਪਟੀਸ਼ਨ ਖਾਰਜ, HC ਨੇ ਕਿਹਾ- 'ਭਾਰਤ ਦੇ ਨਿਯਮ ਮੰਨਣੇ ਪੈਣਗੇ'

ਪੁਲਸ ਨੇ ਦੱਸਿਆ ਕਿ ਅਲੀ ਆਪਣੀ ਮਾਂ ਦੀ ਪਿਸਤੌਲ ਲੈ ਕੇ ਉਸ ਕਮਰੇ ਵਿੱਚ ਚਲਾ ਗਿਆ ਜਿੱਥੇ ਉਹ ਆਪਣੀਆਂ ਦੋ ਧੀਆਂ ਨਾਲ ਸੌਂ ਰਹੀ ਸੀ। ਗੇਮ ਦੇ ਪ੍ਰਭਾਵ ਹੇਠ ਉਸਨੇ ਆਪਣੀ 45 ਸਾਲਾ ਮਾਂ, 20 ਸਾਲਾ ਵੱਡੇ ਭਰਾ ਤੈਮੂਰ, 15 ਸਾਲਾ ਭੈਣ ਮਾਹਨੂਰ ਅਤੇ 10 ਸਾਲਾ ਭੈਣ ਜੰਨਤ ਨੂੰ ਗੋਲੀਆਂ ਮਾਰ ਕੇ ਮਾਰ ਦਿੱਤਾ। ਆਪਣੇ ਪਰਿਵਾਰਕ ਮੈਂਬਰਾਂ ਨੂੰ ਮਾਰਨ ਤੋਂ ਬਾਅਦ ਜ਼ੈਨ ਅਲੀ ਨੇ ਪਿਸਤੌਲ ਨੂੰ ਨੇੜਲੇ ਨਾਲੇ ਵਿੱਚ ਸੁੱਟ ਦਿੱਤਾ। ਉਸਨੇ ਬਾਅਦ ਵਿੱਚ ਆਪਣਾ ਅਪਰਾਧ ਕਬੂਲ ਕਰ ਲਿਆ। ਇਸ ਘਟਨਾ ਨੇ ਪੂਰੇ ਦੇਸ਼ ਨੂੰ ਹਿਲਾ ਕੇ ਰੱਖ ਦਿੱਤਾ ਸੀ।

ਇਹ ਵੀ ਪੜ੍ਹੋ : ਅਮਰੀਕੀ ਸਰਕਾਰ ਨੇ ਪੇਸ਼ ਕੀਤਾ ਨਵਾਂ H-1B ਵੀਜ਼ਾ ਸਿਸਟਮ, ਇਨ੍ਹਾਂ ਕਰਮਚਾਰੀਆਂ ਨੂੰ ਦਿੱਤੀ ਜਾਵੇਗੀ ਤਰਜੀਹ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8